Category: பெரியார் முழக்கம் 2026

பெண்கள் சுடுகாடு வரை செல்வதற்கு அனுமதிக்கப்படுவதில்லை. இதற்குப் பல்வேறு சமூக வரலாற்றுக் காரணங்கள் உண்டு. ‘தீட்டு’ என்ற பார்ப்பனிய கருத்தியல் ஒரு காரணம். பெண்ணின் இயற்கையான மாதவிடாயைத் தீட்டு என்று கூறி வீடு, கோயில், குடும்ப நிகழ்வுகளில் ஒதுக்கி வைத்தனர். இந்த தீண்டாமை சுடுகாடு வரை நீண்டது! சபரிமலை அய்யப்பன் கோயிலுக்குள் மாதவிடாயைக் காரணமாகக் கூறி அனுமதி மறுத்தார்கள்; பெண்கள் சபரிமலை கோயிலுக்குள் நுழைய அனுமதித்த உச்சநீதிமன்றத் தீர்ப்பு இதைத் ‘தீண்டாமை’ என்றே கூறியது. இரண்டாவது காரணம் சொத்துரிமை. இந்து தர்மமும் சட்டங்களும் பெண்களுக்குச் சொத்துரிமையை மறுத்தது; பிறகு சட்டம் திருத்தப்பட்டது. இந்தியாவிலேயே இதற்கு வழிகாட்டியது கலைஞர் தலைமையில் நடந்த திமுக ஆட்சி! சடலத்துக்கு கொள்ளி வைக்கும் சடங்கு ஆண்களுக்கு மட்டுமே இருந்தது. இதன் வழியாக சொத்துக்கு வாரிசு உறுதி செய்யப்பட்டது. பெண்களை சுடுகாடு வரை அனுமதித்தால் கொள்ளி வைத்து சொத்துரிமை கேட்கக்கூடும் என்ற அச்சத்தால் சுடுகாட்டுக்கு பெண்களை அனுமதிக்கவில்லை. மூன்றாவதாக,...

த.வெ.க ஆட்சி மதச்சார்பின்மையைக் குழிதோண்டிப் புதைக்கும் சுற்றறிக்கை ஒன்றை வெளியிட்டு இருக்கிறது. அதாவது ஆயுத பூஜை கொண்டாட்டத்திற்காக அரசு ஊழியர்கள், அரசு நிறுவனங்கள் பொதுமக்களிடம் நன்கொடை திரட்டக் கூடாது என்று ஒரு சுற்றறிக்கையை வெளியிட்டுள்ளது. அத்துடன் நிறுத்திக்கொள்ளாது ஆயுத பூஜையைக் கொண்டாட வேண்டும் என்றும், அதை எப்படிக் கொண்டாட வேண்டும் என்றும் அந்த சுற்றறிக்கை வலியுறுத்துவது வெட்கக்கேடானது! கடந்த அக்.10 அன்று வெளியிட்ட சுற்றறிக்கை இவ்வாறு கூறுகிறது. “அரசு அலுவலகங்களில் ஆயுதபூஜை எளிமையாகக் கொண்டாடப்பட வேண்டும். பூசணிக்காய், தேங்காய் உடைத்து சாமி படங்களுக்கு பூ வைத்து அலுவலக வளாகத்தை அலங்கரித்து எளிமையாக நடத்தலாம்” என்று கூறுகிறது. மதச்சார்பின்மைக்கும் ஏற்கனவே தமிழகத்தில் அமுலில் உள்ள அரசாணைகளுக்கும் எதிரானது இந்த சுற்றறிக்கை. அத்துடன் தலைமைச் செயலகத்தில் தடபுடலாக பூஜைகளும் நடந்துள்ளன. அண்ணா ஆட்சிக்கு வந்தவுடன் 1968 ஏப்ரல் 29ஆம் தேதி பிறப்பித்த அரசாணை அரசு அலுவலகங்களில் உள்ள ஆண், பெண் கடவுள் படங்களையும் ஏனைய...

கல்கத்தா துர்கா பூஜை கொண்டாட்டத்தில் 19 பக்தர்கள் உயிரிழந்துவிட்டார்கள். ம.பி. மாநிலம் குவாலியரில் ’சீதா மாதா’ கோயிலுக்குச் சென்ற பக்தர்கள் கூட்டத்தில் டிரக் மோதி 15 பக்தர்கள் இறந்துவிட்டார்கள். கடந்த இரண்டு நாட்களில் மட்டுமே வந்த செய்திகள் இவை. கடவுள் சக்தியை நெஞ்சில் சுமந்து தரிசனத்துக்கு வரும் பக்தர்களை கடவுள் காப்பாற்ற வேண்டாமா? கடவுளுக்கு சக்தி என்று ஒன்று இருந்தால் கடவுள் காப்பாற்றியிருக்க மாட்டாரா? என்ற பகுத்தறிவாளர்களின் கேள்விக்குப் பதில் கூறமாட்டார்கள். இந்து மதத்தைப் புண்படுத்துவதாகக் கூறி நீதிமன்றங்களுக்கு ஓடுவார்கள்; பல நீதிபதிகளும் ஆமாம்..ஆமாம் என்று தீர்ப்பு எழுதுவார்கள். தொடர்வண்டி விபத்து, அரசு கட்டிய பாலம் இடிந்து விபத்து என்றால் உடனே அரசாங்கத்தின் மீது குற்றம் சாட்டுவார்கள். ஆனால் பக்தர்களின் விபத்துக்கு கடவுள்களைக் குற்றம் சாட்டுவது இல்லை. இப்போது கல்கத்தாவில் நடந்த துர்கா பூஜை விபத்துக்குக் காரணம் அங்கே பதவிக்கு வந்திருக்கும் பாஜகவின் முதல்வர் சுவேந்து அதிகாரியும், அமித் ஷாவும்தான். மம்தா...

நவராத்திரி இறுதி நாளில் தீமையின் உருவம் என்று கூறி அசுரர்களான திராவிட மாவீரர்கள் ராவணன், மேகநாதன் கும்பகர்ணன் உருவங்களை எரிக்கிறார்கள். பார்ப்பன தர்மத்தை காப்பாற்றியதே ராம ராஜ்யம். அந்த ஆட்சி நன்மையின் உருவமாம்! நடிகவேள் எம்.ஆர்.ராதா நடத்திய ராமாயணம் நாடகத்தில் பார்ப்பன தர்மத்தை காப்பாற்ற சூத்திர ‘சம்புகனை’ கொலை செய்யும் காட்சியின் உரையாடல்களை இங்கு வெளியிடுகிறோம். நாடகத்திற்கு வசனம் எழுதியவர் சுயமரியாதைச் சுடரொளி திருவாரூர் தங்கராசு. காட்சி -24 இடம்: ராமன் தர்பார்.பாத்திரங்கள்: ராமன், லட்சமணன், பரதன், சத்ருக்கனன், வசிஷ்டர், அமைச்சர், பிரதானிகள் மற்றும் பலர். (திடீரென்று பெருங் கூச்சலுடன் ஏழெட்டுப் பார்ப்பனர்கள் ஓர் அய்ந்து வயது பார்ப்பனச் சிறுவனது பிணத்துடன் உள்ளே நுழைகிறார்கள். உடனே ராமன் ஆசனத்திலிருந்து எழுந்து) ராமன்: என்ன இது கூச்சல்! பார்ப்பனர்-1 (பா.1) : மகாப் பிரபு! அநியாயம் அக்ரமம்! பா.2: தர்மம் அழிந்துவிட்டது பிரபு! பா.3: எங்களுக்கெல்லாம் என்னமோ கஷ்டகாலம் பிடிச்சுண்டுடுத்து. ராமன்: ராம...

கோவை மாவட்டம் மேட்டுப்பாளையத்தில் பெரியாரின் 148 வது பிறந்த நாள் விழா தெருமுனைக் கூட்டம் அக்-10 மாலை 4.30 மணி அளவில் அன்னூர் கஞ்சப்பள்ளி பிரிவு பேருந்து நிறுத்தத்தில் விஷ்ணு தலைமையிலும், மாலை 6 மணி அளவில் அபிராமி தியேட்டர் முன்பு தென்றல் இராமச்சந்திரன் தலைமையிலும், நகரச் செயலாளர் அமுல்ராஜ் ஒருங்கிணைப்பில் நடைபெற்றது. கூட்டத்தில் யாழினி கிருஷ்ணன் பகுத்தறிவுப் பாடல்களைப் பாடினர். பரிமளராஜன் (முகநூல் பொறுப்பாளர்), இக்பால் (மதிமுக), சந்திரசேகர் (தபெதிக), இரவிச்சந்திரன் (கலைஞர் பேரவை), வேலுச்சாமி (திக), அமைதி (இராமச்சந்திரன் அவர்களின் பேத்தி), பத்மநாபன் (ஜாஒவிமு), நிர்மல்குமார் (மாநகரச் செயலாளர்) ஆகியோர் உரையாற்றினர். நிறைவாக கழகப் பொருளாளர் துரைசாமி நிறைவுரையாற்றினார். சூலூர் பன்னீர்செல்வம் நன்றியுரையாற்றினார். தோழமை அமைப்பினர் ரங்கராஜ் பக, ஆதரவாளர் பைசல், தமிழ்ப் புலிகள் கட்சித் தோழர்கள், இராமச்சந்திரன் அய்யா குடும்பத்தினர் அறிவுக்கொடி, இந்திரஜித் ஆகியோர் கலந்து கொண்டனர். தோழர்கள் சூலூர்.பன்னீர்செல்வம், முகில்ராசு, யாழினி, கிருஷ்ணன் ஆகியோர் கடைகளில்...

தந்தை பெரியாரின் பிறந்தநாளான செப்டம்பர்-17 அன்று திருப்பூர் தமிழ் அமுதன் புதிய இயக்கம் கண்டார். தமிழ் அமுதன் கடந்த 40 ஆண்டுகளுக்கும் மேலாக புரட்சிகர இளைஞர் முன்னணியில் செயல்பட்டு வந்தவர். சில முரண்கள் காரணமாக தன்னை அங்கிருந்து விடுவித்துக் கொண்டு முற்போக்கு அமைப்புகளின் நிகழ்வுகளில் கலந்து கொண்டு மக்கள் பணியைத் தொடர்ந்தார். மேலும் மக்கள் பணியைத் தொடர தனக்கென ஒரு அமைப்பு வேண்டும் என்று சிந்தித்த தமிழ் அமுதன் மார்க்சிய திராவிடர் பேரவை என்ற இயக்கத்தைத் தொடங்கி உள்ளார். இயக்கத்தின் கொள்கையாக ஜாதி ஒழிப்பு, பெண் விடுதலை, தமிழ் மொழிப் பாதுகாப்பு (இந்தி எதிர்ப்பு), சனாதன எதிர்ப்பு, மூட நம்பிக்கை எதிர்ப்பு ஆகிய தளங்களில் பெரியாரிய அமைப்புகளோடு இணைந்து எமது அமைப்பு செயல்படும் என்பதை உறுதிபடக் கூறினார். இயக்கத்தின் கொடி அறிமுக நிகழ்வு அம்மாபாளையம் பெரியார் படிப்பகத்தில் மாலை 5 மணி அளவில் நடைபெற்றது கொடியை அறிமுகப்படுத்தி கழகப் பொருளாளர், துரைசாமி,...

தலைமைத் தேர்தல் ஆணையர் ஞானேஷ் குமார் பதவி விலகக் கோரி, அக்-16, காலை 10 மணிக்கு, சென்னை எழும்பூர் ராஜரத்தினம் ஸ்டேடியம் அருகில் கண்டன ஆர்ப்பாட்டம் நடைபெற்றது. இடதுசாரிகள் ஒருங்கிணைத்த இந்நிகழ்வில், கழகப் பொதுச் செயலாளர் விடுதலை இராசேந்திரன், திமுக நாடாளுமன்ற உறுப்பினர் கனிமொழி எம்.பி, திமுக சட்டமன்ற உறுப்பினர் சேகர்பாபு, திமுக முன்னாள் அமைச்சர் மனோ தங்கராஜ் உள்ளிட்ட பலரும் கண்டன உரையாற்றினர். தலைமை நிலையச் செயலாளர் தபசி குமரன், சென்னை மாவட்டச் செயலாளர் இரா. உமாபதி, மாவட்டத் தலைவர் மா. வேழ வேந்தன், மாவட்ட அமைப்பாளர் ம.கி. எட்வின் பிரபாகரன், பகுதி அமைப்பாளர் சேத்துப்பட்டு ராஜன், தோழர்கள் மயிலை மனோகர், தினகரன், சிகாமணி, செல்வகுமாரி உள்ளிட்ட பலர் பங்கேற்றனர். பெரியார் முழக்கம் இதழ் 22102026

நவி பிள்ளை என்கிற நவநீதம் பிள்ளை 1941 செப்டம்பர் 23ஆம் நாள் தென்னாப்பிரிக்காவில் நடால் மாகாணம் டர்பன் நகரத்தில் தமிழ் வம்சாவழிக் குடும்பத்தில் பிறந்தார். அவரது மூதாதையர்கள் தமிழ்நாட்டில் பிறந்து தென்னாப்பிரிக்காவில் குடியேறிவர்கள்.அவர் தந்தை பேருந்து ஓட்டுனர். 1965-ல் சட்டத்தில் பட்டம் பெற்றார். 1988ல் `ஆர்வட்’ கல்லூரியில் பயின்று முதல் தென்னாப்பிரிக்கராகச் சட்டப் படிப்பில் முனைவர் பட்டம் பெற்றார். 1967இல் நடால் மாகாணத்தின் வெள்ளையரல்லாத முதல் பெண் வழக்குரைஞரானார். அது `இனஒதுக்கல்’ காலம் என்பதால் நீதிபதி அறைகளுக்குள் நுழைய அவர் அனுமதிக்கப்படவில்லை. அவர் வழக்குரைஞராகப் பணியாற்றிய 28 ஆண்டுக் காலத்தில் ’இனஒதுக்கலுக்கு’ எதிராகத் தொடர்ந்து போராடினார். ’இனஒதுக்கல்’ சட்டங்களால் சிறைப்படுத்தப்பட்ட பலருக்காகவும் வாதாடினார். பெரும் போராட்டங்கள் நடத்தி ராபன் தீவில் சிறைப்பட்டிருந்த நெல்சன் மண்டேலா உள்ளிட்ட பலருக்கும் வழக்குரைஞரைச் சந்திக்கும் உரிமையைப் பெற்றுக் கொடுத்தார். குடும்ப வன்முறையில் பாதிக்கப்பட்ட பெண்களுக்கெனப் பாதுகாப்பு இல்லங்கள் நடத்தினார். ஈக்வாலிட்டி நவ் (இப்போதே சமத்துவம்) என்னும்...

ஈரோடு வடக்கு (கோபி) மாவட்டக் கழகத்தின் சார்பில் தந்தை பெரியாரின் 148 வது பிறந்தநாள் விழாவை முன்னிட்டு குடும்பச் சுற்றுலா செல்வது என தீர்மானிக்கப்பட்டு அக்டோபர்-2 வெள்ளி இரவு தோழர்கள் குடும்பமாக ஜாதி அடிமை – த்தனத்திற்கு எதிராக தந்தை பெரியார் களமாடிய கேரளா மாநிலம் வைக்கம் பகுதிக்கு குடும்பச் சுற்றுலா சென்றனர். எந்த வீதியில் தாழ்த்தப்பட்ட மக்கள் நுழையக் கூடாது என்று தடுக்கப்பட்ட அநீதிக்கு எதிரானப் போராட்டம் நடத்தப்பட்டதோ அந்த வீதியில் இருந்து ஊர்வலமாக தோழர்கள் பெரியார் நினைவகத்தை அடைந்து பெரியார் சிலைக்கு மாலை அணிவித்தனர். தொடர்ந்து தோழர்கள் குடும்பமாக கொச்சின் மற்றும் செரயாய் கடற்கரை சென்றனர். பெரியார் முழக்கம் இதழ் 15102026

மாணவர்களின் குரல் கலந்துரையாடல் நிகழ்ச்சி சென்னை தீவுத்திடலில் அக்-10 அன்று ஏற்பாடு செய்யப்பட்டிருந்தது. மாலை 6.30 மணிக்கு ராகுல் மாணவர்களுடன் கலந்துரையாடல் நடத்தினார். அப்போது, இந்திய மாணவர்களின் எதிர்காலம் மற்றும் கல்வி குறித்து அவர் பல்வேறு கேள்விகளை எழுப்பி முக்கிய கருத்துகளைப் பகிர்ந்து கொண்டார். தொடர்ந்து நிகழ்ச்சியில் பேசிய ராகுல் தமிழ்நாட்டில் பகுத்தறிவு சிந்தனைகளை விதைத்தவர் பெரியார் தான் என்றார். எதையும் கேள்வி கேட்கச் சொன்னவர் பெரியார் என்று புகழாரம் சூட்டினார். மாணவர்களிடம் நிகழ்த்திய உரையாடலில் தமிழ்நாடு மாணவர் கழக சென்னை மாவட்ட ஒருங்கிணைப்பாளர் பேரன்பு பங்கேற்றார். பெரியார் கொள்கை நோக்கி எப்படி ஈர்க்கப்பட்டேன் என்பதை ராகுலிடம் விளக்கினார். பெரியார் பேசிய கடவுள் மறுப்புக் கொள்கையானது ஜாதி எதிர்ப்பு, மத எதிர்ப்பு, ஆணாதிக்க எதிர்ப்புக்கானது என்று விளக்கினார். அப்போது இதுகுறித்து பெரியார் மோடிக்கு என்ன செய்தியைக் கூறியிருப்பார் என்று ராகுல் கேட்டதற்கு பேரன்பு கீழ்கண்ட பதிலை அளித்தார். ‘‘இந்த உலகத்தில் உயர்ந்த...

ஜாதிவாரிக் கணக்கெடுப்பை வலியுறுத்தி 03.10.2026 அன்று சென்னையில் நடைபெற்ற கலந்தாய்வுக் கூட்டத்தில் தோழர்கள் தியாகு, அய்யநாதன், திருமுருகன் காந்தி, வாலாசா வல்லவன், அன்பு தனசேகரன், விநாயகம், தபசி குமரன், ஜி. மஞ்சுளா, ஊடகவியலாளர் ஜீவசகாப்தன், சமந்தா, ராமன் ராஜு, மருது பாண்டியன் மற்றும் ஓ.பி.சி தொழிற்சங்கத் தலைவர்களும், நிர்வாகிகளும் கலந்து கொண்டனர். ஜாதிவாரிக் கணக்கெடுப்பின் முக்கியத்துவம் குறித்தும், ஒன்றிய அரசின் துரோகங்கள் குறித்தும் விரிவாகக் கருத்துகளை முன் வைத்தனர். ஜாதிவாரிக் கணக்கெடுப்பை வலியுறுத்தியும், ஜாதிவாரிக் கணக்கெடுப்பு படிவத்தில் ஓபிசி பிரிவை குறிப்பதற்கு separate column இணைக்கவும், ஒவ்வொரு ஜாதிக்கும் unique caste code வழங்கக் கோரியும், விடுபட்ட ஓபிசி ஜாதிகளை இணைத்து புதிய ஜாதிப் பட்டியல் வெளியிடக் கோரியும், சமூக நீதிக் கண்ணோட்டத்தில் அதன் தேவைகள் மற்றும் முக்கியத்துவம் குறித்தும் பல்வேறு சமூகத் தலைவர்களும் அரசியல் தலைவர்களும் விரிவாக விளக்கிப் பேசினர். நிறைவாக தீர்மானங்கள் நிறைவேற்றப்பட்டன. மண்டல வாரியாகவும், மாவட்டத் தலைநகரங்களிலும்...

13 கோடி மக்களின் வாக்குரிமையைத் திருடிய தேர்தல் ஆணையத் தலைவரைக் காப்பாற்றுவதற்குக் கொடூரமான அடக்கு முறைகளை அவிழ்த்து விட்டிருக்கிறது ஒன்றிய ஆட்சி. கரப்பான் பூச்சி ஜனதா கட்சி இளைஞர்கள் அக்-10, ஜந்தர் மந்தரில் நடத்த இருக்கும் போராட்டத்தை ஒடுக்குவதற்கு 200-க்கும் அதிகமான தொடர் வண்டிகள் நிறுத்தப்பட்டுள்ளன. இணைய சேவை முழுவதுமாக துண்டிக்கப்பட்டு இருக்கிறது. டெல்லி நோக்கி வரும் இளைஞர்கள் கைது செய்யப்படுகிறார்கள். 50 புறநகர் தொடர்வண்டி நிலையங்கள் மூடப்பட்டன. எந்த ஒரு குடிமகனின் வாக்குரிமையும் பறிபோய் விடக்கூடாது என்று அரசியல் நிர்ணய சபையில் எச்சரித்தார் புரட்சியாளர் அம்பேத்கர். அதே பார்வையில் தேர்தல் ஆணையமும் அரசியல் நிர்ணய சபையும் செயல்பட்டன என்பது கடந்த கால வரலாறு! 1951 ஆம் ஆண்டு முதல் தேர்தல் ஆணையம் சுகுமார் சென் அய்சிஎஸ் தலைமையில் அமைக்கப்பட்டது. ஆனால் தேர்தல் ஆணையம் அமைக்கப்படுவதற்கு நான்கு ஆண்டுகளுக்கு முன்பே அரசியல் நிர்ணய சபையின் அதிகாரிகள் குழு நாடு முழுதும் வாக்காளர்...

சரஸ்வதி பூஜை என்பது ஒரு அர்த்தமற்ற பூஜை. கல்வியையும் தொழிலையும் ஒரு பெண் தெய்வமாக்கி , அதற்குச் சரஸ்வதி என்று பெயர் கொடுத்து அதைப் பூஜை செய்தால் கல்வி வரும், வித்தை வரும் என்று சொல்லி, நம்மைப் பார்ப்பனர்கள் ஏமாற்றி, கல்வி கற்கச் சொந்த முயற்சி செய்து கொள்ளாமல், சாமியையே நம்பிக்கொண்டு இருக்கும்படி செய்துவிட்டு, நாம் அந்தச் சாமி பூஜையின் பேரால் கொடுக்கும் பணத்தைக்கொண்டே, அவர்கள் படித்துப் பெரிய படிப்பாளியாகிக்கொண்டு, நம்மைப் படிப்பு வரமுடியாத “மக்குகள்” என்று சொல்லிக் கொண்டு இருக்கின்றார்கள். முதலாவது, சரஸ்வதி எனும் சாமியின் சொந்த யோக்கியதையைக் கவனித்தால், அது பார்ப்பனர் களின் புராணக் கதைகளின்படியே மிக்க ஆபாசமானதாகும். அதாவது, சரஸ்வதி என்கிற ஒரு பெண் பிரம்மனுடைய சரீரத்திலிருந்து உண்டாக்கப்பட்ட பிறகு, அவள் அழகைக் கண்டு, அந்தப் பிரம்மனாலேயே மோகிக்கப்பட்டு அவளைப் புணர அழைக்கையில், அவள் பிரம்மனை தகப்பன் என்று கருதி, அதற்கு உடன்படாமல் பெண் மான் உருவம்...

குரால் கிராமத்து பெருமாள் கோயிலில் ஜாதிவெறி பூட்டை உடைத்துத் தள்ளி இருக்கிறார் மாவட்ட பெண் போலீஸ் அதிகாரி ஷானாஸ். முகநூலில் அவருக்கு குவியும் பாராட்டு மழை நம்மை மெய் சிலிர்க்க வைக்கிறது. அரசுப் பதவி வழங்கும் அதிகாரத்தை எப்படி எதற்காகப் பயன்படுத்த வேண்டும் என்பதற்கு இவர் சான்றாக நிற்கிறார். 50 ஆண்டுகளாக தலித் மக்களை கோயிலுக்குள்ளே அனுமதிக்காத கிராமங்கள் தமிழ்நாட்டில் இருக்கின்றன என்பது அவமானம்; வெட்கக்கேடு! இந்தக் கிராமங்களில் இதற்கு நியாயம் கேட்க மனிதர்களே இல்லாமல் போய் விட்டார்களா? சமூக அவமானத்தை கண்டும் காணாமல் கடந்து போகும் மனநிலை எப்படி நீடிக்கிறது? தமிழகத்தின் பல கிராமங்கள் இப்படி ஜாதி வெறியிலும் ஜாதிச் சங்கப் பிடியிலும் தான் சிக்கித் தவிக்கின்றன. “நீங்க நாசமா போயிடுவீங்க”என்று ஜாதி வெறிக்கு ஆதரவாக குரல் கொடுக்கும் பெண்களும் உரிமைக்கு போராடும் பெண்களும் ஒரே தோற்றத்தில் தான் இருக்கிறார்கள்; சொல்லப் போனால் ஒரே வாழ்நிலை தான்! ஆனால் எந்த...

அறிவியல் மன்றத் வேலூர் மாவட்டத் தலைவர் தெருவிளக்கு கோபிநாத் அவர்களின் தந்தை அய்யா இராஜேந்திரன் (ஓய்வு பெற்ற தலைமை ஆசிரியர்) அவர்களின் படத்திறப்பு மற்றும் நினைவேந்தல் நிகழ்வு 4.10.2026 ஞாயிற்றுக்கிழமை குடியாத்தத்தில் நடைபெற்றது. பிரின்ஸ் கஜேந்திர பாபு படத்தினைத் திறந்து வைத்து நினைவேந்தல் உரையாற்றினார். கழக தலைமைக்குழு உறுப்பினர் அய்யனார் நினைவேந்தல் உரையாற்றினார்.

தோழர் பூவராகன் 94-ஆம் வயதில் கோவையில் அக்-7ம் தேதி முடிவெய்தினார். நாத்திக அறிவியல் அறிஞர்களின் வாழ்க்கை வரலாற்று நூல்களை தமிழில் ஆக்கியவர். சிந்தனையாளன் இதழ்களில் ப.செங்குட்டுவன் என்ற பெயரில் கட்டுரைகளை எழுதியவர். பெரியார் தலைமையில் பெரியாரின் பெருந்தொண்டர் பேராசிரியர் மு.க.சுப்பிரமணியம் அவர்களின் தங்கையை ஜாதி மறுப்புத் திருமணம் செய்து கொண்டவர் ஆவார். தோழர் பூவராகன் எழுதிய “அறிவறிந்த மூடர்கள், விஞ்ஞானத்தின் வளர்ச்சியும் மூடநம்பிக்கையின் வீழ்ச்சியும், மதம் விளைத்த மாச்சரியங்கள், கீதை ஒரு சமூக விரோத நூல்” போன்ற பல நூல்களை திராவிடர் விடுதலைக் கழகம் வெளியிட்டுள்ளது. திராவிடர் விடுதலைக் கழகம் சார்பாக புகழ்வணக்கம் செலுத்துகிறோம். பெரியார் முழக்கம் இதழ் 15102026

திருப்பூர் மாவட்டம், தாராபுரம் தொகுதி இடைத்தேர்தலில் போட்டியிடும் திமுகவின் வேட்பாளர் வழக்கறிஞர் எஸ். சுகன்யா அவர்களுக்கு திவிக ஆதரவு தெரிவித்து 23-09-2026 புதன் கிழமை 11 மணி அளவில் அமைப்புச் செயலாளர் ஈரோடு இரத்தினசாமி தலைமையில் இடைதேர்தல் பரப்புரை செய்தனர். திமுக துணை பொதுச் செயலாளரும் பாராளுமன்ற உறுப்பினருமான, தேர்தல் பணிக் குழுத் தலைவர்களான ஆ. இராசா, துணை பொதுச் செயலாளரும் சட்டமன்ற உறுப்பினருமான கே.என் நேரு, திமுக முன்னாள் அமைச்சர்கள் பெரிய கருப்பன், கயல் விழி செல்வராஜ், கிழக்கு மாவட்டச் செயலாளர் இல.பத்மநாபன் ஆகியோருக்கு அமைப்புச் செயலாளர் இரத்தினசாமி பயனாடை அணிவித்து ஆதரவைத் தெரிவித்தார். திமுக மாநில மாணவர் அணி தலைவர் இர.வீரமணி உடன் இருந்தார். நிகழ்வில் சென்னிமலை செல்வராஜ் ஈரோடு மாவட்டத் தலைவர், நல்ல தம்பி ஈரோடு மாநகரச் செயலாளர், சு.சிவானந்தம் ஒன்றியச் செயலாளர் மடத்துக்குளம் ஆகியோர் கலந்து கொண்டனர். பெரியார் முழக்கம் இதழ் 15102026

சென்னை மாவட்டக் கழக அமைப்பாளர், கழகச் செயல்வீரர் எட்வின் வேளச்சேரியில் புத்தக விற்பனை நிலையம் தொடங்கியுள்ளார். சுயமரியாதை சமதர்மப் படிப்பகம் மற்றும் எட்வின் புத்தக இல்லம் ஆகியவற்றை அக்-11, ஞாயிறு அன்று மாலை 4 மணிக்கு, கழகப் பொதுச் செயலாளர் விடுதலை இராசேந்திரன் திறந்து வைத்தார். பெரியாரிய ஆய்வாளர் தஞ்சை பசு. கவுதமன், ஊடகவியலாளர் இந்திரகுமார் தேரடி, பேராசிரியர் கனக விநாயகம், எழுத்தாளர்கள் வேலழகன், இனியன் ராம மூர்த்தி, பெரியார் புக்ஸ் மணிகண்டன், ஊடகவியலாளர் பாட்டர், AISCSTBA நிர்வாகி ஆனந்தராஜ், ஓவியர் பரதன், அனைத்து ஜாதி அர்ச்சகர் பயிற்சி பெற்ற மாணவர்கள் சங்கத் தலைவர் ரங்கநாதன் உள்ளிட்டோர் வருகை புரிந்தனர். விற்பனை நிலையம் திறப்பின் மகிழ்வாக “புரட்சிப் பெரியார் முழக்கம்” வளர்ச்சிக்கு ரூ. 6,000 வழங்கினார் எட்வின் பிரபாகரன். பதாகைகள், படிப்பகப் பெயர் பலகையை சென்னை மாவட்ட இளைஞரணி அமைப்பாளர் ப. அருண் வடிவமைத்தார். கழகத் தலைமை நிலையச் செயலாளர் தபசி...

நாமக்கல் மாவட்டக் கழகத்தின் சார்பில் 27.09.2026 ஞாயிற்றுக் கிழமை மாலை 6 மணி அளவில் தந்தை பெரியாரின் 148 ஆம் ஆண்டு பிறந்த நாள் விழா பொதுக்கூட்டம் குமாரபாளையத்தில் நடைபெற்றது. கூட்டத்தின் தொடக்கத்தில் குமாரபாளையம் மனிதநேய கலைக் குழுவின் சார்பில் வீதி நாடகமும் கிராமிய பாடல்கள் கலைநிகழ்ச்சிகள் நடைபெற்றன. குமாரபாளையம் மாதுராசு பொதுக்கூட்டத்திற்கு தலைமை தாங்கினார். தலைமைக் குழு உறுப்பினர் கேப்டன் அண்ணாதுரை, மாவட்டச் செயலாளர் மு.சரவணன், மாவட்ட அமைப்பாளர் அ.முத்துப்பாண்டி, மாவட்டத் தலைவர் மு.சாமிநாதன் ஆகியோர் முன்னிலை வகித்தனர். குமாரபாளையம் நகரத் தலைவர் மி.தா.தண்டபாணி வரவேற்புரையாற்றினார். கழகப் பொருளாளர் திருப்பூர் துரைசாமி, தி.க நாமக்கல் மாவட்டத் தலைவர் சு.சரவணன், திமுக தேவூர் பகுதி பொறுப்பாளர் தங்கவேல் ஆகியோர் உரையாற்றினர். மாவட்டத் தலைவர் மு.சாமிநாதன் உரை நிகழ்த்தி; பெரியார் பிறந்தநாள் வாகனப் பேரணி மற்றும் பொதுக்கூட்ட வரவு செலவுகளை படித்தார். கழகத் தலைவர் கொளத்தூர் மணி, “சட்ட எரிப்புப் போராட்டம், பிள்ளையார்...

அய்.அய்.டி, அய்.அய்.எம் போன்ற பார்ப்பன ஆதிக்கம் நிறைந்த உயர்கல்வி நிறுவனங்களில் தலித் மற்றும் பிற்படுத்தப்பட்ட மாணவர்கள் மீது ஜாதிப் பாகுபாடு காட்டப்படுவதாக குற்றச்சாட்டுகள் தொடர்ந்து வருகின்றன. அண்மையில் பம்பாய் அய்.அய்.டி-யில் ஒரு தலித் மாணவன் தற்கொலையைத் தொடர்ந்து ஒரு பேராசிரியர் மீது நடவடிக்கை எடுக்கப்பட்டுள்ளது. 2020-21 முதல் 2024-25 வரை 23 அய்.அய்.டி-களில் 45 மாணவர்கள் தற்கொலை செய்துள்ளனர். அவர்களில் 9 பேர் தலித் மாணவர்கள்; 7 பேர் பழங்குடி மாணவர்கள்; 12 பேர் பிற்படுத்தப்பட்ட மாணவர்கள். 2025 ம் ஆண்டு உச்சநீதிமன்றம் மாணவர்கள் தற்கொலைக்கான காரணங்களை ஆராய பணிக்குழு அமைத்து உத்தரவிட்டது. ஓய்வு பெற்ற உச்சநீதிமன்ற நீதிபதி எஸ். ரவீந்திர பட் தலைமையில் தேசிய பணிக்குழு அமைக்கப்பட்டது. இந்தக் குழு நாடு முழுவதும் கல்வி நிலையங்களில் ஆய்வு நடத்தியது. ஆய்வின் முதல் கட்ட அறிக்கையில் பல அதிர்ச்சிகரமான தகவல்கள் வெளியாகியுள்ளன. அதில், உயர்கல்வி நிறுவனங்களில் படிக்கும் மாணவர்களில் சுமார் 15%...

‘‘உத்தரப் பிரதேசத்தில் அரசுத் திட்டத்தின் கீழ் பசு மாட்டுச் சாணம் மற்றும் கோமியம் (மூத்திரம்) கொள்முதல் செய்யும் அல்லது பயன்படுத்தும் விநியோகத்தில், சிலர் பசு மாட்டிற்குப் பதிலாக எருமை மாட்டின் மூத்திரத்தை கலப்படம் செய்து வழங்கியதாகக் கூறப்பட்ட நிகழ்வு பெரும் பரபரப்பை ஏற்படுத்தியது. உத்தரப் பிரதேச அரசு ‘புனிதமான’ பசு மாடுகளின் கழிவுகளான சாணம் மற்றும் கோமியத்தை விவசாயிகளிடமிருந்து வாங்கும் திட்டங்களையும் கூட்டுறவு அமைப்பு வழியாக செயல்படுத்தி வருகிறது. பசு மாட்டுக் கோமியத்திற்கு அரசாங்கத்திடமிருந்தோ அல்லது அங்கீகரிக்கப்பட்ட இயற்கை விவசாயக் கொள்முதல் மய்யங்களிலிருந்தோ நல்ல விலை கிடைப்பதைப் பயன்படுத்தி, சிலர் அதிகளவில் எருமை மாட்டு மூத்திரத்தை பசு மாட்டு கோமியத்துடன் கலந்து விநியோகம் செய்தது கண்டறியப்பட்டது. எருமை மாடுகள் அதிகளவில் சிறுநீர் வெளியேற்றுவதால், குறுகிய காலத்தில் அதிக அளவு கோமியத்தைச் சேகரித்து முறைகேடாகப் பணம் சம்பாதிக்க இந்த முறைகேடு செய்யப்பட்டுள்ளது. ஆய்வகப் பரிசோதனைகள் மற்றும் கோமியத்தின் அடர்த்தி, நிறம் மற்றும் இரசாயன...

தமிழ்நாட்டில் தவெக ஆட்சி எந்த விவாதங்களும் இன்றி அவசர அவசரமாக சமூக நீதிக்குக் குழிபறிக்கும் மாநில பல்கலைக்கழகம் மசோதாவை சட்டமன்றத்தில் நிறைவேற்றி இருக்கிறது. கல்வியைத் தனியார் மயமாக்கி, விளிம்பு நிலை மக்களுக்குக் கட்டணச் சுமையைத் திணிப்பதோடு, இட ஒதுக்கீடு கொள்கைக்கும் பேராபத்தை உருவாக்கும் மசோதா இது. தமிழ்நாட்டில் அரசு பல்கலைக்கழகங்கள், நிகர்நிலைப் பல்கலைக்கழகங்கள், மத்திய பல்கலைக்கழகங்கள் செயல்பட்டு வருகின்றன. இதுதவிர மாநில தனியார் பல்கலைக்கழகம் (State Private University) 2019 ஆம் ஆண்டில் அஇஅதிமுக ஆட்சியில் அறிமுகமானது. 100 ஏக்கர் நிலமும் 50 கோடி நிரந்தர வைப்புத் தொகை இருந்தால் தனியார் பல்கலைக்கழகத்தைத் தொடங்கலாம் என்று அஇஅதிமுக ஆட்சியில் சட்டம் நிறைவேற்றப்பட்டது. அதன் அடிப்படையில் 9 பல்கலைக்கழகங்கள் இப்போது இயங்குகின்றன. 2025ல் திமுக ஆட்சி இந்த நிபந்தனைகளைத் தளர்த்த முன்வந்த போது எதிர்ப்புகள் வந்தன. திமுக ஆட்சி திட்டத்தைக் கைவிட்டது. இப்போது தவெக ஆட்சி எந்த விவாதமும் இல்லாமல் சென்னையில் 12...

இந்து மதத்தை மாற்ற முயற்சித்தால் பார்ப்பனர்கள் உங்களை விட்டு வைக்க மாட்டார்கள் என்று பெரியார் காந்தியிடம் எச்சரித்தார். சுயமரியாதை இயக்கத்தை உருவாக்கிக் கொண்டிருந்த நேரத்திலும் பெரியாருக்கு காந்தி மீதிருந்த மரியாதையும், கதர் பிரச்சாரத்திலிருந்த நம்பிக்கையும் குறையவில்லை. அவரைப் பொறுத்தவரை மனதளவில் காங்கிரஸ்காரராகவே இருந்தார். ஆனால் 1927ஆம் ஆண்டு ஆகஸ்ட் மாதத்தில் ‘சுதேசமித்திரன்’ நாளிதழில் வெளியான காந்தியின் வர்ணாசிரம தர்மத்தை ஆதரித்து பேசிய உரை ஒன்று, பெரியாரை அதிர்ச்சியடையச் செய்துவிட்டது. பெங்களூரில் காந்தியுடன் பெரியார் நடத்திய உரையாடல் குறித்து பெரியார் ‘குடிஅரசு’ ஏட்டில் (28.8.1927) எழுதிய ஒரு தலையங்கத்தில் சில செய்திகளைப் பதிவு செய்திருக்கிறார். காந்தியுடன் தாம் நிகழ்த்திய சந்திப்பை பெரியார் வெளிப்படுத்தாமல் இருந்தது பற்றி அத்தலையங்கத்தில் இவ்வாறு குறிப்பிடுகிறார்: “நமது கருத்தையும், மகாத்மா கருத்துக்கும் நமது கருத்துக்கும் இருந்த மாறுபட்ட கருத்துகளைப் பற்றியும் சென்ற மாதம் மகாத்மா அவர்களிடம் நேரில் கலந்து பேசி நம்மைப் பொருத்த வரையிலும் ஒரு முடிவு கட்டிக்...

உத்தர பிரதேசத்தின் பழம்பெரும் கல்விநிலையமாக இருப்பது பனராஸ் இந்து பல்கலைகழகம் (பிஎச்யு). இங்கு ஜோதிடக் கல்வித்துறை சுமார் 4 வருடங்களுக்கு முன் தொடங்கப்பட்டது. சம்ஸ்கிருத வித்யா தர்ம விஞ்ஞானப் புலத்தின் கீழ் செயல்படும் இத்துறையில் மாணவர்களுக்கு ஜோதிடப் பட்டத்திற்கான கல்வி போதிக்கப்படுகிறதாம். இதன் அங்கமாக, தற்போது மேம்படுத்தப்பட்ட ஜோதிடப்பிரிவும் தொடங்கப்பட்டுள்ளது. இந்தப் பிரிவு இப்போது சிறப்புச் சேவைகளை வழங்கும் வகையில் மேம்படுத்தப்பட்டுள்ளது. இதில், ஜாதகம் பார்ப்பது முதல் சடங்குகள் வரை 8 வகையான சேவைகள் வெளிநபர்களுக்கு ஒரே இடத்தில் கிடைக்கவுள்ளன. ஜோதிடத் துறையின் ‘பஞ்சாங்கப் பிரிவு’ அலுவலகத்தில், இதற்கென பிரத்யேகமான குளிரூட்டப்பட்ட அலுவலகம் அமைக்கப்பட்டுள்ளது. இப்பிரிவின் ஒருங்கிணைப்பாளராக பேராசிரியர் வினய் பாண்டே அமர்த்தப்பட்டுள்ளார். ஜாதகம், நல்ல நாட்கள், திருமணப் பொருத்தம், வாஸ்து அடிப்படையிலான நிலத் திட்டம், மண் மேம்பாடு, ரத்தினக் கற்கள் மற்றும் சடங்குகள் குறித்த தகவல்களைத் தேடும் மக்களுக்குத் தேவையான ஆலோசனைகள் மற்றும் தீர்வுகள் இங்கு வழங்கப்படுகின்றனவாம். சடங்குகள் தொடர்பான...

பிற்படுத்தப்பட்ட ஊழியர்கள் பேரமைப்பின் (National Confederation of OBC Employees Welfare Associations) சார்பில் வைக்கம் பெரியார் நினைவிடத்தில் தந்தை பெரியாரின் வைக்கம் போராட்டத்தை நினைவு கூறும் விதமாக 17.09.2026 பெரியாரின் 148ஆவது பிறந்த நாளன்று பிற்படுத்தப்பட்ட ஊழியர்கள் பேரமைப்பின் (National Confederation of OBC Employees Welfare Associations) சார்பில் கொண்டாடப்பட்டது. வைக்கம் வீதிகளில் பெரியார் படத்துடன், கேரள மேளம் முழங்க ஊர்வலமாக கொள்கை முழக்கங்களுடன் தோழர்கள் அணிவகுத்தனர். வைக்கம் பொதுமக்கள் பாராட்டினர். பெரியார் நினைவிடத்தில் போட்டி தேர்வு எழுதும் மாணவர்களுக்கு சிறப்பாக நூலகம் செயல்பட்டு வருகிறது. பெரியாரின் போராட்ட வரலாற்றை வெளிப்படுத்தும் படங்களுடன் கூடிய அருங்காட்சியகமும் நினைவிட அதிகாரி செந்தில் அண்ணா அவர்களின் சீரிய ஒத்துழைப்புடன் சிறப்பாக பராமரிக்கப்பட்டு வருகிறது. கேரள அரசின் சார்பில் துணை மாவட்ட ஆட்சியர், வைக்கம் நகர்மன்றத் தலைவர் அப்துல் சலாம் ராவுத்தர், 10க்கும் மேற்பட்ட நகர் மன்ற உறுப்பினர்கள் பங்கேற்று சிறப்பித்தனர். பயணம்...

ஒன்றிய ஆட்சியின் கட்டுப்பாட்டில் உள்ள பல்கலைக்கழகங்களில் மநுசாஸ்திரத்துக்கும் பார்ப்பனர்களுக்கும் எதிரான பாடத்திட்டங்கள் இடம்பெற்று இருக்கின்றதா? என்று விளக்கம் கேட்டு பல்கலைக்கழகங்களுக்கு மின்னஞ்சல்களை அனுப்பி இருக்கிறது பிரதமர் அலுவலகம். கடந்த செப்டம்பர் 27ஆம் தேதி பெயர் குறிப்பிடாத செய்தி ஒன்று முகநூலில் பதிவிடப்பட்டிருந்தது. அதில் பல உயர்கல்வி நிறுவனங்களின் அம்பேத்கர், ஜோதிராவ் பூலே போன்ற தலைவர்களின் ஜாதி, மத எதிர்ப்பு சிந்தனையின் கருத்துக்கள் பரப்பப்படுகின்றன. பாட நூல்களிலும் இடம்பெற்றுள்ளன என்றும், ஆண் ஆதிக்கம், ஜாதி ஒழிப்பு என்ற பெயரில் பார்ப்பன எதிர்ப்பும் மநுசாஸ்திர எதிர்ப்பும் மாணவர்களிடம் திணிக்கப்படுகிறது என்றும் இந்த விஷம் பரப்பும் கருத்துக்களை நிறுத்த வேண்டும் என்றும் பதிவிடப்பட்டிருந்தது. பெயர் குறிப்பிடாத இந்தப் பதிவை உடனடியாக கவனத்தில் எடுத்து பிரதமர் அலுவலகம் அடுத்த நாளில் செப்-27 உயர் கல்விநிறுவனங்களிடம் இது குறித்து மின்னஞ்சல் வழியாக விளக்கம் கேட்டுள்ளது பிரதமர் அலுவலகம். பார்ப்பனர்கள் பாதுகாப்பு அலுவலகமாக செயல்படுகிறது. ( ‘இந்து ஆங்கில நாளேடு’...

கள்ளக்குறிச்சியில் பெரியாரின் 148-வது பிறந்தநாளை ஒட்டி கள்ளக்குறிச்சி மாவட்டக் கழகத்தின் சார்பாக 28.09.2026 திங்கட்கிழமை அன்று மதியம் 3.00 மணி அளவில் சங்கராபுரம் வாசவி திருமண மண்டபத்தில் கருத்தரங்கம் நடைபெற்றது. ந. வெற்றிவேல் (கள்ளக்குறிச்சி மாவட்ட துணைச் செயலாளர்) தலைமையேற்று, உரையாற்றினார். ந. அய்யனார் (கழகத் தலைமைக்குழு உறுப்பினர்) அமைப்பின் முக்கியத்துவமும், நோக்கமும் என்ற தலைப்பில் ஜாதிய ஏற்றத்தாழ்வுகளையும் தீண்டாமையையும் எதிர்த்துப் போராடவும், விளிம்பு நிலை மக்களின் உரிமைகளை மீட்டெடுக்க வேண்டும் எனவும், மூடநம்பிக்கை ஒழிப்பு, சமூகநீதி, பெண் விடுதலை போன்றவற்றை அமைப்பின் நோக்கமாகக் கருதி தோழர்கள் இயக்கப்பணிகளைச் செய்ய வேண்டும், இல்லையேல் முடிந்த அளவுக்கு உதவிகளைச் செய்து இயக்கப் பணிகளுக்கு ஒத்துழைக்க வேண்டும் எனக் கூறி கருத்துரையாற்றினார். கழகத் தலைவர் கொளத்தூர் மணி வரலாற்றில் பெரியார் தொண்டர்களின் கொள்கைப் பிடிப்பும், அர்ப்பணிப்பும் என்ற தலைப்பில் சட்ட எரிப்புப் போராட்டம், பிள்ளையார் சிலை உடைப்புப் போராட்டம், இந்தி எழுத்து அழிப்புப் போராட்டம்,...

திருப்பூர்: மடத்துக்குளம் ஒன்றியக் கழகம் சார்பாக கருத்தரங்கம் 19.09.2026 சனிக்கிழமை மாலை 5.30 முதல் இரவு 9.00 மணி வரை ஓம் முருகா திருமண மண்டபம் கணியூரில் நடைபெற்றது. மடத்துக்குளம் ஒன்றியத் தலைவர் கணக்கன் தலைமை தாங்கினார். மடத்துக்குளம் ஒன்றிய அமைப்பாளர் அய்யப்பன் முன்னிலை வகித்தார். மடத்துக்குளம் ஒன்றியச் செயலாளர் சி.சிவானந்தம் வரவேற்புரை ஆற்றினார். திருப்பூர் மாவட்டத் தலைவர் முகில்ராசு அறிமுக உரை நிகழ்த்தினார். கழகப் பொருளாளர் சு.துரைசாமி நோக்கவுரையாற்றினார். சடங்குகள் என்ற தலைப்பில் தமிழ்நாடு அறிவியல் மன்றத்தின் சிவகாமி கருத்துரையாற்றினார். தலைமைக்கழகப் பேச்சாளர் கோபி வேலுச்சாமி மூடநம்பிக்கை என்ற தலைப்பில் கருத்துரையாற்றினார். திராவிடத் தமிழர் கட்சியின் தலைவர் வெண்மணி தந்தை பெரியாரும், புரட்சியாளர் அம்பேத்கரும் என்ற தலைப்பில் சிறப்புரையாற்றினார். வெண்மணி அவர்களுக்கு அக்கினி கோத்திரம் தாத்தாச்சாரி எழுதிய ’சடங்குகளின் கதை’ என்ற நூலை திருப்பூர் மாநகர அமைப்பாளர் சரசுவதி, மடத்துக்குளம் செல்வி ஆகியோர் வழங்கினார்கள். சரவணன், நன்றி கூறினார். மடத்துக்குளம்...

திருப்பூர்: 26.09.2026 சனிக்கிழமை காலை 11 மணி அளவில் பூங்கா சாலை, எம்ஜிஆர் சிலை அருகில், அருந்ததியர் உள் இடஒதுக்கீட்டு போராளி நெருப்பு தமிழன் “நீலவேந்தன் நினைவு நாளில்” “2009 முதல் 2026 வரை அருந்ததியர் உள்இடஒதுக்கீடு குறித்து வெள்ளை அறிக்கை வெளியிட தமிழ்நாடு அரசை வலியுறுத்தி ஆதித்தமிழர் பேரவை நடத்திய வீரவணக்கப் பேரணியில் கழகப் பொருளாளர் துரைசாமி வீரவணக்க உரையாற்றினார். நிகழ்வில் பரிமளராசன் முகநூல் பொறுப்பாளர், மாரிமுத்து மாநகர துணைத் தலைவர், முத்து மாநகர அமைப்பாளர், அய்யப்பன் வடக்கு ஒன்றிய அமைப்பாளர் ஆகியோர் கலந்து கொண்டனர். பெரியார் முழக்கம் இதழ் 08102026

Gen-Z இளைய தலைமுறைகளை ஈர்க்கும் வகையில் திராவிட இயக்க சிந்தனையாளர்கள் சார்பாக கலந்துரையாடல் நிகழ்ச்சி 20.09.2026 காலை 10.00 மணி அளவில் ஈரோடு பவானியில் உள்ள பெஸ்ட் மஹாலில் நடைபெற்றது. சிந்தூரி இளங்கோவன் (பவானி நகர மன்றத் தலைவர்) வரவேற்புரையாற்றினார். என். நல்லசிவம் (தி.மு.க. ஈரோடு மேற்கு மாவட்டச் செயலாளர்) எந்த ஒரு கருத்தையும் கண்மூடித்தனமாக ஏற்றுக்கொள்ளாமல், அதன் வரலாறு என்ன?, அது ஏன் முன்வைக்கப்பட்டது?, சமூகத்தில் அதன் தாக்கம் என்ன? என்பதை இளைஞர்கள் கேள்வி கேட்டு ஆய்வு செய்ய வேண்டும் எனவும், நாம் இளைய சமுதாயத்தை ஊக்குவித்து அரசியல் படுத்த வேண்டும் என உரையாற்றினார். கவிஞர் கோனூர் வைரமணி (தி. மு. க. பேச்சாளர்), நந்தகுமார் (தி. மு. க. இளம்பேச்சாளர்), வடிவேல் (மொழிப்போர் தியாகி) ஆகியோர் உரையாற்றினர். அதர்மம் மனோஜ்குமார் (தந்தை பெரியார் திராவிடர் கழகம்) பேசுகையில் ஜென்சி இளைஞர்கள் சமூக ஊடகங்களில் வரும் குறுகிய காணொளிகள் அல்லது...

பெரியாரின் 148 வது பிறந்தநாளை முன்னிட்டு கோவை மாவட்டக் கழகம் மற்றும் விசிக இணைந்து 23/9/2026 புதன் கிழமை மாலை 4 மணிக்கு சுல்தான்பேட்டை பேருந்து நிறுத்தம் முன்பும் 6:30 மணிக்கு செஞ்சேரிமலை ஆட்டோ ஸ்டாண்ட் முன்பும் தெருமுனைக் கூட்டமாக நடத்தினர். சுல்தான்பேட்டை பேருந்து நிறுத்தம் முன்பு விசிக பொறுப்பாளர் விடுதலைச் செல்வன் தலைமையில் நடைபெற்றது. இந்தக் கூட்டத்தில் கோவை கிருஷ்ணன் பகுத்தறிவுப் பாடலை பாடினார். திருப்பூர் முத்து, நீலம் பண்பாட்டு மையம் வழக்கறிஞர் சூர்யகுமார், சூலூர் பன்னீர்செல்வம், நிர்மல்குமார் ஆகியோர் உரையாற்றினர். நிறைவாக சமூகவலைதளப் பொறுப்பாளர் பரிமளராசன் பெரியாரின் போராட்டங்களால் தமிழர்கள் அடைந்த நன்மைகளை விளக்கி நிறைவுரையாற்றினார். திருப்பூர் ஈழமாறன் நன்றி கூறினார். கலந்து கொண்ட தோழர்கள் அனைவருக்கும் செம்பருதி தேநீர் வழங்கினார். 2-வது கூட்டம் செஞ்சேரிமலையில் விசிக தங்கவளவன் தலைமையில் நடைபெற்றது. நிகழ்வின் தொடக்கமாக சமத்துவத்தை வலியுறுத்தும் உறுதிமொழி ஏற்கப்பட்டது. தொடர்ந்து சந்திரன் விசிக வரவேற்புரையாற்றினார். திராவிட தமிழர்...

ஈரோடு மாவட்டக் கழகம் சார்பில், 20.09.26 ஞாயிற்றுக்கிழமை மதியம் 2 மணிக்கு பவானி பழைய பேருந்து நிலையம் அருகில் உள்ள பெஸ்ட் மகாலில் கழகத் தோழர்களின் குடும்ப விழா நடைபெற்றது. மாவட்ட தலைவர் சென்னிமலை செல்வராசு தலைமை வகித்தார். மாவட்டச் செயலாளர் எழிலன் வரவேற்புரையாற்றினார். சிறப்பு விருந்தினராக மாநில அமைப்புச் செயலாளர் இரத்தினசாமி கலந்து கொண்டார். மேட்டூர் ஆசிரியர் குமரேசன், உடல் ஆரோக்கியம் குறித்தும், உடல் நலத்தைப் பேண வேண்டியதன் அவசியம் குறித்தும், உடல் வலிமை பெற என்னவெல்லாம் செய்ய வேண்டும், நோய்த் தடுப்பு முறைகள் என்னென்ன என்பது குறித்தும் மிக விரிவாக விளக்கிப் பேசினார். கழகப் பொருளாளர் திருப்பூர் துரைசாமி, இது போன்ற குடும்ப விழாக்களின் அவசியம் குறித்து எடுத்துரைத்தார். காவை இளவரசுவின் மந்திரமல்ல? தந்திரமே? நிகழ்ச்சி நடைபெற்றது. குழந்தைகள் ஆவலுடன் கண்டுகளித்தனர். குழந்தைகளின் கலை நிகழ்ச்சிகள் நடைபெற்றன. திருப்பூர் முத்துவின் மகன் வெற்றிமாறன் இயந்திர மனிதன் போன்று வேடம்...

ஈரோடு (வடக்கு) கோபி மாவட்டக் கழகம் பெரியார் பிறந்த நாள் விழா நிகழ்வுகள்: அம்மாபேட்டை ஒன்றியம்: குருவரெட்டியூர் பகுதியில் உள்ள தந்தை பெரியார் சிலை, பெரியார் படிப்பகம், சமத்துவபுரம் ஆகிய பகுதிகளில் கழகத்தின் மாவட்டத் தலைவர் நாத்திகசோதி தலைமையில் மாலை அணிவித்தனர். நம்பியூர் ஒன்றியம்: நம்பியூர் பகுதியில் அமைந்துள்ள பெரியார் சிலைக்கு கழகத்தின் மாவட்டச் செயலாளர் செல்வகுமார் தலைமையில் மாலை அணிவித்தனர். புலவன் சிறை பகுதியில் நடராஜ் தலைமையில் பெரியார் படத்திற்கு மாலை அணிவிக்கப்பட்டது. இரங்கநாதபுரம் பகுதியில் அமைக்கபட்டிருந்த பெரியார் படத்திற்கு இரமேசு தலைமையில் மாலை அணிவிக்கப்பட்டது. சிறுவலூர்: கோபி ஒன்றியம் பகுதியில் பெரியார் பிறந்த நாள் விழாவை முன்னிட்டு சிறுவலூர் பகுதியில் அலங்கரித்து வைக்கப்பட்ட பெரியார் படத்திற்கு வெளியீட்டுச் செயலாளர் இராம. இளங்கோவன் தலைமையில் மாலை அணிவித்தனர். கொளப்பலூர்: கொளப்பலூர் பகுதியில் அமைக்கப்பட்டு இருந்த பெரியார் படத்திற்கு கொளப்பலூர் பேரூராட்சித் தலைவர் அன்பரசு ஆறுமுகம் மாலை அணிவித்தார். தோழர்கள் அனைவரும்...

ஈரோடு தேவஸ்தானக் கமிட்டித் தலைவராக இருந்த போது தேவதாசி உரிமைகளை விற்பனைப் பொருளாக்கியதை பெரியார் தடை செய்தார். இதற்கு தேவதாசிகள் பெரியாரைக் கண்டித்தார்கள். இதுகுறித்து பெரியார் பேசிய உரையிலிருந்து… பெண்களுக்குக் கடவுள் பேரில் பொட்டுக்கட்டி விபசாரத்திற்கு விடுவது என்று நேற்றுவரையில் இருந்து வந்ததே! கடவுள் காரியம் என்றும், சாஸ்திர முறைகள் என்றும் கூறிப் பொட்டுக்கட்டி விடப்பட்டவர்கள் எல்லாம் நம் அக்காள் தங்கைகள்தானே? நம் சூத்திர ஜாதித் தாய்மார்கள் தானே? முதலாவது நான்தான் இந்த முறையை வெறுத்தேன். நான் 8 ஆண்டு தேவஸ்தான கமிட்டி செக்ரெட்டரியாகவும், 10 ஆண்டு தேவஸ்தான கமிட்டித் தலைவனாகவும் இருந்தேன். அப்போதுதான் இந்தக் கொடுமைகளை எல்லாம் படித்தேன். நான் எந்த ஊர்க் கோயிலுக்குப் போனாலும் 10, 20 தேவரடியார்கள் கோயில் மரியாதை மேளதாளத்துடன் வரவேற்கக் காத்துக் கிடப்பார்கள்! இவர்கள் எல்லாம் யார்? தேவடியாள் என்ற தனி ஒரு ஜாதியாக வந்தவர்களா? கொடுமுடியில் தேவடியாளுக்குக் கவுண்டர் என்ற பட்டம்! திருநெல்வேலி,...

தேவதாசி முறையை உயர்த்திப் பிடிக்கும் கருத்தரங்கு சென்னையில் “தேவநாயகிகள்” என்ற பெயரில் நடைபெற்றிருக்கிறது. இங்கே நடந்த நிகழ்வுகளை திராவிடர் கழகத்தின் பிரச்சார செயலாளர் வழக்கறிஞர் அருள்மொழி அவர்கள் தனது முகநூல் பதிவின் மூலம் வெளிக்கொண்டு வந்து இருக்கிறார். கருத்தரங்கில் பேசிய கவிஞர் வெண்ணிலா, எழுத்தாளர் ஜெயமோகன் உள்ளிட்ட சிலர் தேவதாசி முறையை அழுத்தமாக ஆதரித்தும் வேறு சிலர் எதிர்த்தும் பேசியிருக்கிறார்கள். பெண்களின் கலைத்திறனை வெளிப்படுத்தும் இந்தச் சிறப்பான முறையை பிரிட்டிஷ் மிஷனரிகளும் பிரிட்டிஷ் ஆட்சியும் திட்டமிட்டு சீர்குலைத்தனர் என்ற வழமையான சங்கிகளின் பிரச்சாரம் தான் இங்கும் நடந்திருக்கிறது. பெண்கள் மீது திணிக்கப்பட்ட இந்தக் கொடூரமான அடிமை முறையின் வரலாற்றை மீண்டும் இளைஞர்களிடம் எடுத்துக் கூறுவதற்கு ஒரு வாய்ப்பை உருவாக்கி இருக்கிறார்கள். தேவதாசி முறை என்பதுதான் என்ன? பருவத்துக்கு வராத பெண்களை முதலில் கடவுளுக்கு “பொட்டுக் கட்டுதல்” என்ற சடங்கை நடத்தி காணிக்கையாக்குகிறார்கள். சடங்குகளை நடத்துகிறவர்கள் பார்ப்பனர்கள்; கடவுளின் சார்பாக இந்தச் சிறுமிகளுக்குத்...

பம்பாய் அய்.அய்.டியில் ஷகில்வாக்கோடு என்ற இரண்டாம் ஆண்டு படிக்கும் தலித் மாணவர் ஜாதிக் கொடுமையால் தற்கொலை செய்து கொண்டிருக்கிறார். பேராசிரியர் ஒருவரின் ஜாதிவெறிச் செயல்படுகளால் இந்தத் தற்கொலை நிகழ்ந்திருக்கிறது என்று மாணவர்கள் போராட்டம் நடத்தி வருகிறார்கள். மாணவர்களின் தொடர் போராட்டத்திற்குப் பிறகு சூரியநாராயணாடூலா என்ற பேராசிரியர் மீது நடவடிக்கை எடுக்கப்பட்டுள்ளது; அவர் விடுமுறையில் அனுப்பப்பட்டுள்ளார். தொடர்ந்து அய்.அய்.டி, அய்.அய்.எம்-களில் தலித் மாணவர்கள் துன்புறுத்தப்படுவதற்கு நிரந்தரத் தீர்வு காணவேண்டும் என்ற கோரிக்கையை முன்வைத்து பெரும்பான்மை மாணவர்கள் போராடி வருகிறார்கள். இதுகுறித்து சீர்திருத்தங்களை மேற்கொள்ள குழு ஒன்றையும் அய்.அய்.டி நிர்வாகம் அமைத்திருக்கிறது. இந்தப் பிரச்சனையில் அய்.அய்.டி பார்ப்பன உயர்ஜாதி அதிகாரிகளுக்கும் தொடர்பு உண்டு என்றும், அவர்கள் கைது செய்யப்பட வேண்டும் என்றும் தற்கொலை செய்து கொண்ட தலித் மாணவரின் தந்தை வலியுறுத்தியிருக்கிறார். இந்தக் கோரிக்கையை வலியுறுத்தி தான் உண்ணாவிரதப் போராட்டத்தை தொடங்கப் போவதாகவும் அறிவித்துள்ளார். தலித் மாணவர் தேர்வு எழுத செல்லும் போது தனது...

தேர்தல் ஆணையர்கள் ஆளும் கட்சியின் கைப்பாவைகளாக இருந்துவிடக் கூடாது என்பதில் அரசியல் நிர்ணய சபையில் புரட்சியாளர் அம்பேத்கர் மிகவும் உறுதியாக இருந்தார். இதற்காக நாடாளுமன்றத்தில் சட்டம் இயற்றப்பட்டு அந்தச் சட்டத்தின் வழியே தேர்தல் ஆணையர் தேர்வு செய்யப்பட வேண்டுமே தவிர, ஆட்சியாளர்களின் வழிகாட்டுதலில் செயல்படக் கூடாது என்பதற்காகவே ஒரு சட்டத் திருத்தத்தையும் அவர் முன்மொழிந்தார். அதுதான் 324(2) திருத்தம்! ஆனால் அப்படி ஒரு சட்டம் நாடாளுமன்றத்தில் 74 ஆண்டுகளாக நிறைவேற்றப்படவே இல்லை என்பது தான் வரலாற்று சோகம்! அம்பேத்கர் அஞ்சியது தான் இப்போது நடந்து கொண்டிருக்கிறது. மக்களின் வாக்குரிமையைத் திருடிய தேர்தல் ஆணையத்தின் தலைவர் ஞானேஷ் குமார் இப்போது வசமாக சிக்கிக் கொண்டிருக்கிறார். அவர் பதவி விலக வேண்டும்; கைது செய்யப்பட வேண்டும் என்ற குரல் நாடு முழுதும் ஓங்கி ஒலிக்கிறது. மோடியும் அமித் ஷாவும் வளர்த்து வரும் செல்லக் குழந்தைதான் ஞானேஷ் குமார். ஆணையத்தின் மற்ற இரண்டு உறுப்பினர்களான சுக்பிர்சிங்...

பெரும்பான்மை இந்துக்களுக்கு அசைவ உணவு பழக்கம் இருந்தாலும் இந்துத்துவ பார்ப்பனியம் சைவ உணவையே புனிதப்படுத்துகிறது. பார்ப்பனர்கள் அசைவ உணவைத் தீட்டாகக் கருதுகிறார்கள். சிறுபான்மை பார்ப்பனர்களின் கலாச்சாரத்தையே இந்து மக்களின் கலாச்சாரமாக ஆட்சியாளர்கள் திணிக்கிறார்கள். மாட்டுக்கறி சாப்பிடுகிற உழைக்கும் இந்துக்களை ‘இந்து தர்ம எதிரிகள்’ என்கிறார்கள். அண்மையில் புதுடெல்லியில் உலக தலைவர்கள் கூடிய பிரிக்ஸ் உச்சி மாநாட்டில் மோடி அசைவ உணவை முற்றிலும் தவிர்த்து சைவ உணவையே சர்வதேசத் தலைவர்களுக்கு பரிமாறினார். பல தலைவர்கள் விருப்பமின்றி இந்த உணவை சாப்பிடும் நிலைக்கு உள்ளாக்கப்பட்டார்கள். சீன அதிபர் இறுதிநாள் நிகழ்வு விருந்தைப் புறக்கணித்து விட்டார். இப்போது மக்கள் பயன்படுத்தும் நுகர் பொருள்களிலும் சைவம், அசைவம் என்ற பாகுபாடுகளை ஒன்றிய ஆட்சி திணித்திருக்கிறது. சோப்பு, ஷாம்பூ உள்ளிட்ட பொருட்களில் சைவம், அசைவம் குறியீடு பதிக்கும் வகையில், ‘பேக்கேஜிங்’ விதிகளில் மத்திய அரசு திருத்தம் கொண்டு வந்துள்ளது. உணவுப் பொருட்களின் பாக்கெட்களில் சைவம் என்றால் பச்சை நிறமும்,...

ஓராண்டு காலமாய்க் காத்திருந்த ஆவணப் புதையல் வெளிவந்துவிட்டது! கழகத் தலைவர் “கொளத்தூர் மணி எழுத்தும் பேச்சும்” முதல் தொகுதி 608 பக்கங்கள் இரண்டாம் தொகுதி 680 பக்கங்கள் இரு தொகுதிகளும் சேர்த்து விலை ரூ.1000. கழகத் தலைவர் கொளத்தூர் மணி எழுதிய கட்டுரைகள், நேர்காணல்கள், பிற நூல்களுக்கு எழுதிய அணிந்துரைகள், இயக்கக் கூட்டங்கள், மாநாடுகள், கருத்தரங்கங்களில் ஆற்றிய உரைகள், ஆகியவற்றைத் தொகுத்து இருபெரும் தொகுதிகளாக மிகச்சிறப்பாக, மிகத்தரமாக, நேர்த்தியாக, நன்செய் பதிப்பகம் வெளியிட்டுள்ளது. கழக இணையதளப் பொறுப்பாளர் விஜயகுமார் இத்தொகுதிகளை தொகுத்து வழங்கியிருக்கிறார். நூல் தேவைக்கு: 9566331195 என்ற என்ணைத் தொடர்பு கொள்ளவும். பெரியார் முழக்கம் இதழ் 01102026

திமுக ஆட்சியில் கொண்டு வரப்பட்ட ஜாதிப் பெயர் நீக்க ஆணையை எதிர்த்து தொடரப்பட்ட வழக்கை மதுரை உயர்நீதிமன்றக் கிளை தள்ளுபடி செய்துள்ளது. மனதளவில் ஜாதிப் பெயர்களைத் தக்கவைத்துள்ளோரின் மனதில் தான் குழப்பம் உள்ளது. தெருக்களில் ஜாதிப்பெயர்களை நீக்கும் அரசாணை சமூகநீதி மாற்றத்திற்கு மிகவும் பொருத்தமானது எனக் கூறியுள்ள உயர்நீதிமன்ற மதுரைக் கிளை, அரசாணையை எதிர்த்த மனுவை தள்ளுபடி செய்தது. மதுரையைச் சேர்ந்த பரமசிவம், உயர்நீதிமன்ற மதுரைக் கிளையில் கடந்தாண்டு தாக்கல் செய்த மனுவில், ‘‘தமிழ்நாட்டில் உள்ள குடியிருப்புகள், தெருக்கள், சாலைகள், நீர் நிலைகளுக்கு வைக்கப்பட்டுள்ள ஜாதிப் பெயர்களை நீக்குவதற்கான வழிகாட்டு நெறிமுறைகள் உருவாக்கி தமிழக அரசு அரசாணை வெளியிட்டுள்ளது. இதன்படி, கிராமங்கள், குடியிருப்புகள், தெருக்கள், சாலைகள், நீர் நிலைகளுக்கு உள்ள ஜாதிப் பெயர்களை நீக்கி அரசாணையும் வெளியிடப்பட்டது. ஆதி திராவிடர் காலனி, வண்ணான்குளம் போன்ற ஜாதிப்பெயர்களை நீக்குதல், புதிய பெயரிடும் பணிகளை 2025 நவம்பர் 19ம் தேதிக்குள் முடிக்க வேண்டுமெனவும் அதில்...

இளைஞர்கள் மற்றும் மகளிர் படை சூழ, எழுச்சியுடன் பெரியார் பிறந்தநாள் விழா நடைபெற்றது. காலை 9 மணிக்கு தொடங்கி மாலை 6 மணி வரை தொடர் நிகழ்ச்சிகள் நடைபெற்றன. முதல் நிகழ்வாக இயக்கத்தின் 15 ஆம் ஆண்டை குறிக்கும் வகையில் பெரியார் உருவம் பொறித்த பேட்ச் அணிந்து நடைபேரணி தொடங்கியது. இந்த பேரணியில் கழகத் தோழர்கள் திரளாக கலந்து கொண்டு கொள்கை முழக்கங்களை எழுப்பினர். தந்தை பெரியார் சிலைக்கு சேலம் கிழக்கு மாவட்டத் தலைவர் சக்திவேல் தலைமையில் மாலை அணிவித்தனர். கழகத் தோழர்கள் அனைவரும் சமூக நீதி நாள் உறுதிமொழி எடுத்தனர். மாவட்ட இளைஞரணி அமைப்பாளர் தங்கதுரை தலைமையில் கழக வெளியீடுகளான ’தடை அதை உடை’ என்ற தலைப்பில் – 300 புத்தகங்கள், ’பேய் – பில்லி-சூனியம் -ஜாதகம்- தீ மிதித்தல்’ 200, கழகத் தலைவர் கொளத்தூர் மணி எழுதிய ’EWS இட ஒதுக்கீடு 68 ஆண்டுகள் கழித்து வஞ்சம் தீர்த்த...

தந்தை பெரியாரும் GenZ இளைஞர்களும் என்ற தலைப்பில் கோவை மாவட்ட கழகம் சார்பில் 19.09.2026 அன்று மாலை 5.00 மணி அளவில் கோவை ஆர்.எஸ்.புரம் பகுதியில் உள்ள திருமூர்த்தி லே அவுட்டில் கருத்தரங்கம் நடைபெற்றது. கோவை மாநகர அமைப்பாளர் நவீன்குமார் தலைமை வகித்தார். கோவை மாநகரத் துணைத் தலைவர் சக்தியமூர்த்தி வரவேற்புரையாற்றினார். சவுந்தர்யா, நிலவழகன், கதிரவன், சுதர்சன், அப்ரித் ஆகிய தோழர்கள் முன்னிலை வகித்தனர். அன்னூர் விஷ்ணு பேசுகையில், GenZ இளைஞர்களுக்கும் தமிழ்நாட்டு அரசியலுக்கும் ஒரு நெடிய தொடர்பு இருக்கிறது. பேரறிஞர் அண்ணா, தலைவர் கலைஞர், வாளாடி பெரியசாமி உள்ளிட்ட தலைவர்கள் எல்லாம் தன்னுடைய மாணவர் பருவத்திலேயே பொது வாழ்விற்கு வந்தவர்கள். தன்னை தமிழ்ச் சமுதாயத்தின் முன்னேற்றத்திற்காக ஒப்படைத்துக் கொண்ட மகத்தான GenZ இளைஞர்கள்தான். இவர்களை இளைஞர்களாகிய நம்மோடு இணைத்தவர் தலைவர் தந்தை பெரியார் என்பதையும் விரிவாகப் பேசினார். எழுத்தாளர் பாமரன் பேசுகையில் இளைய தலைமுறை இளைஞர்கள் அரசியல் தெளிவு இல்லாமல்...

குமாரபாளையத்தில் இருசக்கர வாகனப் பேரணியாகச் சென்று அரசு அலுவலகங்களில் இனிப்புடன் கூடிய வாழ்த்து அட்டை வழங்கினர். இருசக்கர வாகன ஊர்வலம் குமாரபாளையம் காவேரி நகரில் தலைமைக் குழு உறுப்பினர் கேப்டன்.அண்ணாதுரை தலைமையில் மாவட்டச் செயலாளர் மு.சரவணன், மாவட்ட அமைப்பாளர் அ.முத்துப்பாண்டி, மாவட்டத் தலைவர் மு.சாமிநாதன் முன்னிலையில் நடைபெற்றது. நகரச் செயலாளர் சே.வடிவேல் தலைமை ஏற்க நகரத் தலைவர் மீ.தா தண்டபாணி இருசக்கர வாகனப் பேரணியை துவக்கி வைத்தார். குமராபாளையம் பேருந்து நிலையத்தில் பெரியார் படத்தை திறந்து வைத்தார். ஆட்டோ நிறுத்தத்தில் கலை.கார்த்தி பெரியார் படத்தை திறந்து வைத்து இனிப்பு வழங்க தோழர்கள் முழக்கமிட்டனர். அனைவருக்கும் வாழ்த்து அட்டையும் இனிப்பும் வழங்கப்பட்டது. காவல் நிலையம் சென்று அங்குள்ள அனைவருக்கும் வாழ்த்து அட்டை வழங்கினர். நகராட்சி அலுவலகம் எதிரில் நகரத் தலைவர் செல்வி ஜெராக்ஸ் கடையில் பெரியார் படத்தைத் திறந்து வைத்து, ரேணுகா (திமுக) மாலை அணிவித்தார். தாசில்தார் அலுவலகம் அருகில் உள்ள அறிஞர்...

சென்னை: மாவட்டக் கழகத்தின் சார்பில் செப்டம்பர் 17 – 2026 தந்தை பெரியார் பிறந்த நாளை முன்னிட்டு ராயப்பேட்டை பத்ரி நாராயணன் நினைவு பெரியார் படிப்பகத்தில் உள்ள பெரியார் சிலைக்கு கழக பொதுச்செயலாளர் விடுதலை ராசேந்திரன், தலைமையில் மாலை அணிவித்து மரியாதை செய்யப்பட்டது. தொடர்ந்து அண்ணா சாலையில் உள்ள பெரியார் சிலைக்கு மாலை அணிவிக்கப்பட்டது. நங்கநல்லூர், மயிலாப்பூர், சேத்துப்பட்டு, தியாகராய நகர், கலைஞர் கருணாநிதி நகர் ஆகிய இடங்களில் பெரியார் சிலைகளுக்கு சென்னை மாவட்டக் கழகத் தோழர்கள் மாலை அணிவித்தனர். சூளைமேடு, பச்சையப்பாஸ் கல்லூரியின் பின்புறத்தில், வடசென்னை மாவட்ட துணைச் செயலாளர் ஆ.வ. வேலுவின் முயற்சியில் கழகக் கொடிக்கம்பம் அமைக்கப்பட்டது. சென்னை மாவட்டச் செயலாளர் இரா. உமாபதி கொடியேற்றினார். தோழர்களுக்கு மதிய உணவும் ஏற்பாடு செய்யப்பட்டது. தலைமை நிலையச் செயலாளர் தபசி குமரன், சென்னை மாவட்டச் செயலாளர் இரா. உமாபதி, மாவட்டத் தலைவர்கள் மா. வேழ வேந்தன் – சேத்துப்பட்டு இராசேந்திரன்,...

கழகத் தலைமைக்குழு உறுப்பினர் நா.இளையராசா ‘அர்பன் குடில்’ கட்டுமான நிறுவனத்தின் சார்பாக கழக ஏட்டுக்கு ரூ.10,000 நன்கொடையாக வழங்கியுள்ளார். ஈரோடு கணகுறிஞ்சி பெரியார் பிறந்தநாள் முன்னிட்டு ரூ.2000 நன்கொடை வழங்கியுள்ளார். நன்றியுடன் பெற்றுக் கொண்டோம் (ஆசிரியர்).

ஊழல் ஒழிப்பு பேசும் விஜய் கட்சி, மாபெரும் அரசியல் ஊழலை முன்வைத்து மதுராந்தகம் தாராபுரம் இடைத்தேர்தலில் வாக்கு கேட்கிறது. கடந்த தேர்தலில் விசில் சின்னத்தை எதிர்த்து இரட்டை இலைக்கு வாக்கு கேட்டவர்கள் இப்போது அதே மக்களிடம் வந்து விசில் சின்னத்திற்கு வாக்கு கேட்கிறார்கள். இது வாக்களித்த மக்களுக்கு இழைக்கின்ற மாபெரும் துரோகம் என்று நாம் கூறவில்லை; உயர்நீதிமன்றமே பொறுக்க முடியாமல் மனம் திறந்து கூறியிருக்கிறது. கூறியது உயர்நீதிமன்றம் என்பதால் இது திமுகவின் சதி என்று கூற முடியவில்லையே என்று கலங்கி நிற்கிறார்கள் விஜய் பிரச்சார பீரங்கிகள். கடந்த தேர்தலில் நாட்டில் அன்றாடம் நடக்கும் வன்முறைகளை எல்லாம் திமுக ஆட்சியின் மீது பழி போட்டு சட்டம் ஒழுங்கு சீர்குலைந்து விட்டதாக மேடை தோறும் முழங்கினார் விஜய். இப்போது வன்முறைகள் பன்மடங்கு அதிகரித்த நிலையில் பதில் கூற முடியவில்லை. மீனவர்கள் பகுதியில் கல்வி நிறுவனங்கள் மக்கள் குடியிருப்புகள் நெருக்கமாக இருப்பதை எல்லாம் கவனத்தில் கொள்ளாமல்...