Category: பெரியார் முழக்கம் 2026

உலகிலேயே முதல் முறையாக பன்றியின் சிறுநீரகத்தை மனிதருக்கு பொருத்தும் மருத்துவப் புரட்சி அமெரிக்காவில் மாசூசெட்ஸ் மருத்துவமனையில் நடந்து இருக்கிறது. டீம் ஆண்ட்ரூஸ் என்ற 66 வயது அமெரிக்கருக்கு பன்றியின் சிறுநீரகம் பொருத்தப்பட்டு, 271 நாள் அவர் டயாலிசிஸ் சிகிச்சை இல்லாமல் உயிர் வாழ்ந்திருக்கிறார். உலகின் முதல் சாதனை இது என்று பிரபல ‘லேண்ட்செட்’ ஆராய்ச்சி‌ இதழ் செய்தி வெளியிட்டுள்ளது.‌ கடந்த ஜனவரி-25,2025 பன்றி சிறுநீரகம் பொருத்தப்பட்டவுடன் ஆண்ட்ரூஸ் உடல் அதை ஏற்றுக் கொண்டது. 14 வது நாளில் உடல் ஏற்க மறுத்தபோது மருத்துவர்கள் அதை கட்டுப்பாட்டுக்குள் கொண்டு வந்தார்கள். 6 மாதம் வரை சிறுநீரகம் நன்றாகவே வேலை செய்தது. டயாலிசிஸ் சிகிச்சை தேவைப்படவே இல்லை. திடீரென்று உடலில் நோய் தொற்று ஏற்பட்டது. இது பன்றி சிறுநீரகத்தால் ஏற்பட்டது அல்ல. மருத்துவர்கள் நோய் தொற்றுக்கு சிகிச்சை செய்தனர். ஆனாலும் சிறுநீரகத்தை உடலுடன் இணைக்கும் ரத்த நாளங்கள் செயலிழந்தது. இதனால் பன்றியின் சிறுநீரகம் வேலை...

தந்தை பெரியாரின் 148-வது பிறந்தநாளை முன்னிட்டு சென்னை மாவட்ட தமிழ்நாடு மாணவர் கழகம் மற்றும் திராவிடர் விடுதலைக் கழக இளைஞரணி இணைந்து நடத்திய கல்லூரி மாணவர்களுக்கான ஓவியப் போட்டி “GEN-Z PERIYAR 2K26” செப்-20 அன்று கழகத் தலைமை அலுவலகத்தில் நடைபெற்றது. தமிழ்நாடு மாணவர் கழகத் தோழர் ஷர்மிளா தலைமை தாங்கினார். ஓவியப் போட்டியில் 25-க்கும் மேற்பட்ட கல்லூரி மாணவ, மாணவிகள் கலந்துகொண்டனர். முதல் பரிசை (ரூ.5,000/- மற்றும் புத்தகம்) பவானி, இரண்டாம் பரிசை (ரூ.3000/- மற்றும் புத்தகம்) கோபிகா, மூன்றாம் பரிசை (ரூ.2000/- மற்றும் புத்தகம்) ஜெசிதா ஆகியோர் வென்றனர். சுபாஸ்ரீ, பார்கவி, புவனேஷ் ஆகிய தோழர்களின் ஓவியங்களுக்கு சிறப்பு பரிசாக ரூ.1000 வழங்கப்பட்டது. சிறப்புப் பரிசுக்கான தொகையை ஓவியர் பரதன், வழக்கறிஞர்கள் இரண்யா, இளவரசன் மற்றும் எழிலரசன் வழங்கினர். போட்டியாளர்கள் அனைவருக்கும் நூல்களை ‘எட்வின் புத்தக நிலையம்’ சார்பில் வழங்கப்பட்டது. நிகழ்வை சென்னை மாவட்ட இளைஞரணி அமைப்பாளர் அருண்...

*பிள்ளையார் அரசியல்* வாளும் வடிவேலும் வாய்த்த வெடிகுண்டும் நாளும் உயிர்குடிக்க நான்தருவேன்- நீளும் கை பொங்கும் எரிமுகத்துப் பூதக் கணபதியே எங்கும் கலவரத்தை தா. *பெரியார்* அறிவில் பெரியார் அழகில் பெரியார் புரிநூல் மனிதனைப் பூட்டும் பெரியார் கருப்புக்குரியார் கருத்துக்கு ரியார் வெறுப்பினில் வைப்பார் நெருப்பு. அண்மையில் முடிவெய்திய தோழர் வைகறை வாணன் “கொடை தருக கோடி பெறுக” என்ற தலைப்போடு எழுதி 2019-ல் வெளியிட்டிருந்த ” உரைநடை வெண்பா” நூலில் இடம் பெற்றுள்ள சில வெண்பாக்கள்… பெரியார் முழக்கம் இதழ் 17092026

ஆசிரியர்கள் சிவகாமி, சிவக்குமார் முயற்சியில் ஆதரவாளர்கள் மற்றும் கழகத் தோழர்கள் ஒருங்கிணைந்து வாட்ஸ்அப் குழு வழியாக புரட்சிப் பெரியார் முழக்கத்திற்கு மாதம் ரூ. 500 என நன்கொடை திரட்டி வருகின்றனர். ஓராண்டு செயல்திட்டமாக இதைச் செயல்படுத்தி வருகின்றனர். செப்டம்பர் மாத நன்கொடையாக ரூ.10,000 வழங்கியுள்ளனர். நன்றியுடன் பெற்றுக் கொண்டோம். தோழர் கண்ணன் சென்னை ரூ.3000 கழக ஏட்டுக்கு நன்கொடை வழங்கினார். நன்றியுடன் பெற்றுக் கொண்டோம் (ஆசிரியர்). பெரியார் முழக்கம் இதழ் 17092026

கழகத் தோழர் இரண்யா வழக்கறிஞராகப் பதிவு செய்ததைப் பாராட்டும் விதமாக திருவல்லிக்கேணி பகுதிக் கழகம் சார்பில் தோழர்கள் சூர்யா (பகுதி அமைப்பாளர்), கோபிநாத் (பகுதி தலைவர்) ஆகியோர் செப்-6 அன்று மாலை 6 மணியளவில் விஜயா மண்டபத்தில் பாராட்டு விழா ஏற்பாடு செய்திருந்தனர். மாவட்டச் செயலாளர் உமாபதி நிகழ்வை ஒருங்கிணைத்தார். தலைமை நிலையச் செயலாளர் தபசிகுமரன், தலைமைக் குழு உறுப்பினர் அன்பு தனசேகர், மாவட்டத் தலைவர் வேழவேந்தன், வழக்குரைஞர் ரமேஷ் பெரியார், மதுரை வாசுகி மற்றும் மஞ்சுநாதன் ஆகியோர் உரையாற்றினர். சென்னை மாவட்டக் கழகத் தோழர்கள் பெரும் எண்ணிக்கையில் பங்கேற்றனர். நிறைவாக தோழர் இரண்யா நன்றி கூறினார். வழக்கறிஞராக ஆனதற்கு மகிழ்வாக ரூ.5000 புரட்சிப் பெரியார் முழக்கத்துக்கு நன்கொடையாக சென்னை மாவட்டச் செயலாளர் உமாபதியிடம் வழங்கினார். பெரியார் முழக்கம் இதழ் 17092026

அண்மையில், நேபாளத்தில் ஏற்பட்ட மிகப்பெரிய வெள்ளத்தின் போதும் கதை கட்டத் தொடங்கினார்கள். நேபாளத்தின் பஞ்ச்கல் பகுதியில், பலஞ்சோக் பகவதி அம்மன் கோவில் இருக்கிறதாம்! கடந்த ஆகஸ்ட் 22-ஆம் தேதி மாலை நேரத்தில் பூஜைகள் நடந்தபோது, பகவதி அம்மன் சிலையில் வியர்வைத் துளிகள் போன்ற ஈரப்பதம் இருந்ததைப் பக்தர்கள் கவனித்தார்களாம். பொதுவாக இந்த அம்மன் சிலைக்கு வியர்த்தால், ஏதோ ஒரு பெரிய இயற்கை பேரிடரோ, நெருக்கடியோ ஏற்படப்போகிறது என்பது உள்ளூர் மக்களின் நீண்டகால நம்பிக்கையாம்! இதனால் அசம்பாவிதங்கள் ஏதும் நடக்காமல் இருக்கத் தெய்வத்திடம் மன்னிப்பு கோரும் வகையில் கோவிலில் உடனடியாகப் பூஜை நடத்தியுள்ளனர். சிலைக்கு வியர்த்ததாகக் கூறப்பட்ட நிகழ்வு நடந்து, சரியாக நான்கு நாட்களுக்குப் பிறகு, அதாவது ஆகஸ்ட் 26-ஆம் தேதி, நேபாளத்தில் பயங்கரமான திடீர் வெள்ளப்பெருக்கு ஏற்பட்டதாம்! சரி, பரிகாரப் பூஜைகள் செய்தார்களே அதற்குப் பலன் என்ன கிடைத்தது? யோசிக்க வேண்டாமா? எவரெஸ்டில் பனிப்பாறைகள் உருக மனிதச் சிறுநீரும் ஒரு காரணம்...

செப்டம்பரில் பாரிஸ் அருகே பிரான்சின் முதல் பெரிய இந்து ஆலயம் திறக்கப்படவுள்ளது என்று கடந்த சில நாட்களாகவே பெரிய அளவில் விளம்பரம் செய்யப்பட்டது. பாரிஸ் அருகிலுள்ள புஸ்ஸி செயின்ட் ஜார்ஜஸ் பகுதியில் அமைந்துள்ள போச்சசான்வாசி அக்ஷர் புருஷோத்தம் சுவாமிநாராயண் சன்ஸ்தா (BAPS)வின் சுவாமிநாராயண் இந்துக் கோயில் திறக்கப்படுவதையொட்டி, 2026 செப்டம்பர் 2 முதல் 14 வரை, 13 நாள் ‘கலாச்சாரத் திருவிழா’வுடன் கொண்டாட்டங்கள் இருப்பதாகவும் பெரிதாக விளம்பரப்படுத்தினார்கள். அதன் ஒரு பகுதியாக செப்டம்பர்-3 அன்று பாரிஸில் உள்ள செய்ன் நதியில் நடைபெறவிருந்த படகு ஊர்வலத்திற்கு முன்னதாக, ஈபிள் கோபுரத்திற்கு முன்பாக நடைபெற்ற மதச் சடங்கில் அந்த அமைப்பைச் சேர்ந்த துறவிகள் பங்கேற்றனர். பிறகு செப்டம்பர் 5-ஆம் தேதி அன்று அந்த அமைப்பைச் சேர்ந்த சுமார் 100 பேர் கொண்ட குழுவினர் ஈபிள் கோபுரத்தைப் பார்வையிடச் சென்றனர். அப்போது அந்தக் கோபுரத்தை நிர்வகித்துவரும் ஈபிள் கோபுர நிர்வாக நிறுவனத்தாரிடம் அங்கு பணியில் உள்ள...

மு.க.ஸ்டாலின் மிசாவில் கைதாகவில்லை என்ற கற்பனையை திட்டமிட்டு பரப்பி வருவது ஆர்.எஸ்.எஸ். அஇஅதிமுக மா.பா.பாண்டியராஜன் மூன்று ஆண்டுகளுக்கு முன்னால் இதே கதையை அவிழ்த்து விட்டார். அப்போது ஆதாரப்பூர்வமாக மறுக்கப்பட்டது. பிறகு பாஜக அண்ணாமலை இதே பொய்யைப் பரப்பினார்; எடுபடவில்லை. இப்போது தவெகவில் இருந்து ஆர்.எஸ்.எஸ்-காரர் நிர்மல்குமார் இந்தப் பொய்யைச் சட்டமன்றத்தில் பேசியுள்ளார். ஆர்.எஸ்.எஸ் ‘வீராதி வீரர்கள்’ அவசர நிலை காலத்தில் எப்படி சரணடைந்தார்கள்? 1975 ஆம் ஆண்டு ஜூன் 25 ஆம் தேதி அவசர நிலைப் பிரகடனம் வெளிவந்தது. ஏற்கெனவே பல வெளிநாடுகளில் “பாரதிய சுயம் சேவக் சங்” என்ற பெயரில் ஆர்.எஸ்.எஸ். அமைப்புகளை அங்கு குடிபுகுந்த பார்ப்பனர்களைக் கொண்டு இவர்கள் துவக்கியிருந்தார்கள். அவசரநிலைப் பிரகடனம் வர இருக்கிறது என்பதை பார்ப்பன உயர் அதிகாரிகள் மூலம் ரகசியமாக முன் கூட்டியே தெரிந்துகொண்டு பலர் வெளிநாடுகளுக்கு ஓடினார்கள். ஏராளமான ஆர்.எஸ்.எஸ்.காரர்கள், அதிலிருந்து விலகிக் கொள்வதாக ராஜினாமா கடிதங்களையே அனுப்பி வைத்தார்கள். சஞ்சய் காந்தியின்...

மறைந்த பெரியார் தொண்டர் சாலமன் பாப்பையா (91) “ஜாதி, மத கோட்பாடுகளில் இருந்து விலகி எப்பவும் பெரியார் கொள்கைப்படி வாழ்வதால் தனது உடலை அடக்கம் செய்யாமல், எரியூட்ட வேண்டும் என உயில் எழுதி வைத்துள்ளார் – என்று பேராசிரியர் சாலமன் பாப்பையாவின் உதவியாளர் ராஜா சன்நியூஸ் தொலைக்காட்சிக்கு அளித்த பேட்டியில் கூறியுள்ளார். கிறித்துவ மத சடங்குகளில் உடலை அடக்கம் செய்வதே மரபு. பெரியார் திராவிடர் கழகம் ’குடி அரசு’ தொகுப்புகளை வெளியிட்ட போது தன்னிடம் இருந்த `குடிஅரசு’ இதழ்களை வழங்கி உதவியவர். அண்ணாவின் ’வேலைக்காரி’ திரைப்படத்தை பார்த்த பிறகு தீவிர திராவிட இயக்க ஆதரவாளராக மாறியதை சன்நியூஸ் தொலைக்காட்சிக்கு அளித்த பேட்டி ஒன்றில் பதிவுசெய்துள்ளார். தமிழறிஞர் சாலமன் பாப்பையாவின் உடலுக்கு அரசு மரியாதை அளிக்கப்பட்டு, மின் மயானத்தில் தகனம் செய்யப்பட்டது. திராவிடர் விடுதலைக் கழகத்தின் சார்பில் புகழ் வணக்கம் செலுத்துகிறோம். பெரியார் முழக்கம் இதழ் 17092026

பெரியாருக்கு டீசர்ட்டையும், ஜீன்ஸ் பேண்டையும் அணிவித்து ஓர் ஓவியர் தீட்டிய இளம் தோற்றத்துடனான ஓவியம் இன்று வரை ஏராளமாக பகிரப்படுகிறது. பெரியாருக்குப் போர்த்திய இளமைத் தோற்றம் அவரது சிந்தனைகளுடன் இணைந்து நிற்பதே இந்த ஈர்ப்புக்கு காரணம். உலகம் முழுதும் இளைஞர்களின் எழுச்சி தொடங்கியுள்ள காலம் இது. பொருளாதார நெருக்கடிகளும், வேலையில்லாத் திண்டாட்டமும், இளைஞர்களின் தன்னெழுச்சி உந்துதலுக்குக் காரணியாகி ஆட்சி மாற்றங்களை உருவாக்கி வருகின்றன. இந்திய அளவிலும் ’கரப்பான் பூச்சி ஜனதா கட்சி’ கல்விக் கட்டமைப்பின் சீர்கேடுகளை எதிர்த்து களமிறங்கி இருக்கிறது. அரசியல் கட்சிகளின் எல்லைகளுக்கு அப்பால் நின்று தொடங்கி இருக்கிறது இந்த எழுச்சி. எனவேதான் இந்திய ஒன்றிய ஆட்சி இதை எதிர் கொள்வதில் திணறுகிறது. கட்சிகளை அதிகார வலிமையால் ஒடுக்கியவர்கள் இளைஞர்கள் எழுச்சியை எதிர் கொள்ள இயலாது திணறுகிறார்கள். ஆதரவுக்கரம் நீட்டி அரவணைத்து இந்த எழுச்சியை பழமையை நோக்கி இழுத்துச் செல்லும் முயற்சிகளில் முனைப்புக் காட்டுகிறார்கள். பழமைகளைக் கட்டுடைத்து நவீனத்துவத்தை நோக்கி...

1975 ஜூன் 25-ம் தேதி அவசர நிலையை பிரகடனப்படுத்தினார் இந்திரா காந்தி. எமர்ஜென்சி காமராசரையும் கலைஞரையும் ஒன்று சேர்த்தது. இருவரும் வெவ்வேறு காலங்களில் இந்திரா காந்தியை ஆதரித்ததற்கு இன்று நாடு விலை கொடுக்கிறது என கலைஞரிடம் கூறினார் காமராசர். எமர்ஜென்சி காலத்தில் பத்திரிகைகள் கடும் தணிக்கைகளுக்கு உள்ளாகின. எமர்ஜென்சிக்கு எதிராக காமராசரின் கருத்துக்களை முரசொலியில் வெளியிட்டார் கலைஞர். காமராசரின் கருத்துக்கள் முரசொலியில் முதல்முதலாக வெளியானது அப்போதுதான். சென்னை கடற்கரையில் பல லட்சம் மக்களைத் திரட்டி அனைவரையும் அவசரநிலை பிரகடனத்திற்கு எதிராக உறுதி ஏற்க வைத்தார் கலைஞர். மத்திய தகவல் தொடர்புத் துறை ’விடுதலை, முரசொலி’ ஏடுகளை தணிக்கை செய்தது. அகில இந்திய வானொலியில் தலைமை செய்தியாளராக இருந்து ஓய்வு பெற்ற சங்கராச்சாரி சீடர் சவுமி நாராயணன் என்ற பார்ப்பனர், ’விடுதலை முரசொலி’ ஏடுகளின் தணிக்கை அதிகாரியாக இருந்தார். “அண்ணாவை பெற்ற தாயை விட நேசிக்கிறேன்” என்று கலைஞர் எழுதிய வாசகத்தை அந்த...

1. அலகாபாத் உயர் நீதிமன்றம் இந்திராவின் தேர்தல் ‘செல்லாது என்று 12.6.1975ல் தீர்ப்பு வழங்கியது. 2. ஆனால், பதவியைவிட்டு விலக இந்திரா மறுத்தார். 3. மத்திய அமைச்சராக இருந்த திரு.சென்னாரெட்டி தேர்தல் செல்லாது என்று ஆந்திர உயர்நீதிமன்றம் 26.4.1968ல் தீர்ப்பு வழங்கியபோது, ராஜினாமா கோரிப் பெற்ற இந்திரா காந்திக்கு இதுபோன்ற தீர்ப்பு தனக்கு வந்தபோது பதவியை விட மனமில்லை. 4. மாற்று ஏற்பாடுகள் செய்து, புதிய தலைவரைத் தேர்ந்தெடுக்க தனக்கு அவகாசம் தருமாறு காரணம் கூறி, தீர்ப்பை நிறுத்தி வைக்க இடைக்காலத் தடை பெற்றார் இந்திரா. இதைப் பயன்படுத்திக்கொண்டு தனது பதவியைக் காப்பாற்றும் சட்ட முயற்சிகளில் இறங்கி அப்பீல் செய்தார். 5. ராஜினாமா செய்யுமாறு நாடெங்கும் எதிர்ப்புகள் கிளம்ப ஆரம்பித்தவுடன், தனது பதவியைக் காப்பாற்றிக் கொள்ள அவசர நிலைப் பிரகடனம் (Emergency) செய்தார் இந்திரா. 6. நாட்டுத் தலைவர்கள் காரணமின்றி மிசாவின்கீழ் கைது செய்யப்பட்டனர். 7. பத்திரிகைகளுக்கு முன் தணிக்கை உத்தரவுகள்...

50 ஆண்டுகளுக்கு முன்பு ஜனவரி-31 அன்று தமிழ்நாட்டில் முதல் முறையாக கலைஞர் தலைமையில் நடந்த திமுக ஆட்சி ஒன்றிய அரசால் ’டிஸ்மிஸ்’ செய்யப்பட்டது. இந்த அடக்குமுறை சர்வாதிகாரத்தை எதிர்த்து துணிவோடு குரல் கொடுத்தார் கலைஞர். சென்னை கடற்கரையில் பல லட்சம் மக்களை திரட்டி அவசர நிலைக்கு எதிராக உறுதிமொழியை எடுக்க வைத்தவர் கலைஞர். இந்தியாவிலேயே தமிழ்நாடு மற்றும் ஜனதா கட்சி ஆட்சி செய்த குஜராத் மாநிலம் தான் அவசர நிலையை எதிர்த்தது. இதுகுறித்த வரலாற்றுக் குறிப்புகளை ‘இந்து’ ஆங்கில நாளேடு வெளியிட்டு இருக்கிறது. அதிமுகவை தொடங்கியிருந்த எம்.ஜி.ஆர் இந்த அவசரநிலை பிரகடனத்தை வரவேற்றார்’ சர்வாதிகாரியாக மாறிய இந்திரா காந்தி ஆட்சியின் நடவடிக்கைகளுக்கு உறுதுணையாக இருப்போம் என்று அறிக்கை வெளியிட்டார். அப்போது ஆளுநராக இருந்தவர் கே.கே.ஷா ஆளுநர் ஆட்சியின் கீழ் தமிழ்நாடு கொண்டு வரப்பட்டது. ஆளுநருக்கு ஆலோசகராக மத்திய அமைச்சக அதிகாரிகளான இரண்டு பார்ப்பனர்கள் நியமிக்கப்பட்டார்கள். ஒருவர் பெயர் தவே; மற்றொருவர் பெயர்...

கழகத் தோழர் காரைக்குடி இளங்கோ- விஜயா இணையர்களின் மகள் இளந்தமிழ் 11வது பிறந்தநாளை முன்னிட்டு கழக ஏடான புரட்சிப் பெரியார் முழக்கத்துக்கு ரூ.3,000 நன்கொடை வழங்கியுள்ளனர். கழக ஆதரவாளரான ராஜேந்திரன் (மும்பை) ரூ.10,000, ஓவியர் பரதன் ரூ.2,000 கழக ஏடான புரட்சிப் பெரியார் முழக்கத்துக்கு நன்கொடை வழங்கியுள்ளனர். நன்றியுடன் பெற்றுக்கொண்டோம் (ஆசிரியர்) பெரியார் முழக்கம் இதழ் 10092026

தர்மபுரி மாவட்டம் காரியமங்கலம் வட்டம் அடிலம் அல்ராஜ் கோட்டை தெய்வானை – பெரியசாமி ஆகியோர் மகன் முகிலரசன் ராமநாதபுரம் மாவட்டம் டி.மாரியூர் மாரியம்மாள் – வீரபாண்டி மகள் பொன்.முனியம்மாள் ஆகியோரின் சுயமரியாதை ஜாதி மறுப்பு திருமணம் காவலாண்டியூர் தந்தை பெரியார் படிப்பகத்தில் ஆக-20 அன்று தலைமைக் குழு உறுப்பினர் காவை ஈஸ்வரன் முன்னிலையில் நடைபெற்றது. கழகத் தோழர்கள் குமரேசன் அவிநாசி கணேஷ் சேட்டு ஆகியோர் இத்திருமணத்தில் கலந்து கொண்டனர். பெரியார் முழக்கம் இதழ் 10092026

கழக மேட்டூர் நகரச் செயலாளர் குமரப்பா அவர்களின் தாயார் சுசீலா அவர்கள் 28.08.2026 வெள்ளி அதிகாலை 4.00 மணியளவில் முடிவெய்தினார். அவர்களின் இறுதி நிகழ்வு மாலை 4.00 மணியளவில் மேட்டூர் ஆஸ்பத்திரிகாலனி பகுதியில் உள்ள அவர்களது இல்லத்தில் நடைபெற்றது. இறுதி நிகழ்வில் கழகத் தலைவர் கொளத்தூர் மணி இறுதி மரியாதை செலுத்தினார். கழகப் பொருளாளர் துரைசாமி, கழக அமைப்புச் செயலாளர் ரத்தினசாமி, சேலம், கோவை, திருப்பூர், ஈரோடு ஆகிய மாவட்ட, ஒன்றிய, கிளைப் பொறுப்பாளர்கள் மற்றும் தோழர்கள் கலந்துகொண்டு இறுதி மரியாதை செலுத்தினர். பெரியார் முழக்கம் இதழ் 10092026

கண்ணாமூச்சி தொடக்க வேளாண்மை கூட்டுறவு வங்கி நிர்வாக சீர்கேட்டைக் கண்டித்து 24-08-2026 அன்று திங்கட்கிழமை காலை 9.00 மணியளவில் தொடக்க வேளாண்மைக் கூட்டுறவு சங்க வளாகத்தில் ஆர்ப்பாட்டம் நடைபெற்றது. வழக்கறிஞர். ஈசன் முருகசாமி, (நிறுவனர், த.வி.பா. சங்கம்) தலைமை வகித்தார். முத்துச்சாமி (மாநில துணைத் தலைவர், தமிழக விவசாயிகள் பாதுகாப்பு சங்கம்) முன்னிலை வகித்தார். என்.ஆர்.பி.நாகராஜன் (தலைவர், மேட்டூர் அணை உபரிநீர் வேண்டுவோர் மற்றும் விவசாயிகள் முன்னேற்ற நலச்சங்கம்), காவை. ஈசுவரன் தலைமைக் குழு உறுப்பினர், திவிக), சுரேசு (மாவட்ட செயலாளர், தமிழக விவசாயிகள் பாதுகாப்பு சங்கம்), டி.எஸ்.பி.இராசேந்திரன் (துணைத் தலைவர், மேட்டூர் அணை உபரிநீர் வேண்டுவோர் மற்றும் விவசாயிகள் முன்னேற்ற நலச்சங்கம்), காவை. இளவரசன் ( கொள்கை பரப்புச் செயலாளர், தமிழக வி.பா. சங்கம்) க. சித்துசாமி (தமிழக விவசாயிகள் பாதுகாப்பு சங்கம், திவிக) ஆகியோர் கண்டன உரையாற்றினார்கள். நடராஜ் மூலக்கடை நன்றி கூறினார். பெரியார் முழக்கம் இதழ் 10092026

நாமக்கல் மாவட்டம், குமாராபாளையம் பகுதியைச் சார்ந்த மாதுராஜ்-சரஸ்வதி இணையரின் மகள் திலகவதி அவர்களுக்கும் ஈரோடு மாவட்டம், சென்னிமலை பகுதியைச் சார்ந்த தேவேந்திரன்-பேபி இணையரின் மகன் ராகுல்கண்ணன் அவர்களுக்கும் வாழ்க்கைத் துணை ஏற்பு விழா 23.08.2026 ஞாயிற்றுக்கிழமை நண்பகல் 11 மணியளவில் ஈரோடு அரச்சலூர் புத்தா ஹாலில் நடைபெற்றது. மூடநம்பிக்கைகளுக்கு எதிரான சிற்பி ராசன் அவர்களின் மந்திரமா? தந்திரமா? அறிவியல் விளக்க நிகழ்வு நடைபெற்றது. இந்நிகழ்ச்சியில் கலந்துகொண்ட அனைவரையும் கவனம் ஈர்க்கச் செய்தது. மாதுராஜ் வரவேற்புரையாற்றினார். கழகப் பொருளாளர் துரைசாமி, தலைமைக்குழு உறுப்பினர் காவை ஈஸ்வரன், தலைமைக் கழகப் பேச்சாளர் கோபி. வேலுசாமி, நாமக்கல் மாவட்டச் செயலாளர் சாமிநாதன், சமூக நீதி மக்கள் கட்சித் தலைவர் வடிவேல் ராமன், தி. மு. க பள்ளிபாளையம் வடக்கு ஒன்றியச் செயலாளர் நாச்சிமுத்து, ஓய்வுபெற்ற ஆசிரியர் நடராஜன் ஆகியோர் வாழ்த்துரையாற்றினர். நிறைவாக கழகத் தலைவர் கொளத்தூர் மணி மணமக்களுக்கு வாழ்த்துரையாற்றி, வாழ்க்கைத் துணை நல ஒப்பந்தம்...

விடுதலைப் போராட்ட வீரர் பொல்லான் அவர்களின் நினைவு அரங்கத்தில் கழகத் தலைவர் கொளத்தூர் மணி மரியாதை செலுத்தினார்! 23.08.2025 ஞாயிற்றுக்கிழமை மதியம் 2.00 மணியளவில் ஈரோடு மொடக்குறிச்சி வட்டம், ஜெயராமபுரத்தில் கடந்த 2025-ம் ஆண்டு தமிழ்நாடு அரசின் சார்பாக முன்னாள் முதல்வர் மு.க. ஸ்டாலின் அவர்களால் திறந்து வைக்கப்பட்ட விடுதலைப் போராட்ட வீரர் பொல்லான் அவர்களின் நினைவு அரங்கிற்கு வந்து கழகத் தலைவர் கொளத்தூர் மணி சிலைக்கு புகழ் வணக்கம் செலுத்தி, நினைவு அரங்கத்தைப் பார்வையிட்டார். சமூக நீதி மக்கள் கட்சித் தலைவர் வடிவேல் ராமன், அமைப்புச் செயலாளர் ரத்தினசாமி, ஈரோடு வடக்கு மாவட்டத் தலைவர் நாத்திக ஜோதி, ஈரோடு தெற்கு மாவட்டத் தலைவர் செல்வராஜ், சேலம் மேற்கு மாவட்டத் தலைவர் சூரியகுமார், ரவிக்குமார், சந்திரன், பொன்னுசாமி, செட்டியூர் மாரி, காவை அவினாசி மற்றும் சமூக நீதி மக்கள் கட்சியினர், தி. மு. க – வினர் கலந்துகொண்டு மரியாதை செலுத்தினர்....

ஆக-20, வியாழக்கிழமை அன்று காலை 10:30 மணியளவில் தமிழ்ப்புலிகள் கட்சி நடத்திய இந்திய சுதந்திர விடுதலைப் போராட்ட மாவீரர் ஒண்டிவீரன் அவர்களுக்கு 255-ஆம் ஆண்டு நினைவு நாள் நிகழ்ச்சி சேலம் கிச்சிப்பாளையத்தில் நடைபெற்றது. கழகம் சார்பாக சேலம் மாநகரச் செயலாளர் இரா.ஆனந்தி கலந்து கொண்டு வீரவணக்கம் செலுத்தினார். பெரியார் முழக்கம் இதழ் 10092026

ஆகஸ்ட்-16, 2026 அன்று இராமநாதபுரம் மாவட்டம் கமுதி வட்டம் பசும்பொன்னில் நடந்த DNT மாநாட்டில் ஆணவக்கொலைகளைத் தூண்டும் விதமாகவும் இந்திய அரசியல் சட்டத்திற்கு எதிராகவும் தூரி.முனியசாமி என்பவர் பேசியது சமூக வலைதளங்களில் ஊடகங்களில் பரவி வந்ததையடுத்து இவர் மீது உடனடியாக சட்ட நடவடிக்கை எடுத்து கைது செய்யக்கோரி கோவை மாவட்டக் கழகம் சார்பில் மாவட்டச் செயலாளர் சூலூர் பன்னீர்செல்வம் தலைமையில் கழகத்தினர் ஆக-27, 2026 அன்று காவல் கண்காணிப்பாளரிடம் மனு அளித்தனர். மனுவைப் பெற்றுக்கொண்ட கோவை காவல் கண்காணிப்பாளர் நடவடிக்கை எடுப்பதாக உறுதி அளித்தார். பெரியார் முழக்கம் இதழ் 10092026

நாடு முழுக்க இந்துத்துவா அரசியலை இந்துக்களிடம் கொண்டு சேர்க்கவும், அதன்பேரில் அவர்களை ஒன்று திரட்டவும் அறிவிக்கப்படாத ரத யாத்திரையாக விநாயகர் சதுர்த்தி ஊர்வலங்கள் நடந்து வருகின்றன. உண்மையில் இதன் வரலாறு பால கங்காதர திலகருடனும், கடைசி இந்து அரசன் சிவாஜியுடனும் தொடங்குகிறது. ஒருமுறை சிவன் வெளியே சென்றிருந்த நேரம் பார்வதி நீராடச் சென்றார். அப்போது தனக்குக் காவல் காக்க ஒருவரும் இல்லை என்பதால் தனது நீராட்டுக்காக வைக்கப்பட்டிருந்த சந்தனக் குழம்பை எடுத்து ஒரு உருவம் உருவாக்கி அனுக்கிரகத்தால் அதற்கு உயிர் ஊட்டினார். அவரால் உயிரூட்டப்பட்டதால் அவ்வுருவம் அவரது பிள்ளையாகிவிட்டது. எவரையும் உள்ளே நுழைவதற்கு அனுமதிக்கக் கூடாது எனப் பிள்ளையாருக்கு அறிவுறுத்திவிட்டு பார்வதி நீராடச் சென்றுவிட்டார். அச்சமயம் அங்கு வந்த சிவனை உள்ளே செல்ல பிள்ளையார் அனுமதிக்கவில்லை. இதனால் கோபம்கொண்ட சிவன் பிள்ளையாரின் தலையை வெட்டிவிட்டு உள்ளே சென்றுவிட்டார். நீராடி முடிந்ததும் பார்வதி வெளியே வந்து பிள்ளையார் தலை இல்லாமல் கிடந்த கோலத்தைக்...

திமுக ஆட்சியைத் தொடர்ந்து மீண்டும் சட்ட சபையில் நீதிமன்றத்தில் தமிழ் வழக்காடு மொழியாக வேண்டும் என்று த.வெ.க தனித் தீர்மானம் கொண்டு வந்து நிறைவேற்றி இருக்கிறது. இதில் தமிழ் முதன்மை மொழியாக நீதிமன்றத்தில் இருக்க வேண்டும் என்று நாங்கள் தான் தீர்மானம் நிறைவேற்றி இருக்கிறோம் என்று கல்வி அமைச்சர் சட்டமன்றத்தில் பெருமையுடன் குறிப்பிட்டார்.அனைத்துக் கட்சியினரும் இந்தத் தீர்மானத்தை ஆதரித்தார்கள். தமிழ்நாட்டு மக்களின் ஒட்டுமொத்த உணர்வு இது என்பதில் இரண்டு வித கருத்துக்கு இடமில்லை. அதே நாளில் மற்றொரு செய்தியும் வந்திருக்கிறது; மதுரையில் செப்டம்பர் 17-ல் நிகழ இருக்கும் மீனாட்சி அம்மன் கோயில் குடமுழுக்கில் குறைந்தது 50 சதவீதம் நிகழ்வுகள் தமிழ் வழியில் நடக்க வேண்டும் என்று வலியுறுத்தி மதுரை உயர்நீதிமன்றக் கிளையில் தமிழ் உணர்வாளர் கரூர் ராஜேந்திரன் தொடர்ந்த வழக்கை நீதிமன்றம் தள்ளுபடி செய்து விட்டது. இதுகுறித்து ஆராய ஐந்து ஆண்டுகளுக்கு முன் நியமிக்கப்பட்ட குழு இன்னும் தனது பரிந்துரையை வழங்காத...

நாக தோஷம்” தனது தொகுதியில் பாம்புகள் நடமாட்டம் அதிகமாக இருப்பதால் அதைத்தடுப்பதற்கு நாக தோஷம் என்ற சடங்கை நடத்த வேண்டும்” என்று முன்னாள் முதலமைச்சரும் இப்போது திமுக சட்டமன்ற உறுப்பினருமான ஓ.பன்னீர்செல்வம் தமிழ்நாடு அரசுக்கு கோரிக்கை வைத்துள்ளார். இது நகைச்சுவைக்கான பேச்சு என்று திசை திருப்பி விட முடியாது.இது போன்ற பேச்சுகள் பெரும்பாலும் வட மாநில சட்டமன்றங்களில் தான் பேசப்படும். இப்போது தமிழ்நாடு சட்டமன்றத்திற்கே வந்துவிட்டது. ஆனால் உடனடியாக அமைச்சர் ஆதவ் அர்ஜுனா பெரியார் கொள்கைகளை ஏற்றுக்கொண்ட கட்சி இப்படி பேசலாமா? என்று கேட்க, அமைச்சர் அருண்ராஜ் பில்லி, சூனியத்தில் எங்களுக்கு நம்பிக்கை இல்லை என்று கூறியிருப்பது பாராட்டி வரவேற்க வேண்டிய ஒன்று. முதலமைச்சரை ஆஸ்தான ஜோதிடர்தான் வழி நடத்துகிறார் என்று முதலமைச்சரின் மூடநம்பிக்கையை எதிர்க்கும் போது இப்படி “நாகதோஷ” மூடநம்பிக்கைகளை திமுக உறுப்பினர் வெளிச்சம் போட்டுக் காட்டலாமா? வைதீக மூடச்சடங்குகளில் ஆர்வமும் நம்பிக்கையும் கொண்டவர் ஓ.பி.எஸ். அவர் இப்போது திமுகவின்...

ஜாதிவாரிக் கணக்கெடுப்பின் முதன்மையான நோக்கம் சமூகநீதிக் கொள்கைகளை வளர்த்தெடுப்பதுதான். உண்மையான பிற்படுத்தப்பட்ட மக்களின் எண்ணிக்கையைக் கண்டறிந்து அதற்கு ஏற்ப இடஒதுக்கீட்டு எண்ணிக்கையை உயர்த்த முடியும்; நலத்திட்டங்களை உருவாக்க முடியும்; இதன் வழியாக சமூகத்தில் நிலவும் சமத்துவமின்மையை அகற்ற முடியும். இந்த நோக்கம் இப்போது திசை மாற்றப்படுகிறது. பாஜக ஆட்சி நீண்ட காலமாக ஜாதிவாரிக் கணக்கெடுப்பை எதிர்த்து வந்தது. இந்துக்களை மத அடிப்படையில் அணிதிரட்டும் தனது ‘இந்துத்துவ’ அரசியலுக்கு உட்ஜாதிப் பிளவுகள் தடையாக வந்து நிற்கும் என்ற அச்சமே அதற்குக் காரணம். அதே நோக்கத்தில் ‘இந்துத்துவ’ அரசியலில் ஜாதிகளுக்கு இடமில்லை; அது ஒழிக்கப்பட வேண்டும் என்ற நிலையை எடுக்க அவர்கள் தயாராக இல்லை. ஜாதிப் பிரிவுகளும் வேண்டும்; அதே நேரத்தில் இந்து ஒற்றுமையும் வேண்டும் என்பதே பாஜகவின் இரட்டை நிலைப்பாடாக இருந்தது. இந்துத்துவ அரசியலை வடிவமைத்தவர்களின் நோக்கம் பார்ப்பன மேலாண்மைக்கு அடங்கிய பார்ப்பனரல்லாத இந்துக்கள் அடங்கி வாழும் வேதகால ஆட்சியைத் தொடரச் செய்வதுதான்....

இறைவன் முன்பாக அனைத்து உயிர்களும் சமமானதே என தெரிவித்துள்ள சென்னை உயர் நீதிமன்ற நீதிபதிகள், வழிபாட்டுத் தலங்களில் யாருக்கும் எந்தப் பாகுபாடும் காட்ட இடமில்லை என திட்டவட்டமாக தெரிவித்துள்ளனர். காஞ்சிபுரம் தேவராஜ சுவாமிகள் தேவஸ்தானம், வரதராஜப் பெருமாள் கோயிலில் உள்ள மணவாள மாமுனிகள் சன்னதியில் பிராமணர் அல்லாத தென்கலை வைணவ பக்தர்களிடம் சுவாமி தரிசனம் மற்றும் தீர்த்தம், பிரசாதம் வழங்குவதில் ஜாதிய ரீதியில் பாகுபாடு மற்றும் பாரபட்சம் பார்க்கப்படுவதாகக்கூறி காஞ்சிபுரத்தைச் சேர்ந்த திருக்கச்சி நம்பி திருமாலடியார் சேவா சங்கத்தின் செயலாளரான மாதவன் ராமானுஜ தாசன் சென்னை உயர் நீதிமன்றத்தில் பொதுநல வழக்கு தொடர்ந்திருந்தார். அதில், ‘பிராமணர்கள் மட்டும் வரதராஜப்பெருமாள் கோயிலில் உள்ள மணவாள மாமுனிகள் சன்னதியில் சுவாமி தரிசனம் மேற்கொள்ள பிரதான வாயில் வழியாக அனுமதிக்கப்படும் நிலையில், பிராமணர் அல்லாதோர் பக்கவாட்டு வாயில் வழியாகவே அனுமதிக்கப்படுகின்றனர். இதுதொடர்பாக கோயில் நிர்வாகத்திடம் பலமுறை சுட்டிக்காட்டியும் எந்த நடவடிக்கையும் எடுக்கப்படவில்லை’ எனக் கோரியிருந்தார். இந்த...

கோபி ஒன்றியம் அளுக்குளி கிளைக் கழகத்தின் சார்பில் சாதனையாளர்களுக்குப் பாராட்டு விழா மற்றும் ஜாதி மறுப்பு திருமணம் புரிந்தவர்களுக்கு நினைவுப்பரிசு வழங்கும் விழா கிருஷ்ணமூர்த்தி தலைமையில் நடைபெற்றது. நிகழ்வில் ஈரோடு வடக்கு மாவட்டத் தலைவர் நாத்திகஜோதி, மாவட்டச் செயலாளர் செல்வகுமார், திமு கழகப் பொறுப்பாளர் அளுக்குளி தங்கம், முன்னாள் ஊராட்சி மன்றத் தலைவர் ஒ.பி.மாரியப்பன் ஆகியோர் முன்னிலை வகித்தனர். இராம. இளங்கோவன் வெளியீட்டு செயலாளர் திவிக, வழக்குரைஞர் செகதீஸ்வரன், வேலுச்சாமி தலைமைக் கழகப் பேச்சாளர் திவிக, சுப்பிரமணியம் கொளப்பலூர் கிளை கழகப் பொறுப்பாளர் ஆகியோர் வாழ்த்துரை வழங்கினர். ஜாதி மறுப்பு மணம் புரிந்தவர்களுக்கும் மற்றும் கல்வி, அரசுப் பணி, விளையாட்டு துறைகளில் பல்வேறு சாதனைகள் புரிந்த இளைஞர்கள் மற்றும் குழந்தைகளுக்கு கழகத்தலைவர் கொளத்தூர் மணி, கோபி தெற்கு ஒன்றிய திமுக செயலாளர் எஸ்.ஏ முருகன் ஆகியோர் நினைவுப்பரிசுகளை வழங்கி சிறப்புரை ஆற்றினார்கள். நிகழ்வில் கோபி மாவட்டக் கழகத் தோழர்கள் மற்றும் அளுக்குளிப்...

ராகுல்காந்தி பெண்களை அடிமைப்படுத்தும் மனுசாஸ்திரம் ஒழிக்கப்பட வேண்டும்; ஆணாதிக்கத்திலிருந்து பெண்கள் விடுபட வேண்டும் என்றும் பேசினார். இதற்கு பதிலளித்த உ.பி. முதல்வர் ஆதித்யநாத் ‘மனுசாஸ்திரம்’ புனிதமானது; இதை எதிர்த்துப் பேசுவதைக் கண்டிக்கிறேன் என்று பேசியிருக்கிறார். புனேயில் நடைபெற்ற தனது நான்காவது ‘சாத்ரோன் கி பி கூஞ்ச்’ (மாணவர் குரல்) நிகழ்ச்சியில் உரையாற்றிய காங்கிரஸ் தலைவர் ராகுல் காந்தி, Gen Z தலைமுறையைச் சேர்ந்த பெண்கள் “ஆணாதிக்க அமைப்பைத் தகர்த்தெறிய வேண்டும்” என்று வலியுறுத்தினார். AISSMS மைதானத்தில் உற்சாகமான வரவேற்புக்கு மத்தியில், மாணவிகளிடம் உரையாற்றிய அவர், “உரக்கப் பேசுங்கள்; பெருமையுடன் நில்லுங்கள்; சமூகத்தில் உங்களுக்கான இடத்திற்காகப் போராடுங்கள்” என்று கூறினார். மராத்தி மொழியில் பேசிய அவர், “புனே என்றாலே அன்பு” (Pune mhanje prem) என்றார். ஒரு மணி நேரத்திற்கும் மேலாக நீடித்த அவரது உரையில், இளம் பெண்களுடன் பல்வேறு கலந்துரையாடல்களும் இடம்பெற்றன. அவர்கள் தங்களது கவலைகள் மற்றும் எதிர்கொள்ளும் பிரச்சினைகள் குறித்து...

உலகம் முழுவதும் தொகுதி மறுவரையறையின் போது பாகுபாடான நோக்கத்துடன் எல்லைகளை மாற்றுவதே ஜெர்ரிமாண்டரிங் (Gerryman -dering) என்பதன் பொருள். ஆனால் இத்தகைய குற்றச்சாட்டுகளை நிரூபிப்பது மிகவும் கடினமானதாகும். ஏனெனில் அதற்கான சட்ட மற்றும் தொழில்நுட்ப அளவுகோல்கள் மிகவும் சிக்கலானவை. உலக அனுபவம் இந்தியாவிலும், தொகுதி மறுவரையறை ஆணையத்தின் முடிவு இறுதியானது; அதை நீதிமன்றத்தில் கேள்விக்கு உள்ளாக்க முடியாது. நியாயமான மற்றும் பயனுள்ள பிரதிநிதித்துவம் என்பதற்கு என்ன பொருள் என்பது குறித்த நிறுவனரீதியான கட்டமைப்பும் புரிதலும் இல்லை. இதுவே உலகம் முழுவதும் மத அடிப்படையிலான ‘ஜெர்ரி மாண்டரி’ங்கை எதிர்த்து கேள்வி எழுப்புவதில் ஒரு முக்கியமான தடையாக உள்ளது. அமெரிக்காவில், இன அடிப்படையிலான ஜெர்ரி மாண்டரிங் மூலம் ஆப்பிரிக்க – அமெரிக்க வாக்காளர்கள் ஒதுக்கப்படுவதைத் தடுக்க 1965-ஆம் ஆண்டின் வாக்குரிமைச் சட்டம் (Voting Rights Act of 1965) இயற்றப்பட்டது. இனஅல்லது மொழிசார் சிறுபான்மையினரின் தேர்தல் பங்கேற்பையும், அவர்கள் தங்கள் பிரதிநிதிகளைத் தேர்ந்தெடுக்கும் வாய்ப்பையும்...

“தீண்டப்படாத மக்களுக்கு காந்தியார் சூட்டிய பெயர் “ஹரிஜன்”; அதாவது கடவுளின் குழந்தைகள் என்றார்.இந்த அவமதிப்புச் சொல்லை அம்பேத்கர், பெரியார் உள்ளிட்ட அனைத்து முற்போக்கு சிந்தனையாளர்களும் கடுமையாக எதிர்த்தார்கள். அந்தச் சொல் இன்றைக்கு வெறுப்புக்குரிய சொல்லாகவே மாற்றப்பட்டுவிட்டது. இன்று (31.08.2026) சட்டமன்றத்தில் தூய்மைப் பணியாளர் பிரச்சனை எழுந்த போது அதற்கு பதில் அளித்த அமைச்சர் ராஜ்மோகன் தூய்மைப் பணியாளர்களுக்கு “தேவதைகள் ” என்று பெயர் சூட்டுகிறார். தேவர்கள் பட்டமோ, தேவதைகள் பட்டமோ இந்த மக்களுக்கு வேண்டாம் ; முதலில் மனிதர்களாக அவர்களை நடத்துங்கள். அவர்களுக்கு வழங்கப்படுகிற ஊதியம் குறைந்தது ஒரு நாளுக்கு 2,000 ரூபாயாவது இருக்க வேண்டும். அனைத்து ஜாதியினரும் பங்கேற்கும் அரசு வேலையாக அது மாற்றப்பட வேண்டும். பணி நிரந்தரம் ஊதிய உயர்வு போன்ற அடிப்படை கோரிக்கைகள் பற்றி அமைச்சர் ராஜ்மோகன் வாய் திறக்கவே இல்லை. முதலமைச்சரை நேரில் சந்திக்க வேண்டும் என்ற கோரிக்கையை ஏற்பதில் இவர்களுக்கு என்ன தடை இருக்கிறது?...

பிற்படுத்தப்பட்டோருக்கான கொள்கைக் குறிப்பேட்டில் பெரியார், அம்பேத்கர், நேருவின் பெயர்கள் இடம்பெறாமல் போனது ஏன்? இது திட்டமிட்டு மறைக்கப்பட்டிருக்கிறது. அமைச்சர் இந்த குறிப்பேட்டைப் படித்தாரா? அப்படி படித்திருந்தால் இது விடுபட்டது ஏன் என்று கேட்டாரா? எதிர்க்கட்சிகள் கேட்டதற்குப் பிறகு இந்த உண்மை வெளியே வந்திருக்கிறது. இதற்கு நான் பொறுப்பேற்கிறேன். மீண்டும் புத்தகங்கள் அச்சடிக்கப்படும் என்ற ஒரு காரணத்தை இப்போது கூறுகிறார். இவர்கள் ஏற்றுக் கொண்டதாக கூறிக் கொண்டிருக்கும் கொள்கைத் தலைவர்களுக்கே இந்த நிலை; நிர்வாகத்தில் ஏதோ திட்டமிட்ட சதிகள் தொடர்ந்து நடைபெற்றுக் கொண்டே இருக்கின்றன. மோடி இடதுசாரிகளுக்கு குறி வைத்துக் கொண்டிருப்பது போல் தமிழ்நாட்டில் கல்லூரிகளில் மாணவர்கள் மார்க்சிஸ்ட் கம்யூனிஸ்ட் கட்சியிலும், கரப்பான் பூச்சி ஜனதா கட்சியிலும் சேராமல் தவிர்க்க வேண்டும் என்று அரசாணை வெளியிட்டது யார் ? மார்க்சிஸ்ட் கம்யூனிஸ்ட் கட்சியின் உறுப்பினர்களைக் கணக்கெடுப்பு நடத்த வேண்டும் என்று அரசாணை வெளியிட்டது யார்? இதற்குப் பின்னால் என்ன சதி நடக்கிறது? குறிப்பாக...

உச்ச நீதிமன்றத்தைக் கண்காணிக்க சிறப்பு அதிகாரம் கொண்ட நிபுணர்கள் குழு ஒன்றை (Distinguished Jurists) குடியரசுத் தலைவர் நியமிக்க வேண்டும் என்று உச்சநீதிமன்ற நீதிபதி உஜ்ஜல் புயான் பேசி இருப்பது உண்மையிலேயே வரவேற்கத்தக்க ஒன்றாகும். குடியரசுத் தலைவருக்கு சட்டம் இந்த உரிமையை வழங்கி இருக்கிறது என்றாலும், 76 ஆண்டு காலமாக இதுவரை அப்படி ஒரு நியமனம் நடக்கவில்லை என்று நீதிபதி புயான் புதுதில்லி தேசிய பல்கலைக்கழகப் பட்டமளிப்பு விழாவில் பேசியிருக்கிறார். இந்த உரை நிகழ்த்தப்பட்ட சூழல் மிகவும் முக்கியத்துவம் பெறுகிறது. உச்ச நீதிமன்ற தலைமை நீதிபதி ஜி.கே.அய் சூரியகாந்த் இளைஞர்களைக் கரப்பான் பூச்சிக்கு ஒப்பிட்டுக் கூறிய கருத்துக்கு இளைஞர்கள், மாணவர்களிடையே எதிர்ப்புகள் வெடித்துக் கிளம்பின. இதைத் தொடர்ந்து அய்தராபாத்தில் உள்ள நெல்சார் சட்டப் பல்கலைக்கழகத்தின் பட்டமளிப்பு விழாவிற்கு சிறப்பு விருந்தினராக தலைமை நீதிபதி அழைக்கப்பட்டதற்கு, மாணவர்கள் கடும் எதிர்ப்புத் தெரிவித்தனர். தலைமை நீதிபதி நிகழ்ச்சிக்கு வரவில்லை. உடனே வழக்கறிஞர்களின் அமைப்பான பார்...

தோழர் செங்கொடியின் 15 ஆம் ஆண்டு நினைவேந்தல் நிகழ்வை, ஆக-28, அன்று மாலை 6 மணிக்கு சென்னை ஷெனாய் நகர் வைத்தியநாதன் தெருவில், மாவட்ட துணைச் செயலாளர் ஆ.வ. வேலு ஒருங்கிணைத்தார். தலைமை நிலையச் செயலாளர் தபசி குமரன், தலைமைக் குழு உறுப்பினர் கு. அன்பு தனசேகர், மாவட்டச் செயலாளர் இரா. உமாபதி, மாவட்டத் தலைவர் மா. வேழ வேந்தன், மாவட்ட அமைப்பாளர் ந. தட்சிணாமூர்த்தி, மாவட்டத் துணைச் செயலாளர் இராவணன், தோழர்கள் சிகாமணி, அசோக், சுரேந்தர் ஆகியோர் பங்கேற்றனர். தமிழ்நாடு மாணவர் கழகம் சார்பாக, தோழர்கள் ஷர்மிளா, குடிஅரசு (மாவட்ட அமைப்பாளர்) ஆகியோர் பங்கேற்றனர். இந்நிகழ்வில் தோழர் பேரறிவாளன் பங்கேற்றார். பெரியார் முழக்கம் இதழ் 03092026

“மனிதர்கள் அனைவருமே சமமாக முடியாது; பிறப்பிலேயே கடவுள் உருவாக்கியிருக்கிறார். இந்தப் பாகுபாடுகளை ஏற்றுக்கொண்டு வாழப் பழக வேண்டும் இந்த வாழ்க்கை தர்மம் தான் நமது சனாதனம்” இதுதான் சனாதன நெறிமுறை என்கிறது பார்ப்பனியம். வேற்றுமையில் ஒற்றுமை என்கிறார் ஆர்.எஸ்.எஸ் தலைவர் மோகன் பகவத். வேற்றுமை என்பது இவர்கள் பூசி மெழுகி ஏமாற்றும் சொல். ‘பிராமண’ அர்ச்சகர்களையும் தூய்மைப் பணியாளர்களையும் வேற்றுமை என்ற அடையாளத்திற்குள் கொண்டுவர முடியுமா? நிச்சயமாக முடியாது. இதற்குப் பெயர் பாகுபாடு (Discrimination). வெள்ளையர்கள் கருப்பர்களை ஒதுக்கி வைத்தது பாகுபாடு. ‘பிராமணர்’கள் உயர் பிறவிகள்; ‘சூத்திர, பஞ்சமர்’கள் இழி பிறவிகள் என்பது பாகுபாடு. மனிதர்களுக்குள் திணிக்கப்படும் பாகுபாடுகள் ஒழிக்கப்பட வேண்டும் என்பது சர்வதேச சட்டம். இனப் பாகுபாடுகளை ஒழிக்கும் அமைப்பு (Committee on the Elimination of Racial Discrimination-CERD) 1968-ல் அய்.நாவில் உருவாக்கப்பட்டு ஒவ்வொரு நாட்டையும் கண்காணித்து வருகிறது. இந்த சர்வதேச உடன்பாட்டில் இந்தியாவும் கையெழுத்திட்டுள்ளது. இனப் பாகுபாடு...

வாசிங்டன், ஆக.21, ஆர்.எஸ்.எஸ். தலைவர் மோகன் பகவத் வரும் 29 ஆம் தேதி நியூயார்க்கில் நிகழ்ச்சி ஒன்றில் பங்கேற்க செல்ல உள்ளார். இந்நிலையில், பன்னாட்டு மத சுதந்திரத்திற்கான அமெரிக்க ஆணையத்தின் தலைவர் ஆசிப் மஹ்மூத் மற்றும் ஆணையர் ஜீன் மில்ஸ் ஆகியோர் ஆர்.எஸ்.எஸ் அமைப்பு மீது அமெரிக்காவில் பொருளாதார தடை விதிக்க வேண்டுமென வலியுறுத்தி உள்ளனர். அவர்களின் கருத்துகள், ஆணையத்தின் அதிகாரப்பூர்வ ‘எக்ஸ்’ தளத்தில் (20.8.2026) அன்று பதிவிடப்பட்டது. அதில் கூறப்பட்டுள்ளதாவது: இந்திய பிரதமர் மோடி ஆர்.எஸ்.எஸ். அமைப்பின் உறுப்பினராக உள்ளார். இந்த அமைப்பு பல துணை அமைப்புகளைக் கொண்டது. அந்தத் துணை அமைப்புகள் கிறிஸ்தவர்கள் மற்றும் முஸ்லிம்கள் உள்ளிட்ட மதச் சிறுபான்மையினர் மீது தாக்குதல்களை நடத்தியுள்ளன. இப்போது ஆர்.எஸ்.எஸ். தலைவர் மோகன் பகவத் அமெரிக்கா வர திட்டமிட்டுள்ளார். முஸ்லிம்கள் மற்றும் கிறிஸ்தவர்களுக்கு எதிரான ஆர்.எஸ்.எஸ். அமைப்பின் வன்முறைச் செயல்களிலிருந்து பகவத்தின் வரு கையை தனிமைப்படுத்திப் பார்க்க முடியாது. எனவே, ஆர்.எஸ்.எஸ்....

முன்னாள் கள்ளக்குறிச்சி மாவட்டச் செயலாளர் பெரியார் வெங்கட் தாயார் மறைந்த ச. குப்பம்மாள் படத்திறப்பு மற்றும் நினைவேந்தல் நிகழ்வு கள்ளக்குறிச்சி மாவட்டக் கழகத்தின் சார்பில் பெரியார் வெங்கட் இல்லத்தில் ஆக-4, செவ்வாய்கிழமை அன்று காலை 10 மணியளவில் மு.நாகராஜ் தலைமையில் நடைபெற்றது. நிகழ்விற்கு கி.ஆனந்தன், இரா. கார்மேகம், வீ. முருகன், சி. சாமிதுரை ஆகியோர் முன்னிலை வகித்தனர். மக்கள் அதிகாரத்தின் கள்ளக்குறிச்சி மாவட்டச் செயலாளர் ஆ.இராமலிங்கம், கழக விழுப்புரம் மாவட்டத் தலைவர் பூ. ஆ. இளையரசன், மாவட்டத் தலைவர் க.மதியழகன், ந. வெற்றிவேல், தபெதிக செ. பிரபு, திராவிடர் கழக சண்முகம், தலைமைக்குழு உறுப்பினர் ந. அய்யனார் ஆகியோர் நினைவேந்தல் உரை நிகழ்த்தினர்.கழகத் தலைவர் கொளத்தூர் மணி மறைந்த ச. குப்பம்மாள் அவர்களின் படத்தை திறந்துவைத்து நினைவேந்தல் உரை நிகழ்த்தினார். மா. குமார் நன்றியுரையாற்றினார். வேலூர் மாவட்டச் செயலாளர் இரா. சிவா, குப்பம்மாள் அவர்களின் கணவர் மு.சத்தியமூர்த்தி மகன்களான ச. ஜெயபால்,...

சென்னை மாவட்டக் கலந்துரையாடல் கூட்டம், ஆக-23 அன்று மாலை 6 மணிக்கு கழகத் தலைமை அலுவலகத்தில் நடைபெற்றது. சமகால அரசியல் சூழ்நிலைகள் குறித்தும், கழகச் செயல்பாடுகள் குறித்தும் கழகப் பொதுச் செயலாளர் விடுதலை இராசேந்திரன் தனது உரையில் குறிப்பிட்டார். ‘‘கழகத் தோழர்களுக்கிடையே நட்புணர்வையும், ஒருங்கிணைப்பையும் வலிமையாக்கும் நோக்கத்துடன் இந்தப் பரப்புரைப் பயணத்தை ஒவ்வொரு ஆண்டும் நடத்துகிறோம். அந்த நோக்கத்தில் இந்தப் பயணங்கள் கழகத்துக்கு புத்துணர்வை உருவாக்கி வருகிறது’’என்றார். கட்சி அரசியல் வேண்டாம் என்று பெரியார் இயக்கம் நோக்கி, வரும் தோழர்கள் அரசியல் கட்சிகளின் பண்புகளாகிய சுய விளம்பரம், தன்முனைப்புகளை தவிர்த்துக் கொள்கை உணர்வுகளுக்கு முன்னுரிமை தரும் உளவியலை வளர்த்துக் கொள்ள வேண்டும். கழகத்தின் பதவிகள் செயல்பாட்டுக்கு உரியவைகளே தவிர, அதிகார மய்யம் அல்ல என்ற உணர்வோடு தோழமையை வளர்த்தெடுக்க வேண்டும்” என்றார். 1996 ஆம் ஆண்டிலிருந்து பெரியார் திராவிடர் கழகம், தந்தை பெரியார் திராவிடர் கழகம், திராவிடர் விடுதலைக் கழகமாக பயணித்து...

பயணத்தின் நிறை, குறை குறித்து விவாதிக்கப்பட்டு, வரவு செலவும் சரிபார்க்கப்பட்டது. கலந்துரையாடல் கூட்டம் கழகத் தலைவர் கொளத்தூர் மணி தலைமையில் நடைபெற்றது. கழகத் தலைமைக்குழு உறுப்பினர் காவை ஈஸ்வரன், சேலம் மேற்கு மாவட்டச் செயலாளர் கோவிந்தராஜ், மாவட்டப் பொருளாளர் சம்பத், மாவட்ட அமைப்பாளர்கள் அண்ணாதுரை, அன்பு, மாவட்ட ஒருங்கிணைப்பாளர் கிருஷ்ணன், மேட்டூர் நகரத் தலைவர் மார்டின், மாவட்ட இளைஞரணிச் செயலாளர் பிரபாகரன், மாவட்ட இளைஞரணி அமைப்பாளர் தங்கதுரை, சீனிவாசன், காளியப்பன், நங்கவள்ளி நகரச் செயலாளர் சந்திரசேகரன், வனவாசி நகரத் தலைவர் செந்தில், கொளத்தூர் ராஜா, சேலம் மாநகர அமைப்பாளர் தேவராஜ், தமிழ்நாடு மாணவர் கழக அமைப்பாளர் நாகராஜ், கவியரசு, கொளத்தூர் கணேசன், செந்தமிழ் கலையமுதன், கோகுலகண்ணன், கே. ஆர். தோப்பூர் கண்ணன், ஆகியோர் பங்கேற்றனர். எஸ்.எம்.எஸ் டிரான்ஸ்போர்ட் உரிமையாளர் தவமணி 10 நாற்காலிகளை மேட்டூர் பெரியார் படிப்பகத்திற்கு அன்பளிப்பாக வழங்கினார்.பயணகுழுத் தோழர்களுக்கு சேலம் மாவட்டப் பொருளாளர் சம்பத் விருந்து ஏற்பாடு செய்திருந்தார்....

தொகுதி மறுவரை சட்டத்தில் 50 விழுக்காடு இடங்களை உயர்த்த ஒன்றிய ஆட்சி முன்வரும்போது அதை ஏற்பதால் உருவாகும் நெருக்கடிகளை முன்னாள் முதலமைச்சர் மு.க.ஸ்டாலின் ‘டைம்ஸ் ஆப் இந்தியா’ ஆங்கில நாளேட்டில் 17.04.2024 அன்று எழுதிய கட்டுரையிலிருந்து சில பகுதிகள்… ஒவ்வொரு மாநிலமும் தற்போது பெற்றுள்ள பிரதிநிதித்துவத்தை இழக்கக் கூடாது என்ற அடிப்படையில் மக்களவையின் அதிகபட்ச உறுப்பினர் எண்ணிக்கையை 550 இலிருந்து 850 ஆக உயர்த்தும் முன்மொழிவும் பிரச்சினைக்குரியது. நாடாளுமன்ற ஜனநாயகத்தில் அதிகாரம் என்பது உறுப்பினர்களின் முழுமையான எண்ணிக்கையில் மட்டும் இல்லை; மொத்த அவை உறுப்பினர்களில் ஒரு மாநிலம் பெற்றிருக்கும் ஒப்பீட்டு பங்கிலும் உள்ளது. உதாரணமாக: கேரளா தனது 20 இடங்களையும் தக்கவைத்துக்கொண்டாலும், 543 உறுப்பினர்களைக் கொண்ட தற்போதைய மக்களவையில் அதன் பங்கு 3.68%. 850 உறுப்பினர்களாக விரிவுபடுத்தப்பட்டால் அதே 20 இடங்களின் பங்கு 2.35% ஆகக் குறையும். தமிழ்நாட்டின் இடங்கள் 39 இலிருந்து 49 ஆக அதிகரித்தாலும், அதன் ஒப்பீட்டு பங்கு...

ராமஜென்ம பூமி அறக்கட்டளைக்கு முதல் முறையாக தலைமை நிர்வாக அதிகாரி நியமனம் செய்ய முடிவெடுக்கப்பட்டு மொத்தம் 18 பேர் நேர்முகத் தேர்வுக்கு அழைக்கப்பட்டுள்ளனர். இவர்களிடம் பூணூல் அணிவீர்களா? குடுமி வளர்ப்பீர்களா? அசைவம் சாப்பிடுவீர்களா? சைவம் சாப்பிடுவீர்களா? மதுபானம் அருந்தும் பழக்கம் உள்ளதா? என்பன உள்பட பல்வேறு வித்தியாசமான கேள்விகள் கேட்கப்பட்டு உள்ளன. இந்த பொறுப்புக்கு 5,300 பேர் விண்ணப்பம் செய்தனர். இதில் 18 பேர் இறுதி செய்யப்பட்டு நேர்காணலுக்கு அழைக்கப்பட்டனர். இவர்களின் வயது 50 முதல் 70–க்குள் உள்ளது. 18.8.2026 அன்று நேர்காணல் தொடங்கியது. நேர்காணலின் ஒரு பகுதியாக விண்ணப்ப படிவம் ஒன்றை நிரப்பி வழங்கினர். அதில் மொத்தம் 18 வகையான கேள்விகள் கேட்கப்பட்டு இருந்தன. அதில்தான் மேற்கண்ட கேள்விகள் கேட்கப்பட்டுள்ளன. (ராமன் மாட்டுக்கறி சாப்பிட்டதையும், கள் குடித்ததையும் வால்மீகி இராமாயணம் கூறுகிறது). இதுதவிர சம்பந்தப்பட்டவர்களின் குடும்பப் பின்னணி, அவர்களின் குடும்பத்தைச் சேர்ந்தவர்கள் எந்த வகையான பணி செய்கின்றனர். ராமன் கோயிலில்...

சட்டமன்ற உறுப்பினர்கள் அனைவருக்கும் ஒரு காரும், அதனைப் பராமரிக்க மாதம் ஒரு இலட்சம் ரூபாய் செலவுத் தொகையும் வழங்கப்படும் என்று ஆக-19, அன்று சட்டசபையில் முதலமைச்சர் விஜய் அறிவித்தபோது, எவ்வித எதிர்ப்பும் இல்லாமல் அனைவரும் அதனை ஆதரித்தனர். தன்னிடம் கார் இல்லை என்று கூறி இந்த வேண்டுகோளை முன்வைத்த விடுதலைச் சிறுத்தைகள் கட்சி சட்டமன்ற உறுப்பினர் ஜோதிமணியிடம் கார் உள்ளது என்பது, அவரது தேர்தல் பிரமாணப் பத்திரத்திலேயே குறிப்பிடப்பட்டுள்ளது. இதனை ஆதரித்துப் பேசிய இதர சட்டமன்ற உறுப்பினர்கள் அனைவரும், தங்களுக்கு ஒன்றுக்கும் மேற்பட்ட விலையுயர்ந்த கார்கள் இருப்பதை ஏற்கனவே தேர்தல் பத்திரத்தில் ஒப்புக் கொண்டுள்ளனர் என்பதே உண்மை. முன்பு சட்டமன்ற உறுப்பினர்களின் ஊதியம் உயர்த்தப்பட்டபோது அதனை மறுத்த பொதுவுடைமைக் கட்சியினர் கூட, தற்போது இந்த அறிவிப்புக்கு எதிர்ப்பு தெரிவிக்கவில்லை. திமுக மற்றும் அதிமுக சட்டமன்ற உறுப்பினர்களும் ஒன்றுக்கும் மேற்பட்ட ஆடம்பரக் கார்களை வைத்திருப்பவர்கள் தான்; அவர்களிடமிருந்தும் “தங்களுக்குக் கார் வேண்டாம்” என்ற...

மாநிலத்தில் உள்ள நிலங்களும் கனிமங்களும் மாநில உரிமைகளுக்கு உட்பட்டவை என்று சட்டத்தின் ஏழாவது அட்டவணையில் 18 வது பிரிவு திட்டவட்டமாக கூறுகிறது. இந்த மாநில உரிமையை பறிக்கும் மசோதாவை கடந்த ஆக-13, அன்று எந்த விவாதமும் இல்லாமல் நிறைவேற்றி இருக்கிறது ஒன்றிய ஆட்சி. சுரங்கம் மற்றும் கனிமவள சட்டத் திருத்தத்தின் படி வரிவிதிப்பு உரிமையை ஒன்றியஆட்சி கையில் எடுத்து இருக்கிறது. மாநில அரசுகளின் வரி விதிக்கும் உரிமையை தனது கட்டுப்பாட்டில் கொண்டு வந்திருக்கிறது. மாநிலப் பட்டியலில் இடம்பெற்றுள்ள உரிமையைப் பறித்து கூட்டாட்சி தத்துவத்தையே குலைக்கிறது இந்தச் சட்டத் திருத்தம்! முதலமைச்சர் விஜய் தனது சுதந்திர நாள் உரையில் ஒன்றிய ஆட்சியோடு நிர்வாக ரீதியாக ஒத்துழைப்போம் என்றும் மாநில உரிமையை விட்டுத்தர மாட்டோம் என்றும் பேசியிருக்கிறார். மாநிலங்களின் பட்டியலில் உள்ள ஒரு பிரச்சனையில் ஒன்றிய அரசு இப்படி தலையிடுவது மாநில உரிமையைப் பறிப்பதாகும் என்பதை தமிழ்நாடு முதலமைச்சர் உணர்வாரா? இதற்கான கண்டனக் குரலை...

தேர்தல் ஆணையத்தால் தமிழ்நாட்டில் தலைமைச் செயலாளராக நியமிக்கப்பட்டவர் எம்.சாய்குமார் அவர் பதவி ஓய்வு பெற்ற நிலையில் நீட்டிப்புக் கோரி ஒன்றிய அரசுக்கு கடிதம் எழுதி ஒப்புதலைப் பெற்றது த.வெ.க ஆட்சி. தமிழ்நாட்டில் கல்லூரி மாணவர்கள் கம்யூனிஸ்ட் கட்சிகளின் போராட்டங்களிலோ அல்லது காக்ரோச் ஜனதா பார்ட்டி (CJP) கட்சியின் போராட்டங்களிலோ பங்கேற்க விடாமல் தடுக்க வேண்டும் என்ற உத்தரவுக்குக் காரணமாக இருந்தவர்; இந்தத் தலைமைச் செயலாளர் தான் என்பது இப்போது ஆதாரத்துடன் வெளி வந்திருக்கிறது. ஜூலை-28,ஆம் தேதி தலைமைச் செயலாளர் கூட்டிய சட்டம் ஒழுங்கு குறித்த ஆலோசனைக் குழுக் கூட்டத்தில் அவரது ஆலோசனைப்படி இந்த முடிவு எடுக்கப்பட்டதோடு, ஆகஸ்ட்-17, ஆம் தேதி சிறப்பு அதிகாரியின் வழியாக கல்வி நிறுவனங்களுக்கு இந்தச் சுற்றறிக்கை அனுப்பப்பட்டுள்ளது. இது மிகவும் அவசரமான நடவடிக்கை என்று அந்தச் சுற்றறிக்கையில் கூறப்பட்டுள்ளது. கடும் எதிர்ப்புக்குப் பிறகு அடுத்த இரண்டு நாட்களிலேயே ஆகஸ்ட்-19ஆம் தேதி இந்தச் சுற்றறிக்கை திரும்பப் பெறப்பட்டுள்ளது. திரும்பப்...

அரசியலிலும் சமூகத்திலும் பார்ப்பனியமும் மனுசாஸ்திரமும் அதிகாரம் பெற்றுவருகிறது; இதை உறுதிப்படுத்தும் நடப்பு நிகழ்வுகளின் தொகுப்பு. திருட்டுக்கு ’தீண்டாமை’ இல்லை கோயில் கர்ப்பக் கிரகத்தில் “தீண்டாமை”யை ஆகமங்களைக்கூறி பின்பற்றி வருகிறது பார்ப்பனியம். அந்த ’கர்ப்பக்கிரகத்தில்’ அம்மன் நகைகளை திருடுகிறார்கள் அர்ச்சகர்கள். ஆலந்தூர் பொன்னி அம்மன் கோயில் அர்ச்சகராக இருக்கும் ரெங்கநாதன் கருவறையில் இருந்த 190 கிராம் வெள்ளி கிரீடம், 270கிராம் வெள்ளி ஜல்லடை, 10 கிராம் தங்கத் தாலியை திருடி கைது செய்யப்பட்டுள்ளார். கோயில் அறங்காவலர் புகாரில் அர்ச்சகர் வீட்டில் இருந்த திருட்டுப் பொருட்கள் கைப்பற்றப்பட்டுள்ளன. பார்ப்பனர் அல்லாதார் கருவறையில் நுழைந்தால் தீட்டு; ஆனால் கருவறையில் நுழையும் பிறவி உரிமை பெற்றவர்களே கடவுளுக்கு ஏதும் சக்தி இல்லை என்பதை நன்கு உணர்ந்ததால் அம்மன் தாலியையே திருடி கைதாகிறார்கள். சாக்கடைக் குழியில் இட ஒதுக்கீடு கருவறையில் ‘பிராமணர்’களுக்கு மட்டுமே இட ஒதுக்கீடு இருப்பது போல் கழிவுநீர் அடைப்பைச் சுத்தம் செய்யும் வேலை பட்டியலினப் பிரிவினருக்கு...

பேரணியில் கழகத் தோழர்கள் எழுப்பி வந்த முழக்கங்கள் மக்களைக் கவர்ந்தது. ஒழியட்டும் ஒழியட்டும்! மக்களைப் பிரிக்கும் பார்ப்பனியம் ஒழியட்டும் ஒழியட்டும் சுயமரியாதை வாழ்க்கையே சுகமான வாழ்க்கை பில்லி,சூனியம்,ஜோசியம் எல்லாம் சாமியர்கள் வயிறு வளர்க்க உதவுது காசை எல்லாம் செலவு செய்து தமிழர் வாழ்வு சீரழியுது! நடந்ததைச் சொல்லும் ஜோதிடத்தால் நடக்கப் போவதை சொல்ல முடியுமா? அறிவுடனே நாம் இருந்தால் ஜோதிடப் புரட்டு நடக்குமா? ஜாதி மறுப்பு திருமணம் செய்வீர் காதலோடு மகிழ்வாய் வாழ்வீர் ஜாதியத்தைக் காப்பாற்ற பெண்களைத்தான் நம்புறான்! பெண்கள் உரிமை பேசினால் நான் ஆம்பள என்கிறான். தடுத்திடுவோம் தடுத்திடுவோம் ஜாதி ஆணவக்கொலையைத் தடுத்திடுவோம் காதல் செய்வீர் காதல் செய்வீர் இளைஞர்களே காதல் செய்வீர் ஜாதி ஒழிக்க காதல் செய்வீர் சட்டமியற்று சட்டமியற்று ஜாதி ஆணவப் படுகொலைக்கு எதிராக சட்டமியற்று வேண்டாம் வேண்டாம் ஜாதிக்குள்ளே திருமணம் வேண்டவே வேண்டாம் வாழ்வில் மூடநம்பிக்கை வேண்டாம் வேண்டாம் சனாதனம் என்பது பார்ப்பனியமே பார்ப்பனியம் என்பது...

மாநாட்டுப் பொறுப்பாளர்கள் காரைக்குடி இளங்கோ, பெரியார்முத்து விடுத்துள்ள அறிக்கை. திராவிடர் விடுதலைக் கழகத்தின் “வாழ்வியல் மாற்றத்திற்கான பரப்புரைப் பயணத்தின்” நிறைவு மாநாடு, 12.08.2026 அன்று காரைக்குடியில் எழுச்சியுடனும், சிறப்புடனும், வரலாற்றில் இடம்பிடிக்கும் வகையிலும் நடைபெற்று முடிந்துள்ளது. தோழர்களின் எண்ணிக்கை ஒப்பீட்டளவில் குறைவாக உள்ள தென் மாவட்டத்தில் இத்தகைய சிறப்பான மாநாட்டை நடத்த முடியும் என்பதை காரைக்குடி மாநாடு நிரூபித்துள்ளது. இது ஒரு மாநாட்டின் வெற்றி மட்டுமல்ல; சிவகங்கை மாவட்டத்தில் இயக்கத்தை அடுத்த கட்டத்திற்கு எடுத்துச் செல்லும் புதிய தொடக்கம். காரைக்குடியில் மாநாடு நடத்தப்படும் என்று தலைமைக்குழு அறிவித்தபோது, “இவ்வளவு பெரிய மாநாட்டை நம்மால் நடத்த முடியுமா?” என்ற தயக்கம் எங்களுக்குள் இருந்தது. ஆனால் தலைவர், தலைமைக்குழு மற்றும் முன்னணித் தோழர்களின் வழிகாட்டுதலும், மாவட்டத் தோழர்களின் அர்ப்பணிப்பும், தமிழகம் முழுவதிலுமிருந்து கிடைத்த ஒத்துழைப்பும், நன்கொடையாளர்களின் ஆதரவும் அந்தத் தயக்கத்தை நம்பிக்கையாக மாற்றின. நம்பிக்கை செயலாக மாறியது; செயல்பாடு வரலாற்று வெற்றியாக மாறியது. மாநாட்டிற்கான...