Author: admin

தோழர்களுக்கு வணக்கம்! முதல் செய்தி 23.04.2017 அன்று காவல்துறையினரின் அனுமதி மறுப்பால் கொளத்தூர், பெரியார் படிப்பகத்தில் நடைபெறுவதாக இருந்த மாட்டுக்கறி விருந்து ஒத்திவைக்கப்பட்டுள்ளது என்பதாகும். நீதிமன்றத்தை அணுகி உடனடியாக அனுமதி பெறுவதற்குப் போதிய கால இடைவெளி இல்லாத காரணத்தால் பின்னொரு தேதிக்கு அனுமதிபெற்று சிறப்பாக நடத்திக் கொள்ளலாம். மாட்டுக்கறி விருந்து கொளத்தூரில் நடந்தால் ஈரோட்டில் பெரியார் சிலைக்கு “ஏதோ” மாலை அணிவிக்க உள்ளதாக சில இந்து இயக்கங்கள் அறிவித்திருக்கிறார்கள். அவ்வாறு “மாலை மரியாதை” செய்ய வருவோருக்கு “நல்ல முறையில்” வரவேற்பளித்து, உரிய பதில் மரியாதை அளிக்க வேண்டியது நமது கடமையாகும். எனவே, மாட்டுக்கறி (அவர்கள் மொழியில், பசு மாமிசம்) விருந்தினை, அவர்கள் (இந்து இயக்கங்கள்) வசதிக்காகவும், அவர்கள் ஈரோடு பெரியார் சிலைக்கு மாலை அணிவிக்க வரும்பொழுது சிறு காலதாமதமும் இன்றி வரவேற்று, பதில் மரியாதை செய்வதற்கு வாய்ப்பாகவும், 30-4-2017 அல்லது 1-5-2017 அன்று நண்பகல் ஈரோட்டில் ”பெரியார் மன்றத்தில்” அல்லது அருகாமையில்...

தருமபுரி மாவட்டத்தில் திவ்யா-இளவரசன் என்ற வெவ்வேறு ஜாதியை சார்ந்தவர்கள் ஜாதி மறுப்புத் திருமணம் செய்துகொண்டதால், நத்தம், அண்ணாநகர், நாய்க்கன் கொட்டாய் ஆகிய பகுதிகளில் தாழ்த்தப்பட்டோர் குடி யிருப்புகள் தீயிட்டு எரிக்கப்பட்டன. அதன் பிறகும் பிரியாமல் வாழ்ந்து வந்த ஜாதி மறுப்பு இணையர் பல்வேறு சிக்கல்களை சந்தித்து வந்தனர்; ஜாதி வெறியர்களின் மிரட்டல்களால் திவ்யா தனது தாயாருடன் சென்றார். இறுதியில் 4-7-2013 அன்று இளவரசனின் உடல் இரயில் தண்டவாளத்தில் இருந்து எடுக்கப்பட்டுள்ளது. இளவரசன் சாவுக்குக் காரணமான ஜாதி வெறியர்களைக் கண்டித்து, 07-07-2013 ஞாயிற்றுக்கிழமை அன்று பிற்பகல் 3-00 மணியளவில், திருப்பூர் மாவட்டம் பல்லடம் பேருந்து நிலையம் எதிரில், திராவிடர் விடுதலைக் கழகம் சார்பாக கண்டன ஆர்பாட்டம் நடைபெற்றது.  கழக செயலவைத் தலைவர் திருப்பூர் துரைசாமி தலைமையிலும், கோவை மண்டல அமைப்புச் செயலாளர் பல்லடம் விசயன் முன்னிலை யிலும் நடத்தப்பட்ட இந்த கண்டன ஆர்பாட்டத்தில் கழகத் தலைவர் கொளத்தூர் மணி கண்டன உரையாற்றினார். “ஜாதி...

வினா:               பகுஜன் சமாஜ் கட்சி சார்பில் மாயாவதி, ‘பிராமணர்கள்’ மாநாடு நடத்தினார்!        – செய்தி விடை: மகிழ்ச்சி; தலித் மக்களுக்காக ‘பிரா மணர்கள்’ எப்போது மாநாடு நடத்தப் போகிறார்கள்? வினா: சென்னை செங் குன்றத்தில் இலவசமாக வழங்கப்பட வேண்டிய ஆடுகள் நீண்ட தூரம் பயணித்ததால் இறந்து விட்டன.            – செய்தி விடை: ஹெலிகாப்டரில் அழைத்து வந்திருக்கக் கூடாதா? வினா: இளவரசன் உடல் ‘போஸ்ட் மார்ட்டம் செய்யப்பட்டு அது வீடியோ படமாக்கப் பட்டது.   – செய்தி விடை: அதில், ஜாதி அடையாளம் இருந்ததா, டாக்டர்? வினா: ராஜீவ்-ஜெய வர்த்தனா ஒப்பந்தப்படி தமிழர்களுக்கு வழங்கப் பட்ட உரிமைகளை பறிக்க இலங்கை அரசு முடிவு.                     – செய்தி விடை:தமிழர்களின் உரிமை களை மட்டுமா? ஒப்பந்தம் போட்ட இந்தி யாவின் மானத்தையும் சேர்த்துத்தான்! வினா: தேர்தல் அறிக்கை யில் இலவசங்களை வழங்குவதாக உறுதி யளிப்பது, நேர்மை யான, சுதந்திரமான தேர்தல்கள் நடப்பதை கேள்விக்குரியாக்கிவிடும்....

1932 ஆம் ஆண்டில் பெரியார் முன் வைத்தது சுயமரியாதை – சமதர்மத் திட்டம். இன்று அதே கோரிக்கைகளை திராவிடர் விடுதலைக் கழகம் சமுதாயத்தின் தேவை கருதி முன்னெடுக்கிறது. முதல் கட்டமாக 24.7.13 இல் மயிலாடுதுறையில் தொடங்கி 20 நாட்கள் 20 மாவட்டங்களில் பரப்புரையில் ஈடுபட்டு, 12.8.13இல் திராவிடர் விடுதலைக் கழகத்தின் இரண்டாம் ஆண்டு தொடக்க நாளில் புதுச்சேரியில் நிறைவடைகிறது. சுயமரியாதை நோக்கில்… மக்களின் சுயமரியாதையை அவமதித்து அவர்களை பார்ப்பனியத்துக்கு அடிமைப்படுத்தும் பார்ப்பனிய திருமணம், பார்ப்பனர்கள் திணித்த சடங்குகள், பார்ப்பன வழிபாட்டு முறைகள் முதலியவற்றை சுயமரியாதை உணர்வோடு புறந்தள்ள வேண்டும்! கோவில் கருவறையில் பார்ப்பனரல்லாதோர் பூஜை செய்தால் சாமி தீட்டாகிவிடும் என்ற கருவறைத் தீண்டாமை ஒழிக்கப்பட வேண்டும்! ஜாதி மறுப்புத் திருமணங்கள் அதிகரிக்க வேண்டும்! ஜாதி மறுப்பு இணையரின் குழந்iதைகளுக்கு ‘ஜாதியற்றோர்’ (சூடி ஊயளவந ணுரடிவய) ஒதுக்கீடு வழங்க வேண்டும்! ஜாதி – தீண்டாமைக் கொடுமைகள் எந்த வடிவில் இருந்தாலும் எதிர்த்து அகற்றப்பட...

06-07-2013 சனிக்கிழமை மாலை 6-00 மணியவில் தஞ்சை மாவட்டம் கும்பகோணம் மகாமகக் குளக்கரை யில், தமிழ்நாடு மக்கள் கட்சி சார்பாக ஒற்றுமை விழா பொதுக்கூட்டம் நடைபெற்றது. தமிழ்நாடு மக்கள் கட்சி, அனைத்து தமிழக பெண்கள் கழகம், தமிழக இளைஞர் கழகம், அம்பேத்கர் ஜனநாயக இளைஞர் கழகம் ஆகிய அமைப்புகளை ஒருங் கிணைத்து நடத்திய இந்த பொதுக் கூட்டத்தில் திராவிடர் விடுதலைக் கழகத் தலைவர் கொளத்தூர் மணி கலந்து கொண்டு வாழ்த்துரை வழங்கினார். பல்லடத்தில் கழகத் தோழர் மணவிழா கோவை மாவட்டம் சூலூர் அருகே உள்ள கண்ணம்பாளையம் பகுதி கழகத் தோழர் அ.வெ.நாரா யணமூர்த்தி-செ.தீபா ஆகியோரது வாழ்க்கைத் துணை ஏற்பு விழா 07-07-2013 ஞாயிற்றுக்கிழமை அன்று காலை 11-00 மணியளவில் பல்லடம் ஜி.ஆர்.ஆர் திருமண மண்டபத்தில் நடைபெற்றது. திராவிடர் விடுதலைக் கழகத் தலைவர் கொளத்தூர் மணி திருமணத்தை நடத்தி வைத்து சிறப்புரை ஆற்றினார். காஞ்சியில் சமூகநீதிப் பேரவை நடத்திய வி.பி.சிங் பிறந்த நாள்...

02.06.13 ஞாயிற்றுக்கிழமை காலை 11 மணியளவில் ஒட்டன் சத்திரத்தில் மதுரை மண்டலப் பொறுப்பாளர்களின்  கலந்துரை யாடல் கூட்டம் நடைபெற்றது. அமைப்புச் செயலாளர் தி.தாமரைக் கண்ணன்  தலைமையில் நடைபெற்ற இக்கூட்டத்தில் மதுரை, தேனி,  திண்டுக்கல், சிவகங்கை மாவட்டத் தோழர்கள் பங்கேற்றனர். ஜூன் 3 ஆம் வாரத்தில் மதுரை மண்டலப் பொறுப்பாளர்களுக்கான ஒரு நாள் பயிற்சிவகுப்பை பழனியில் நடத்துவது எனவும், ஆகஸ்ட் 3 ஆம் வாரத்தில் தொடர்ச்சியாக 15 நாட்கள் கிராமப்புறப் பிரச்சாரப் பயணம் நடத்துவது எனவும் முடிவு செய்யப்பட்டது. சுயமரியாதை கலைபண்பாட்டுக் கழகத்தின்  மதுரை மண்டல அமைப் பாளராக செம்பட்டி மு.இராஜாவும், சு.க.ப.க. திண்டுக்கல் மாவட்ட அமைப்பாளராக பீட்டர் அந்தோணிராஜும், சிவகங்கை சு.க.ப.க மாவட்ட அமைப்பாளராக தோழர் இளங்கோவும், திராவிடர் விடுதலைக்கழகத்தின்  சிவகங்கை மாவட்ட அமைப்பாளராக தோழர் முத்துக்குமாரும் தேர்ந்தெடுக்கப் பட்டனர். பெரியார் முழக்கம் 18072013 இதழ்

அடேங்கப்பா! இது உண்மை தானா? என்று மூக்கில் மீது விரலை வைக்க வேண்டியிருக்கிறது.  எந்த ஆண்டும் இல்லாத அளவுக்கு சென்னை நகரில் திரும்புமிடமெல் லாம் இந்த ஆண்டு காமராசர் பிறந்த நாள் விழா சுவரொட்டிகள்; வண்ணப் பதாகைகள்! அத்தனையும் ஒட்டியது காங்கிரசுக்காரர்கள்தான்! காமராசர் பெயர் படங்களோடு ஒட்டிய பிரமுகர் களின் பெயர்கள்! ‘உயிரே’ என்கிறார் ஒருவர்; தலைவரே என்கிறார் மற்றொருவர்! ‘தெய்வமே’ என்கிறார், இன்னொருவர்! ‘சபதமேற்கிறோம்’ என்கிறார், இன்னொரு தலைவர்! காமராசர் நூற்றாண்டு சில ஆண்டு களுக்கு முன்பு வந்தது. அப்போது தமிழ்நாடு காங்கிரஸ் கட்சி சார்பில் அதிகாரபூர்வமாக ஒரு விழாக்கூட இவர்கள் நடத்த முன்வரவில்லையே என்று நாம் கேட்க வரவில்லை. கேட்டால் ‘போடா தேசத் துரோகி’ என்று தூற்றுவார்கள்! (அப்போது நமது இயக்கம் தான் பல ஊர்களில் காமராசர் விழாக்களை நடத்தியது) இப்போது போட்டிப் போட்டுக் கொண்டு சுவரொட்டிகள் வருவதற்கு என்ன காரணம்? எல்லாம் வரப் போகிற நாடாளுமன்றத் தேர்தல்தான்!...

அலகாபாத் உயர்நீதிமன்றம், அரசியல் கட்சிகள் நடத்தும் ஜாதிப் பேரணிகளுக்கு தடை விதித்துள்ளது. பார்ப்பன  ஆதிக்க ஜாதிகள் பேரணி நடத்துவதும், தாழ்த்தப்பட்டோர் ஒடுக்கப்பட்டோர் பேரணி நடத்துவதும் வேறு வேறானது. முன்னது ஜாதி ஆதிக்கப் பேரணி; பின்னது உரிமைகளுக்கான பேரணி. எப்படி ஏழ்மை ஒழிப்பு என்பது ஏழைகளின் ஒழிப்பாகிவிடக் கூடாதோ, அதேபோல் ஜாதி ஒழிப்பு என்பதும் ஒடுக்கப்பட்ட மக்களின் உரிமை ஒழிப்பாகிவிடக் கூடாது. உ.பி.யில் மாயாவதியின் பகுஜன் சமாஜ் கட்சி, பார்ப்பனர்களுக்காக மாவட்டந்தோறும் மாநாடுகளை நடத்தி இறுதியில் மாநில மாநாட்டை லக்னோவில் நடத்தியுள்ளது. பார்ப்பனர்கள் தங்களின் ‘ஜாதித் திமிர்’ அடையாளங்களோடு விபூதி, நாமம், பூணூல் கோலங்களோடு பஜனைப் பாடல்களைப் பாடிக் கொண்டு மாநாட்டுக்கு திரண்டதாக செய்திகள் கூறுகின்றன.  மாநாட்டில் 2014 நாடாளுமன்றத் தேர்தலில் உ.பி.யில் 21 நாடாளு மன்றத் தொகுதிகளுக்கான பார்ப்பன வேட்பாளர்கள் பட்டியலையும் அறிவித்துள்ளார். ஒரு குறிப்பிட்ட சாதிப் பிரிவுக்கு இவ்வளவு அதிக எண்ணிக்கையில் வேட்பாளர் அறிவிக்கப்பட்டிருப்பது இதுவே முதல்முறை. சமாஜ்வாடிக் கட்சியைச்...

வினா: கூடங்குளம் அணு மின் நிலைய கழிவுகள் பிரான்சு, ரஷ்ய நாட்டுத் தொழில் நுட்பத்தில் வெளியேற்றப்படு வதால் கடல் வாழ் உயிரினங் களுக்கு பாதிப்பு ஏற்படாது.- அணுசக்திக் கழக முன்னாள் தலைவர் சீனிவாசன் விடை: அப்படியா? கடல் வாழ் உயிரினங்களுக்கு பேரிடர் பாதுகாப்புப் பயிற்சிகளை ஏற்கனவே கொடுத்து விட்டீர்களா? வினா: நெய்வேலி நிலக்கரி நிறு வனத்தின் 5 சதவீத பங்குகளை தனியாருக்கு விற்காமல், தமிழக அரசுக்கே ரூ.500 கோடிக்கு விற்க ‘செபி’ ஒப்புதல் – செய்தி விடை: அதேபோல், தமிழ் நாட்டின் வளங்களையும் தொழிலையும் தனியாருக்கு விற்காமல், தமிழ்நாட்டுக்கே விற்பதற்கு என்ன விலை தர வேண்டும்? வினா: ஒன்றுபட்ட இந்தியா வேண்டுமா? அல்லது பிரிவினைவாத இந்தியா  வேண்டுமா என்பதை மக்கள் தான் முடிவு செய்ய வேண்டும்.   – அஜய் மக்கான் (காங்கிரஸ் பொதுச் செயலாளர்) விடை: அப்படியானால், மக்களுக் கான இந்தியாவை யார் முடிவு செய்வது, சார்? வினா: தந்தி...

சென்னையிலுள்ள டாக்டர் எம்.ஜி.ஆர். ஜானகி கல்லூரியின் நாட்டியத் துறை கருத்தரங்கம், நாட்டிய செயல்முறை நிகழ்ச்சி ஒன்றை நடத்தப் போவதாக அறிவிப்பு வெளி வந்துள்ளது. இதற்கான தலைப்பு ‘தேவதாசி மரபும் பரதநாட்டியமும்’ என்ப தாகும். சொர்ணமாலயா என்ற பார்ப்பனப் பெண் இதை நடத்து கிறாராம்! பெண்களை கோயிலுக்கு ‘பொட்டுக் கட்டி’ விடும் தேவதாசி இழிவு, சட்டப்படி ஒழிக்கப்பட்டு விட்டப் பிறகு, அதில் ஏதோ பெருமை மிக்க மரபுகள் இருப்பது போலவும், பரத கலையோடு தேவதாசி முறைக்கு தொடர்புகள் தொடருவது போலவும் கருத்தரங்குகள் நடத்தப்படுவது பச்சைப் பார்ப்பனியப் போக்கையே காட்டுகிறது. ஒரு சமூகத்துப் பெண்களை இழிவுபடுத்திய முறையை மரபுப் பெருமையாக்கி விவாதிப்பது வன்மையான கண்டனத்துக்குரியது. பார்ப்பனப் பெண்களை நிர்வாண மாக ஓடவிட்டு, அவர்கள் ஓடும் தூரம் வரை நிலத்தை தானமாக வழங்கும் ‘கண்ணாடி மான்யம்’ என்ற முறைகூட இந்த நாட்டில் இருந்தது. அதன் மரபுப் பெருமைக்கு கருத்தரங்கம் நடத்துவார்களா? ‘உடன்கட்டை’ இருந்தது என்பதற் காக...

இந்திய அணுசக்தி ஒழுங்குமுறை ஆணையத் தின் முன்னாள் தலைவர் கோபாலகிருட்டிணன், அணுமின் உற்பத்திக்கு அவர் எதிரானவர் அல்ல; ஆனாலும், கூடங்குளம் மின் திட்டத்தில் ஆபத்துகள் சூழ்ந்திருப்பதை அவர் சுட்டிக்காட்டி எச்சரித்து வருகிறார். ஒரு விஞ்ஞானியின் இந்த ‘அபாய அறிவிப்பை’ திட்ட ஆதரவாளர்களும் ஆட்சியாளர்களும் அலட்சியப்படுத்தி வரு கிறார்கள். ‘இந்தியன் எக்ஸ்பிரஸ்’ நாளேடு கடந்த வாரம் கோபாலகிருட்டிணன் அவர்களின் நீண்ட கட்டுரையை வெளியிட்டிருந்தது. அதில், அவர் கூறியுள்ள பல்வேறு கருத்துகளில் முக்கியமான ஒன்றை சுட்டிக் காட்ட வேண்டும். கூடங்குளம் அணுமின் திட்டத்துக்கு கருவிகளை வழங்கியது ரஷ்ய நிறுவனத்தின் அதிகாரி ஒருவர், 2012 பிப்ரவரியில் கைது செய்து சிறையில் அடைக்கப்பட்டுள்ளார். அவரின் பெயர் செர்ஜிஷடோல்வ். அவரைக் கைது செய்தது ரஷ்யாவின் பாதுகாப்புத் துறை. குற்றச்சாட்டு என்ன தெரியுமா? அணுமின் திட்டத்துக்குத் தேவையான மூலப் பொருள்களை மலிவான விலையில் தரக் குறைவாக வாங்கி, தரம் கொண்டதாக ஏமாற்றி, அதிக விலை நிர்ணயித்து, விலை வித்தியாசத்தை அந்த...

மேட்டூர் கழக ஆதரவாளரும், பெரியார்-அம்பேத்கர் கொள்கைப் பற்றாளருமான ஓய்வுப் பெற்ற துணை ஆட்சியர் இரா.கு.பால கிருட்டிணன் அவர்களின் மகன் பா.ஜெகன்-தே.கா.சுகன்யா ஆகியோர் வாழ்க்கைத் துணை நல ஒப்பந்த நிகழ்வு 14.7.2013 அன்று காலை 8.30 மணியளவில்  சேலம் ஏற்காட்டில் வெங்கடேசுவரா திருமண மண்டபத்தில் நடை பெற்றது. பாவலர் எழுஞாயிறு தலைமையில் கழகப் பொதுச்செயலாளர் விடுதலை இராசேந்திரன் மண விழாவை நடத்தி வைத்தார். மருத்துவர் ஆர்.மோகன், சமூக ஆர்வலர் பொறியாளர் அரிஅரன், பகுத்தறிவாளர் அ.தனபாலன் உள்ளிட்ட பலரும் வாழ்த்துரை வழங்கினர். மணமக்கள் சார்பாக கழக ஏட்டுக்கு ரூ.5000 நன்கொடை வழங்கப்பட்டது. நன்றியுடன் பெற்றுக் கொண்டோம். (ஆர்) பெரியார் முழக்கம் 25072013 இதழ்

‘அனைத்து சாதியினரும் அர்ச்சகர் ஆகும் உரிமை வேண்டும்’ என்பது ஏதோ அர்ச்சகர் வேலைக்கான போராட்டமாக குறைத்து மதிப்பிடு வது சமூகப் பார்வையின் கோணல்புத்தியே ஆகும். அனைத்து சாதியினரும் – பார்ப்பன ஆதிக்க ஜாதி குடியிருப்பு வீதிகளில் நடக்கும் உரிமை கோரியபோது இது நடைப்பயிற்சிக்கான போராட்டம் என்று கேலி செய்வதுபோல் பார்ப்பனர்கள் இந்த உரிமைப் போராட்டத்தையும் கேலி செய்கிறார்கள். ஜாதியின் மய்யமான உயிர்ப் புள்ளி கோயிலின் கர்ப்பகிரகத்துக்குள் இருக்கும் பார்ப்பன ஆதிக்கத்தில் அடங்கியிருக்கிறது என்ற உண்மையை சமூக விஞ்ஞானியான தந்தை பெரியார் கண்டறிந்தார். அதற்காக தனது வாழ்க்கையின் இறுதி காலத்தில் போராட்டக் களம் அமைத்தார். இதே கோரிக்கையை ஏற்று தி.மு.க. ஆட்சிக் காலத்தில் தமிழக சட்டமன்றத்தில் தீர்மானமும், பிறகு மீண்டும் தி.மு.க. ஆட்சியில் அரசாணையும் பிறப்பிக்கப்பட்டது. முதல்வர் எம்.ஜி.ஆர். காலத்தில் இதே கோரிக்கையை பரிசீலிக்க நீதிபதி மகராசன் தலைமையில் ஒரு வல்லுனர் குழு அமைக்கப்பட்டு, அக்குழு அனைத்து ஜாதியினரும் அர்ச்சகர் ஆக எந்த...

சென்னை மண்டல திராவிடர் விடுதலைக் கழகத் தோழர்களுக்கு பெரியாரியல் அடிப்படைப் பயிற்சி முகாம் 20, 21.7.2013 ஆகிய இரு நாட்களிலும் மாமல்லபுரத்தில் சிறப்புடன் நடந்தது. கிழக்கு கடற்கரைச் சாலையில் இயற்கை எழில் சூழ்ந்த பண்ணை இல்லத்தில் நடந்த இந்த பயிற்சி முகாமில் கழகத்தில் புதிதாக தங்களை இணைத்துக் கொள்ள முன் வந்த 33 இளைஞர்கள் கொள்கைப் பயிற்சி பெற்றனர். இதில் பெண்கள் 5 பேர். முதல் நாள் காலை 8.30 மணியளவில் தோழர்கள் அறிமுகத்தோடு பயிற்சிகள் தொடங்கின. சுயமரி யாதை கலை பண்பாட்டுக் கழகத்தின் சென்னை மாவட்ட பொறுப்பாளர் செல்லையா முத்துசாமி திரைப்படம் இலக்கியம் குறித்த சமூகப் பார்வை என்ற தலைப்பில் முதல் பயிற்சியை அளித்தார். தொடர்ந்து, பொதுச்செயலாளர் விடுதலை இராசேந்திரன், ‘பெரியார் ஓர் அறிமுகம்’ என்ற தலைப்பில் பயிற்சியளித்தார். தேனீர் இடை வேளைக்குப் பிறகு உடுமலை தமிழ்ச்செல்வன் ‘திராவிடர் இயக்க முன்னோடிகள்’ என்ற தலைப்பில் ‘ஒளித்திரை’யுடன் (பவர் பாயின்ட்) சமூக...

வினா: நரேந்திர மோடிக்கு அமெரிக்கா ‘விசா’ வழங்க வேண்டும்.     – பாரதிய ஜனதா தலைவர்  ராஜ்நாத் சிங் விடை: இந்துக்கள் கடல் தாண்டுவது பாவம் என்று சாஸ்திரம் கூறுவதை, மீறலாமா, ராஜ்நாத்? வினா: வானொலி, தொலைக்காட்சி, பத்திரிகைத் துறையில் அன்னிய முதலீட்டை 49 சதவீதமாக உயர்த்து வது நாட்டின் பாதுகாப்புக்கே அச்சுறுத்தலாகிவிடும்.  – உள்துறை அமைச்சகம் எதிர்ப்பு விடை: அலைபேசி போன்ற தொலை தொடர்புத் துறையில் 100 சதவீத அன்னிய முதலீட்டுக்கு அனுமதித்துள் ளீர்களே! அது பாதுகாப்புக்கு ஆபத்து இல்லையா? பார்ப்பன பத்திரிகைத் துறையில் அன்னிய முதலீடு வந்தால் மட்டும்தான் தேசப் பாதுகாப்புக்கு ஆபத்து வந்து விடுமா? வினா: குடியரசுத் தலைவர் பதவியில் பிரணாப் முகர்ஜி – ஓராண்டு சாதனை.  – தினமலர் செய்தி விடை: உண்மைதான்! கருணை மனுக் களை தள்ளுபடி செய்ததில் மகத்தான சாதனை புரிந்துள்ளார்! வினா: செவ்வாய் கிரகத்தை ஆராய செயற்கைக் கோளை அனுப்ப இருக்கிறோம். பெருமைக்காக...

வினா: ஹன்சிகாவை காதலிக்கிறேன், எங்கள் திருமணம் நிச்சயம். – நடிகர் சிம்பு அறிவிப்பு விடை : ஒன்றும் பிரச்சினை இல்லை. இது சினிமா திருமணம்தான் – நாடகத் திருமணம் என்றால் தான் எதிர்ப்பு வரும்! வினா : சுதந்திரம் பெற்று 60 ஆண்டுகளாகியும் கொத்தடிமைகள் ஒழிப்புக்கு சட்டம் வந்து, 30 ஆண்டுகள் ஆகியும் இன்னும் கொத் தடிமை ஒழியவில்லையே.  – உயர்நீதிமன்ற தலைமை நீதிபதி அகர்வால் வேதனை விடை : கொத்தடிமைகள், கொத்தடிமை களாகவே வாழ்வதற்கு சுதந்திரம் வழங்கி யிருக்கிறோமே! இது சாதனையல்லவா! வினா : கிராமப்புறங்களில் ஒரு நாளைக்கு27 ரூபாயும், நகரங்களில் 33 ரூபாயும், சம்பாதிப்பவர்கள் வறுமைக் கோட்டுக்குக் கீழ் வரமாட்டார்கள் என்று திட்டக்குழு கூறியுள்ளது. இவர்கள் என்ன அளவு கோலைப் பயன்படுத்துகிறார்கள் என்பது எனக்கு எப்போதுமே விளங்கு தில்லை. – காங்கிரஸ் செயலாளர் திக் விஜய்சிங் விடை : உங்களுக்கு மட்டுமா? வறுமைக் கோட் டுக்கே விளங்கவில்லை, சார்! வினா...

மயிலாடுதுறையில் தொடங்கிய திராவிடர் விடுதலைக் கழகத்தின் பரப்புரைப் பயணம் – மக்களை சந்தித்து, சாதி எதிர்ப்பு மற்றும் பார்ப்பனியத்தின் சமுதாய பொருளாதார சுரண்டல் கொள்கைகளை விளக்கி வருகிறது. மக்கள் திரண்டு கருத்துகளைக் கேட்கிறார்கள். கழகத் தலைவர், பொதுச் செயலாளர் தோழர்களோடு பயணத்தில் பங்கேற்று வருகிறார்கள். பயணம் பற்றிய செய்தித் தொகுப்பு: திராவிடர் விடுதலைக் கழகம் சார்பாக சுயமரி யாதை சமதர்ம பரப்புரைப் பயணம் 24.07.2013 அன்று மயிலாடுதுறையில் தொடங்கி தொடர்ச்சி யாக 20 நாட்கள் 20 மாவட்டங்கள் வழியாகச் சென்று, தினசரி 2 இடங்களில் தெருமுனைக் கூட்டங்கள் இரவு பொதுக்கூட்டம் என்ற அடிப்படையில் நடைபெற்று வருகிறது. திராவிடர் விடுதலைக் கழகத்தின் இரண்டா மாண்டு தொடக்க நாளான 12.08.2013 அன்று புதுச்சேரி  அரியாங் குப்பத்தில் நிறைவடைய உள்ளது.. 24.07.2013 மாலை 6 மணிக்கு மயிலாடுதுறை சின்னக் கடைத் தெருவில் பறைமுழக்கத்துடன் பரப்புரையின் தொடக்க நிகழ்வுப் பொதுக்கூட்டம் நடைபெற்றது. பார்ப்பனியத்தின் வடிவங்களான பெண்ணடிமை, சாதிய...

சென்னை அய்.அய்.டி. என்ற உயர்கல்வி நிறுவனம் இப்போதுதான் நீண்டகால போராட்டத்துக்குப் பிறகு சி.பி.அய். விசாரணை வரம்புக்குள் கொண்டு வரப்பட்டிருக்கிறது. முழுமையான அதிகாரத்தைக் கையில் எடுத்துக் கொண்டு, பார்ப்பனர்கள் பல்லாயிரம் கோடி பணம் புரளக்கூடிய இந்த நிறுவனத்தில் தங்களுக்கான தனி அரசையே நடத்தி வந்தார்கள். 1997 ஆம் ஆண்டிலிருந்து இந்தப் பார்ப்பன ஆதிக்கத்தை எதிர்த்து, (இணைப்புகளுக்கு முந்தைய) பெரியார் திராவிடர் கழகம் தொடர் போராட்டங்களை நடத்தி, அய்.அய்.டி. சமூக அநீதிகளை அம்பலப்படுத்தி வந்தது. பல்வேறு ஆர்ப்பாட்டங்கள், முற்றுகைப் போராட்டங்கள், விளக்கக் கூட்டங்கள், சுவரொட்டி இயக்கங்கள் நடத்தப்பட்டன. பலமுறை ஆனூர் ஜெகதீசன், விடுதலை இராசேந்திரன் தலைமையில் தோழர்கள் பல முறை கைது செய்யப்பட்டார்கள். சுமார் 160 பேராசிரியர்களிடையே தாழ்த்தப்பட்டவர்களைக் கண்டுபிடிக்க முடியாது. அதிசயமாக இரண்டு பிற்படுத்தப்பட்ட பேராசிரியர்கள் மட்டுமே பணியாற்றி வந்தனர். அதில் ஒருவர், கணிதத் துறையில் இணைப் பேராசிரியரான வசந்தா ஆவார். அய்.அய்.டி. பார்ப்பனர்கள் அத்தனை பேரையும்விட அறிவில் சிறந்த விஞ்ஞானி. சர்வதேச...

தீண்டாமை  வன்கொடுமைகளைத் தடுத்து நிறுத்தாமல் அலட்சியப்படுத்திய காவல்துறை, நிர்வாகத் துறை உயர் அதிகாரிகளை பதவி நீக்கம் செய்து அவர்கள் மீது நடவடிக்கை எடுக்க வேண்டும் என்று திராவிடர் விடுதலைக் கழகம் உயர்நீதிமன்றத்தில் வழக்கு தொடர்ந்துள்ளது. உச்சநீதிமன்றத் தீர்ப்பின் அடிப்படையில் தொடரப்பட்ட இந்த வழக்கை உயர்நீதிமன்றம் ஏற்றுக்கொண்டு, மாவட்ட ஆட்சித் தலைவர், மாவட்ட காவல்துறை அதிகாரி உட்பட அனைத்து உயர் அதிகாரிகளுக்கும் ‘நோட்டீசு’ பிறப்பித்து உயர்நீதிமன்றம் உத்தரவிட் டுள்ளது. திராவிடர் விடுதலைக் கழக கோவை மாநகர மாவட்ட தலைவர் வழக்கறிஞர் என்.பன்னீர் செல்வம், கழக சார்பில் உயர்நீதின்றத்தில் இந்த வழக்கைத் தொடர்ந்துள்ளார். கழகத்தின் முன்னணி அமைப்பான தமிழ்நாடு மாணவர் கழக சார்பில் கோவை மாவட்டம், கிணத்துக்கடவு, பொள்ளாச்சி, காரமடை பகுதிகளில் கள ஆய்வு நடத்தி, தீண்டாமை வன்கொடுமைகளை செயல்படுத்தும் தேனீர்க் கடை, முடிதிருத்தும் கடைகள், பேக்கரிகளைக் கண்டறிந்தது. அந்தக் கடைகளின் பெயர்களும் மனுவில் பட்டியலிடப்பட்டுள்ளது. பொள்ளாச்சி சட்டமன்ற உறுப்பினர் முத்துக் கருப்பண்ணன் வீட்டின்...

சுயமரியாதை சமத்துவ பரப்புரைப் பயணத்தில் கலந்து கொண்டிருக்கும் தோழர்கள் – சொற் பொழிவாளர்கள்: பரப்புரைச் செயலாளர் பால். பிரபாகரன், முனைவர் ஆ.ஜீவானந்தம் வசூல் குழுத் தோழர்கள் – நங்கவள்ளி கிருஷ்ணன், திருப்பூர்சம்பூகன், திருப்பூர் மூர்த்தி, பல்லடம் மணிகண்டன், பல்லடம் செல்வகுமார், ஆண்டிமடம் சிவக்குமார் (தமிழ்நாடு மாணவர் கழகம்) கலைக் குழுத் தோழர்கள் – திருச்சி ஆனந்த் (பயிற்சியாளர்), திருப்பூர் குமார், திருப்பூர் நகுலன், திருப்பூர் பிரசாந்த், திருப்பூர் மணிகண்டன், கோபி அர்ச்சுணன், மதுரை மாப்பிள்ளைச்சாமி  (எ) லெனின், மேட்டூர் முத்து ரத்தினம், மேட்டூர் ரங்கநாதன், மேட்டூர் மூர்த்தி, மேட்டூர் குருநாத். புத்தக விற்பனையாளர் மேட்டூர் முத்து ராஜ்; புகைப்படக் கலைஞர் இளம்பிள்ளை கோகுல கண்ணன்; செய்தியாளர் ஈரோடு சிவக்குமார்; பயண ஒருங்கிணப்பாளர்கள்: திண்டுக்கல் இராவணன், கிளாகுளம் செந்தில் பெரியார் முழக்கம் 08082013 இதழ்

கழகத்தின் சார்பாக ஏப்ரல் 14-இல் நடைபெற்ற மனுசாஸ்திர போராட்டத்தை விளக்கி ஈரோடு வடக்கு மாவட்ட கழகத்தின் சார்பாக அனைத்து ஒன்றிய பகுதிகளிலும் பரப்புரைப் பயணம் நடைபெற்றது. கோபி ஒன்றிய பகுதியில் நடைபெற்ற பரப்புரைப் பயணத்தின்போது கோட்டுபுள்ளாம்பாளையம் பகுதியிலிருந்து புதிய தோழர்கள் கழகத்தில் இணைந்தனர். அவ்வாறு இணைந்த தோழர்களுக்கு கழகத்தின் சார்பாக 30.6.2013 அன்று அளுக்குளி சமுதாயக் கூடத்தில் இயக்க அறிமுக வகுப்பு நடத்தப்பட்டது. ஈரோடு மண்டல செயலாளர் இராம. இளங்கோவன், ‘இயக்கம்-ஓர் அறிமுகம்’ என்ற தலைப்பிலும், இராவணன் ‘பெரியார்-ஓர் அறிமுகம்’ என்கிற தலைப் பிலும் வகுப்பெடுத்தனர். உணவு இடைவேளைக்குப் பின், காவை இளவரசன், தோழர்களுக்கு ‘மூட நம்பிக்கை ஒழிப்பு’ என்கிற தலைப்பில் வகுப்பு எடுத்தார். பயிற்சி வகுப்புக்கான ஏற்பாடுகளை அலங்கியம் ரவி முன்னின்று செய்தார். தோழர்கள் அர்ச்சுனன், துரை, விசய சங்கர் (தமிழ்நாடு அறிவியல் மன்றம்), ஆனந்த ராசு ஆகியோர் வகுப்புகளை ஒருங்கிணைத்தனர்.  நிறைவில் கழகத்தின் செயலவை தலைவர் துரைசாமி, கழகத்தின்...

திராவிடர் விடுதலைக் கழகத்தின் சார்பாக சுயமரியாதை(சமதர்ம) சமத்துவ பரப்புரை 24.07.2013 அன்று மயிலாடுதுறையில் தொடங்கி திராவிடர் விடுதலைக் கழகத்தின் இரண்டாமாண்டு தொடக்க நாளான  12.08.2013  அன்று புதுச்சேரியில் முடிகிறது. இதற்கான முன்னேற்பாடுகளைச் செய்வதற்காகவும், பரப்புரை பயணம் செல்லும் வழியில் உள்ள மண்டல, மாவட்ட பொறுப்பாளர்களைச் சந்தித்து பயண ஏற்பாடுகளைப் பற்றி கலந்துரையாடுவதற்காகவும் கழகத்தின் பொருளாளர் ஈரோடு இரத்தினசாமி, செயலவைத் தலைவர் திருப்பூர் துரைசாமி, மதுரை மண்டல பொறுப்பாளர் இராவணன், வாகன ஓட்டுநராக பல்லடம் ஒன்றியச் செயலாளர் மணி கண்டன் ஆகியோர் தமிழகம் முழுதும் சுற்றுப்பயணம் செய்து முன்னேற்பாடுகளை செய்தனர். 11.07.2013 காலை கோபி சென்ற தலைமைக் கழக நிர்வாகிகள் ஈரோடு மண்டலச் செயலாளர் தோழர் இராம. இளங்கோவனைச் சந்தித்து செய்யப்பட்டுள்ள முன்னேற்பாடுகள், காவல்துறை அனுமதி விவரம், பயணக் குழுவினர் தங்குவதற்கான வசதிகள் பற்றிக் கலந்துரையாடினர். பின்னர் அங்கிருந்து குருவ ரெட்டியூர் சென்ற தலைமைக் கழக நிர்வாகிகள் ஈரோடு மாவட்டத் தலைவர் நாத்திக...

வினா : 21 வயதுக்குட்பட்டவர்கள் திரு மணத்துக்கு பெற்றோர்கள் சம்மதம் வேண்டும் என்று இந்து திருமணச் சட்டத்தைத் திருத்த வேண்டும். – பா.ம.க. நிறுவனர் மருத்துவர் இராமதாசு விடை : நல்லது. அப்படியே 21 வயதுக்கு உட்பட்டவர்கள் தேர்தலில் எந்தக் கட்சிக்கு ஓட்டுப் போடுவது என்பதற்கும் பெற்றோர்கள் சம்மதம் வேண்டும் என்று தேர்தல் சட்டத் திலும் திருத்தம் கொண்டு வந்து விடலாம். வினா : நகரங்களில் நாளொன்றுக்கு ரூ.33.33 காசுக்கு மேல் செலவிடு வோரும், கிராமங்களில் ரூ.27.20 காசுக்கு மேல் செலவிடுவோரும் ஏழைகள் அல்ல. – திட்டக் குழு அறிவிப்பு விடை : ஒரே ஒரு சந்தேகம்! எல்லா வற்றுக்கும் ‘டாலர்’ அடிப்படையில் கணக்குப் போடும்போது ஏழைகளை மட்டும் ஏன் ‘ரூபாய்’ அடிப்படையில் கணக்கிடுகிறீர்கள்? இந்த மக்கள் என்ன “பாவம்” செய்தார்கள்? வினா : தேசியக் கொடி, தேசிய கீதம் பற்றிய சட்டங்களைக் கண்டிப் புடன் அமுல்படுத்த வேண்டும். – சென்னை...

“இந்தியாவிலுள்ள மாநிலங்களை ஒப்பிட்டு நோக்கத்திற்காகத் தனித்தனி நாடுகளாக கருதிப் பார்ப்போமேயானால் கேரளாவும், தமிழ்நாடும், மற்றெல்லா மாநிலங்களைவிடவும் மேலாக முதல் நிலையில் இருக்கும் உத்தரபிரதேசமும், மத்திய பிரதேசமும் மிகவும் கடைசி நிலையில் இருக்கும்.” நோபல் பரிசு பெற்ற அமர்த்தியா சென் மற்றும் ஜீன் டி ரெஸ் ஆகியோர் இணைந்து எழுதிய நூலில் (நிலையில்லா புகழ் – இந்தியாவும் அதன் முரண்பாடுகளும்) இவ்வாறு குறிப்பிட் டுள்ளனர். அதுமட்டுமல்ல, இந்த மாநிலங்களிலிருந்து கிடைக்கும் அனுபவங்களையே படிப் பினையாகக் கொண்டு வேறு மாநிலங்கள் தங்கள் முன்னேற்றத்துக்குத் திட்டமிட வேண்டும் என்றும் அந்த நூலில் குறிப்பிட் டுள்ளனர். இந்தியா என்ற நுகத்தடியில் சிக்கிக் கொண்டதன் காரணமாக பார்ப்பனிய மேலாதிக்கத்துக்கு உட்பட்டு தமிழகம் அதன் முன்னேற்றங்களை விரைவு படுத்த முடியாது தடைபட்டு நிற்கிறது. பார்ப்பனியமும், இந்துமத வெறியும், ஜாதிக் கட்டமைப்பும் இறுகிப் போய்க் கிடக்கும் உ.பி., ம.பி. போன்ற மாநிலங்கள் அவைகள் தனி நாடுகளாக இருந்திருக்கு மானால், கடைசி இடங்களில்...

ஜூலை 24 ஆம் தேதி மயிலாடுதுறையில் தொடங்கிய திராவிடர் விடுதலைக் கழகத்தின் ‘சுயமரியாதை சமதர்மப் பரப்புரைப் பயணம்’ தொடர்ந்து பல்லாயிரக்கணக்கான மக்களை சந்தித்து, ஜாதி எதிர்ப்பு வாழ்வியல் உரிமை பறிப்பு, நாட்டின் பொருளாதாரச் சுரண்டல்களை பறை இசை, வீதி நாடகங்கள், பாடல்கள், உரை வழியாக மக்களிடம் விளக்கி வருகிறது. வீதி ஓரங்களில் மக்கள் கூடும் பகுதிகளில் கழகத் தோழர்கள் வாகனங்களை நிறுத்தி, பறை இசை எழுப்பியவுடன் மக்கள் கூடுகிறார்கள். பரப்புரை வாகனத்தில் பார்ப்பனியம், ஜாதி-தீண்டாமை வாழ்வியலில் ஊடுருவி, மக்களை பிளவுபடுத்துவதை சித்தரிக்கும் கருத்துப் படங்களையும், உயர்கல்வித் துறையில் மத்திய அரசுத் துறையில் பார்ப்பன மேலாதிக்கத்தை விளக்கும் புள்ளி விவரங்களும் காட்சிப்படுத்தப்பட்டுள்ளதை பார்க்கிறார்கள். ஜாதியத்தில் ஊறிப் போய் நிற்போர்  கருத்துகளை மவுனமாக கேட்கிறார்கள்.  ஜாதி எதிர்ப்பாளர்கள் தங்கள் ஆதரவை வெளிப்படுத்துகிறார்கள். பயணத்தின் நோக்கங்களை விளக்கிடும் துண்டறிக்கைகளை அப்பகுதியிலுள்ள கடைகளில் தோழர்கள் வழங்கி உண்டியல் வழியாக நிதி திரட்டுகிறார்கள். முதலில் பறை இசை ஒலிக்கும்....

ஒரு காலத்தில் ஜாதி சங்கங்கள் ஒடுக்கப்பட்ட மக்களின் உரிமைகளுக்கு குரல் கொடுத்தன. இப்போது ஜாதி சங்கங்கள் ஜாதி வெறியைத் தூண்டிவிட்டு, பாhர்ப்பனியத்தை நிலை நிறுத்தவும் தங்களைத் தலைவர்களாக நிலைநிறுத்திக் கொள்ளவும் வாக்கு வங்கியை உறுதிப்படுத்திக் கொள்ளவுமே பயன்படு கின்றன. அதே வேளையில் ஜாதிக் குழுவைச் சார்ந்த அனைவருமே ஜாதி சங்கங்களை ஏற்க வில்லை. அதை எதிர்க்கும் ஜாதி எதிர்ப்பாளர்கள் ஏராளமாக உள்ளனர். ஒவ்வொரு ஜாதியிலும் முற்போக்கு சிந்தனை கொண்ட ஜாதி எதிர்ப் பாளர்கள் துணிவுடன் வெளியே வந்து ஜாதி வெறிக்கு எதிராக குரல் கொடுக்க வேண்டும் என்று பரப்புரைக் கூட்டங்களில் கழகத் தலைவர் கொளத்தூர் மணி, பொதுச் செயலாளர் விடுதலை இராசேந்திரன் வலியுறுத்தினர். ஜூலை 24ஆம் தேதியிலிருந்து 28ஆம் தேதி வரை சுயமரியாதை-சமதர்மப் பரப்புரைப் பயணத்தின் நிகழ்வுகள் கடந்த வாரம் வெளி யிடப்பட்டிருந்தன. ஜூலை 29ஆம் தேதியி லிருந்து ஆகஸ்டு 1ஆம் தேதி வரை நடந்த பயணத்தின் செய்தித் தொகுப்பு: ஜூலை...

1932-ஆம் ஆண்டில் பெரியாரால் முன்வைத்த சுயமரியாதை சமதர்ம வேலைத் திட்டம் பார்ப்பனரல்லாத மக்களுக்கு ஜாதித் தீண்டாமை ஒடுக்குமுறைகளோடு பொருளாதாரத்திலும் அழுத்திக் கொண்டிருக்கும் முதலாளித்துவத்தையும் எதிர்க்கவேண்டிய அவசியத்தை வலியுறுத்துகிறது. ஜாதி எதிர்ப்போடு பொருளாதாரத் திட்டத்தையும் இணைத்து பெரியார் தந்த திட்டட்தை இன்றைய சமூகப்பொருளாதாரச் சூழலில் செயல்படுத்துவது சரியான சமூக மாற்றத்திற்கான கொள்கையாகும் என்று திராவிடர் விடுதலைக் கழகம் கருதுகிறது. 1990-க்குப் பிறகு மத்திய அரசுப் பதவிகளில் பிற்படுத்தப்பட்டோர் நுழை வதற்கான கதவு மண்டல் பரிந்துரை வழியாகத் திறந்துவிடப்பட்டவுடன் – ஆட்சியதிகாரத்தில் ஆதிக்கம் செலுத்திவந்த பார்ப்பன உயர்சாதி அதிகார வர்க்கம், அரசுப்பிடிகளிலிருந்து பொதுத்துறை நிறுவனங்கள், தொழில் நிறுவனங்களைப் படிப்படியாகப் பறிப்பதற்கு உலகமயமாதல் கொள்கையை ஆட்சியாளர்களுடன் கொண்டுவந்தது. கடந்த 20 ஆண்டுகளுக்கும் மேலாக பார்ப்பன உயர்ஜாதி அதிகாரவர்க்கம், பெரும் தொழில் நிறுவனங்கள், பன்னாட்டு நிறவனங்களின் ஆதரவோடும் ஆளுங்கட்சிகளின் ஆதரவோடும் ஒடுக்கப்பட்ட மக்களுக்கு எதிரான திட்டங்களைப் பொருளாதாரக் கொள்கையாகச் செயல்படுத்திவருகிறது. இந்தப் பொருளாதாரக் கொள்கைகளால் சிறு தொழில்கள்,...

வினா : டெல்லி ராஜ்காட்டில் காந்தி சமாதிக்கு துப்பாக்கி ஏந்திய போலீஸ் பாதுகாப்பு.  – செய்தி. விடை : ஆட்சியாளர்கள் பயப்பட வேண்டாம்;  சமாதியை உடைத்துக் கொண்டு காந்தி நிச்சயம் வெளியே வரமாட்டார். வினா : ஜனதா கட்சித் தலைவர் சுப்ரமணியசாமி, பா.ஜ.க. தலைவர் ராஜ்நாத்தை அவரது வீட்டில் சந்தித்து தனது கட்சியை பா.ஜ.க. வுடன் இணைத்தார். – செய்தி விடை : ஒரு கட்சியின் இணைப்பையே வீட்டு வரவேற்பறையில் நிகழ்த்தும் உலகச் சாதனையை சுப்ரமணியசாமியால் மட்டுமே செய்ய முடியும்! வினா : தெலுங்கானா பிரிவினையை எதிர்த்து ஆந்திராவில் முழு அடைப்பு நடந்த நாளிலும் திருப்பதியில் பக்தர்கள் கூட்டம் அலை மோதியது. –  செய்தி விடை : அப்போ, ஏழுமலையான் முழு அடைப்பில் பங்கேற்கவில்லையா? அப்படியானால் தெலுங்கானா பிரிவினையை ஏழுமலை யானும் வரவேற்கிறானா? வினா : மாநில கட்சிகளுக்கு பிரகாசமான எதிர் காலம் இருப்பதமாக இந்திய கம்யூனிஸ்ட் கட்சி செயலாளர் பரதன்...

ஈரோடு வடக்கு மாவட்டம் சத்தி ஒன்றிய பகுதிக்குட்பட்ட புதுரோடு பகுதியை சார்ந்தவர் தோழர் பாலாஜி. இவர் நமது கழகத்தின் துணை அமைப்பான தமிழ்நாடு மாணவர் கழகத்தில் ஈரோடு வடக்கு மாவட்ட பொறுப்பாளராக உள்ளார். இவர் தனது ஊருக்கு அருகிலுள்ள புங்கம்பள்ளி பகுதியிலுள்ள சலூன் கடைக்கு முடிவெட்ட சென்றார். சலூன் கடைக்குச் சொந்தக்காரர், ‘இந்த கடையில் உனக்கு (தாழ்த்தப்பட்டோருக்கு) முடிவெட்ட மாட்டேன். நீ வேறு கடைக்கு செல்’ என்றார். அந்தப் பகுதியில் இருந்த மற்ற இரண்டு கடைக் காரர்களும் ‘நாங்களும் வெட்ட மாட்டோம்’ என்று மறுத்து விட்டனர். வீடு திரும்பிய தோழர் அந்தப் பகுதியை சார்ந்த மற்ற தோழர் களிடத்தில் இதை கூறினார். உடனே, அங்கு இருந்த தோழர்கள், புதுரோடு இராஜேந்திரன் தலைமையில் கடையினை முற்றுகையிட சென்றார்கள். அவர்கள் அங்கு செல்லும் முன்பாக இராசேந்திரன் அந்த பகுதி காவல் நிலைய ஆய்வாளரை கைபேசியில் அழைத்து, கடையில் நடந்த சம்பவத்தைக் கூறி நீங்கள் நடவடிக்கை...

ஆகஸ்டு 2ஆம் தேதியிலிருந்து 12ஆம் தேதி வரை நடந்த சுயமரியாதை சமதர்ம பயணத்தின் செய்தித் தொகுப்பு: ஆகஸ்டு 2 அலங்கியம் சாலையில் உள்ள அம்மன் மண்டபத்தில் தங்கியிருந்த தோழர்களுக்கு முந்தைய நாள் இரவு உணவு, 2.8.2013 காலை அசைவ உணவு ஆகியவற்றை தாராபுரம் பகுதி பொறுப்பாளர்கள் சிறப்பாகச் செய்திருந்தனர். காலை 10.30 மணிக்கு தாராபுரம் பேருந்து நிலையம் எதிரே பரப்புரை தொடங்கியது. முனைவர் ஜீவானந்தம் சர்வதேச அளவில் பார்ப்பனியத்தின் நிலை பற்றி விளக்கினார். வழக்கறிஞர் கலையரசன் தேநீர் வழங்கினார். பயணத்தின் நோக்கங்கள் குறித்து, பத்திரிக்கை மற்றும் தொலைக்காட்சி நிருபர்களுக்கு கழகத் தலைவர் கொளத்தூர் மணி பேட்டியளித்தார். தாராபுரம் பகுதித் தோழர்கள் பரப்புரை நிதியாக ரூ.500/- வழங்கினர். நண்பகல் 12 மணிக்கு கணியூர் பேருந்து நிலையத்தில் பரப்புரை பறைமுழக்கத்துடன் தொடங்கியது. கழகக்  கொடியை கழகத் தலைவர் கொளத்தூர் மணி ஏற்றி வைத்தார். முனைவர் ஜீவானந்தம் இந்தியாவிற்குள் பார்ப்பனர்கள் வருகை குறித்தும், நம் மன்னர்கள்...

திராவிடர் விடுதலைக் கழகம் ஜாதி – தீண் டாமை – பார்ப்பனியம் – பன்னாட்டு பொருளாதாரச் சுரண்டலுக்கு எதிராக 20 மாவட்டங்களில் நகர்ப் பகுதிகளில் 20 நாட்கள் தொடர்ந்து நடத்திய முதல் கட்டப் பரப்புரை இயக்கத்தை திராவிடர் விடுதலைக் கழகம் இரண்டாமாண்டு தொடக்க நாளான ஆகஸ்டு 12 இல் புதுவையில் நிறைவு செய்தது. இரண்டாம் கட்டமாக மாவட்டங்களை மய்யமாக்கி கிராமம் கிராமமாக மக்களை சந்திக்கும் அடுத்தக்கட்ட பரப்புரை இயக்கத்தை கழகத் தலைவர் கொளத்தூர் மணி புதுவை நிறைவு விழாவில்  அறிவித்தார். புதுவை ஜீவா சதுக்கத்தில் பரப்புரைப் பயண நிறைவு விழா நிகழ்வுகள் சுயமரியாதை கலை பண்பாட்டுக் கழகம் வழங்கிய கலை நிகழ்ச்சிகளுடன் தொடங்கின. தோழர்கள் உரைகளைத் தொடர்ந்து திராவிடர் விடுதலைக் கழகத் தலைவர் கொளத்தூர் மணி பரப்புரைப் பயண நிறைவையொட்டி கழக சார்பில் முடிவெடுக்கப்பட்ட தீர்மானங்களை முன்மொழிந் தார். தீர்மானங்கள் விவரம்: ஜாதி அமைப்பு முறை ஒழிவதற்கு ஒரே ஜாதிக்குள் நடக்கும்...

பெரியார்-அம்பேத்கர் கருத்துக்களை பல நூறு மேடைகளில் முழங்கிய பெரியாh தாசன், ஆகஸ்டு 18 அன்று இரவு திருவேற்காட்டிலுள்ள அவரது இல்லத்தில் முடிவெய்தினார். கழக சார்பில் பொதுச் செயலாளர் விடுதலை இராசேந்திரன் மற்றும் தோழர்கள் இறுதி மரியாதை செலுத்தினர். அவரது வாழக்கையின் பிற்பகுதியில் கொள்கைத் தடுமாற்றங்கள் இருந்தாலும் அவரது ‘பெரியாரியல் பரப்பும்’ பணி மகத்தானது. கழக சார்பில் ஆழ்ந்த இரங்கலை அவரது குடும்பத்தாருக்கு உரித்தாக்குகிறோம்.               – ஆசிரியர் பெரியார் முழக்கம் 22082013 இதழ்

தலைமைக் கழகப் பொறுப்பாளர்கள், மண்டல அமைப்புச் செயலாளர்களைக் கொண்ட திராவிடர் விடுதலைக் கழகத்தின் தலைமை நிர்வாகிகள் குழு ஆலோசனைக் கூட்டம் 18.8.2013 அன்று ஈரோட்டில் கூடியது. சுயமரியாதை சமதர்மப் பரப்புரைப் பயணத்தின் நிறைகுறைகள் குறித்து விரிவாக பரிசீலிக்கப்பட்டது. மாவட்டங்களை மய்யமாக வைத்து கிராமம் கிராமமாக நடத்தவிருக்கும் பரப்புரைக்கான திட்டங்கள் முன்வைக்கப்பட வேண்டிய முழக்கங்கள் பரிசீலிக்கப்பட்டன. எதிர்வரும் செப்டம்பர் 11 முதல் 20 வரை நடக்கும் இந்த கிராமப் பரப்புரை இயக்கம் பழனியில் தொடங்கி திண்டுக்கல்லில் நிறைவடைகிறது. பரப்புரையில் – ஜாதி-தீண்டாமை எதிர்ப்பு, பார்ப்பனிய எதிர்ப்பு, தமிழக கார்ப்பரேட் நிறுவனங்களில் ஒடுக்கப்பட்டோர் வேலை வாய்ப்புகளை உறுதி செய்யும் உரிமை,  தலைதூக்கி வரும் ஜாதி வெறி சக்திகளை முறியடிக்க – சுயஜாதி எதிர்ப்பாளர்களின் ஒருங்கிணைப்பு, பறிபோகும் தமிழக இயற்கை வளங்கள், பன்னாட்டு சுரண்டல் ஆகிய கருத்துகளை முன் வைத்து பரப்புரை நடத்த முடிவு செய்யப்பட்டது.  பரப்புரையில் மக்களிடையே முன் வைக்கப்படும் முழக்கங்கள்: ஜாதி மறுப்புத்...

ட           14 வயது சிறுமியை சீரழித்த போலி சித்தர் கைது. – செய்தி குற்றச் செயல் புரிந்த சித்தர் – சாமியார்களை போலி என்று செய்தி போடும் பத்திரிகைகள் – குற்றச் செயல் புரிந்த  காஞ்சி ஜெயேந்திரனை மட்டும் போலி சங்கராச்சாரி என்று செய்தி போடாதது ஏன்? ட ‘தலைவா’ திரைப்படம் வெளியிட முடிவு; தலைப் புக்கு கீழே இடம் பெற் றுள்ள ‘தலைமை தாங்கும் நேரம் வந்துவிட்டது’ என்ற பொருள் கொண்ட ஆங்கில சொற்றொடர் நீக்கப்படு கிறது!  – செய்தி மகிழ்ச்சி! “தலைமையை பறி கொடுத்த தலைவா! வருக! வருக!” என்று ரசிகர்கள் சுவரொட்டி போட்டுக் கொண்டாடலாம்! ட           எனது மகள் காதலிக்கும் காதலன் நம்பத் தகுந்தவன் அல்ல. – இயக்குநர் சேரன்! நீங்கள் இப்படிக் கூறு கிறீர்கள்; 20 ஆண்டுகள் நீங்கள் வளர்த்த மகளே எனது அப்பா நம்பத் தகுந்தவர் அல்ல என் கிறாரே! ட          ...

2.8.2013 அன்று காலை 10 மணிக்கு திருச்சி விமான நிலையம் வந்த பிரதமர் மன்மோகன் சிங் அவர்களுக்கு ம.தி.மு.க. பொதுச் செயலாளர் வைகோ தலைமையில் கருப்புக் கொடி ஆர்ப்பாட்டம் நடைபெற்றது. இதில் திருச்சி மாவட்ட திராவிடர் விடுதலைக் கழகத்தின் சார்பாக மாவட்டத் தலைவர் ஆரோக்கியசாமி தலைமையில் திருச்சி மண்டல அமைப்புச் செயலாளர் புதியவன், மாவட்டச் செய லாளர் கந்தவேல் குமார், மாவட்ட அமைப்பாளர் குணராஜ், திருவாரூர் மாவட்டச் செயலாளர் காளிதாஸ், நீடாமங்கலம் ஒன்றியச் செயலாளர் நல்லிக்கோட்டை முருகன், நீடாமங்கலம் ஒன்றிய அமைப்பாளர் செந்தமிழன், தோழர்கள் பழனி, பொன்னுசாமி, முருகாநந்தம், மணி, குமரேசன் உள்ளிட்ட தோழர்கள் கலந்து  கொண்டு கைதா யினர். 1000க்கும் மேற்பட்டவர்கள் கலந்து கொண்டு கைது செய்யப்பட்டு அன்று மாலை 5 மணிக்கு விடுதலை செய்யப்பட்டனர்.   பெரியார் முழக்கம் 22082013 இதழ்

காங்கிரசில் பெரியாரோடு இணைந்து பார்ப்பன ரல்லாதார் உரிமைக்குப் போராடியவர் டாக்டர் பி. வரதராஜூலு (நாயுடு). அவரது பிறந்த நாள் விழா 27.11.1955இல் சென்னை ராஜாஜி ஆலில் நடந்தபோது பெரியார் ஆற்றிய உரை இது. அதே விழாவில் காமராசரும் பங்கேற்றது குறிப்பிடத்தக்கது. “நான் அரசியல் தொண்டனல்ல. சமுதாய நலத் தொண்டனாவேன். அதிலும் பெரிதும் தமிழ் மக்கள் நலனுக்கென்றே பாடுபடுபவன். அதை முன்னிட்டு அரசியல் என்பதை எந்த அளவுக்கு வேண்டுமானாலும் எதிர்க்கவும் விட்டுக் கொடுக்கவும் துணிவேன். காமராசருக்கும் எனக்கும் அரசியல் கருத்துகளில் எவ்வளவு பேதம் காணப்பட்டாலும், தமிழர் நலத்தை முன்னிட்டு நானாகவே முன்வந்து அவரை ஆதரிக்கும் அவசியம் ஏற்பட்டிருக்கிறதே ஒழிய மற்றபடி எனது சுயநலத்தை முன்னிட்டோ, அல்லது அவர் விரும்புகிறார் என்று கருதியோ அல்ல. அவரும் என்னுடைய ஆதரவு தேவை என்பதாக என்னிடம் தனிப்பட்ட முறையில் கேட்டதும் கிடையாது. குடியாத்தம் சட்டசபை தேர்தலில் நான் அவரை ஆதரித்தேன் என்றால், அப்பொழுதும் அவரிடம் சொல்லிவிட்டு அவரை...

“சென்னையில் சித்தர்கள், சாமியார்கள் குறி சொல்லும் ஆசாமிகள் யார் யார் என்று காவல்துறை ரகசியமாக கண்காணித்து வருகிறது. இதுபோன்ற நபர்களிடம் பொது மக்கள் ஏமாற வேண்டாம் என்று காவல்துறை எச்சரிக்கை விடுத்துள்ளது.” – இப்படி ஒரு செய்தி ‘தினத்தந்தி’ ஏட்டில் (ஆக.19) வெளி வந்துள்ளது. சாமியார்கள் – குறி சொல்வோர் – மந்திரவாதிகள் – சோதிடம் பார்ப்போர் என்பவர்களில் ‘போலி’ என்று எவரும் கிடையாது. அனைவருமே மக்களை ஏமாற்றுகிறவர்கள்தான். மக்கள் இந்த மூடத்தனத்தை நம்பாமல் தடுக்க அவர்களிடம் விழிப்புணர்வை ஏற்படுத்த பகுத்தறிவுக் கருத்துகளை, அறிவியல் சிந்தனைகளை கொண்டு போய்ச் சேர்க்க வேண்டும். அப்படி அறிவியல் பகுத்தறிவுக் கருத்துகளை மக்களிடம் பரப்புவது பெரியார் இயக்கங்கள் மட்டும்தான். அரசியல் சட்டம் விஞ்ஞான மனப்பான்மையை வளர்க்க வேண்டும் என்று வலியுறுத்தும் நிலையிலும் இந்தக் கருத்துகளைப் பரப்புவதற்கு கடும் எதிர்நீச்சல் போட வேண்டியிருக்கிறது. காவல்துறை அனுமதி மறுக்கிறது. சாமியார்களிடம், குறி சொல்வோரிடம், ஏமாற வேண்டாம் என்று கூறும்...

மயிலாடுதுறையில் திராவிடர் விடுதலைக் கழகத் தலைவர் கொளத்தூர் மணி, ஜூலை 24 அன்று சுயமரியாதை சமதர்ம பரப்புரைப் பயணத்தை தொடங்கி வைத்து ஆற்றிய உரை : இப்படி ஒரு பரப்புரை பயணத்தை திராவிடர் விடுதலைக் கழகம் நடத்துவது இது முதல் முறை அல்ல, தொடர்ச்சியான பல பரப்புரை பயணங்களை நாம் நடத்திக்கொண்டு தான் இருக்கிறோம். இதுவரை நாம் நடத்தியிருக்கிற, நடத்திய பயணங்கள் அனைத்தும் ஜாதி, தீண்டாமைக்கு எதிராக என்ற மையப்புள்ளியில் இருந்து தான் இயங்கி கொண்டு இருந்தது. அதையொட்டிதான் பல்வேறு கருத்துக்களை மக்கள் முன்னால் எடுத்துச் சென்று கொண்டு இருந்தோம். மனுசாஸ்திர எரிப்புப் போராட் டத்தின் வழியாக இப்படி பல்வேறு தளங்களில் விளக்கிக் கொண்டிருக்கிறோம். பார்ப்பனியம் நேரடியாய் இல்லை என்றாலும், அதுதான் கருத்தியலை வழங்கி நியாயப்படுத்தி கொண் டிருக்கிற அமைப்பு என்பதால் அது பார்ப் பனீயமாக இருந்தாலும், பார்ப்பனீயத்தின் அரசியல் வடிவமாக இருக்கிற இந்தியா என்கிற அமைப்பாக இருந்தாலும், இந்த பார்ப்பனீயத்தையும்...

இயக்குனர் சேரன் மகள் தாமினி-சந்துரு காதல் இணையர்களை மிரட்டிப் பிரிக்க இயக்குனர் சேரனுக்குப் பின்னால் திரையுலகமே திரண்டு வந்தது. நீதிமன்ற வளாகத்துக்குள் குவிந்த திரைப்பட ஸ்டன்ட் நடிகர்கள் , மனித சங்கிலி போல் அணி வகுத்து நின்றனர். நீதிமன்ற வளாகத்துக்குள் பின்பற்றப்பட வேண்டிய சட்ட விதிமுறைகள் காற்றில் பறக்க விடப்பட்டன. இந்த சூழ்நிலையில் சேரன் அணியினரால் அவமானத் துக்கும் மிரட்டலுக்கும் உள்ளாக்கப்பட்ட சந்துரு குடும்பத்துக்கும், காதலர்களைப் பிரிக்கும் ஆதிக்க சக்திகளுக்கும் எதிராக திராவிடர் விடுதலைக் கழகத் தோழர்கள் 50 பேர் ஆகஸ்டு 21 ஆம் தேதி நீதிமன்றம் திரண்டு வந்து தங்கள் ஆதரவை வெளிப்படுத்தினர். பெரியார் முழக்கம் 29082013 இதழ்

சென்னை உயர்நீதிமன்றத்தில் நீதிபதிகளை நியமிக்க பரிசீலனைக்கு அனுப்பப்பட்டுள்ள 6 பேர் அடங்கிய முதல் பட்டியலில் சமூகநீதி பின்பற்றப்படவில்லை என்று உயர்நீதிமன்ற வழக்கறிஞர்கள் தங்கள் எதிர்ப்பைத் தெரிவித்துள்ளனர். நீதிபதிகள் நியமனத்தில் இடஒதுக்கீடு முறை இல்லை என்றாலும், பல்வேறு சமூகங்களுக்கும் பிரதிநிதித்துவம் வழங்கப்பட வேண்டும் என்ற நடைமுறை பின்பற்றப்பட வேண்டும் என்ற கோரிக்கை முன் வைக்கப்பட்டு வருகிறது. உச்சநீதிமன்ற தலைமை நீதிபதியாக பொறுப்பேற்றுள்ள நீதிபதி சதாசிவம் அவர்களும், இந்தக் கருத்தை ஆதரித்துள்ளார். உயர்நீதிமன்ற நீதிபதிகளாக இன்றும் நுழையாத பல்வேறு ஒடுக்கப்பட்ட சமூகத்தினர் உள்ளனர். இந்த நிலையில், தற்போது பரிந்துரைக்கப்பட்டுள்ள 6 பேர் பட்டியலில் ஏற்கனவே இடம் பெற்றுள்ள சமூகத்தினருக்கு வாய்ப்புகள் வழங்கப்பட் டுள்ளதோடு, இரண்டு பேர் பார்ப்பனர்கள் இடம் பெற்றுள்ளனர். நீதிபதிகள் நியமனங்களை எதிர்த்து வழக்குகள் தொடருவதையே வழக்கமாக்கிக் கொண்டிருக்கும் பார்ப்பனர் ஒருவரும் விசுவ இந்து பரிஷத் நடத்தும் போராட்டங்களில் பங்கேற்று வரும் ஆர்.எஸ்.எஸ். பார்ப்பனர் ஒருவரும் இந்தப் பட்டியலில் இடம் பெற்றுள்ளதை உயர்நீதிமன்ற...

காதல் உணர்வுகளை ஊட்டி ஊட்டி, திரைப்படங்களை எடுத்த இயக்குனரின் ‘குடும்ப காதல் காவியம்’ அண்மையில் தமிழகத்தில் மக்கள் மன்றத்தில் நடித்துக் காட்டப்பட்டது. விறுவிறுப்புகள், சோகம், காதல் உணர்வு, திடீர் திருப்பம் என்று அத்தனை அம்சங்களோடும் இதற்கான திரைக்கதை உருவாக்கப் பட்டுள்ளது. முதல் காட்சி இயக்குனரின் பேட்டியோடு தொடங்குகிறது. இது ஒரு வித்தியாசமான பேட்டி.  பேட்டி தரும் இயக்குனர் பேச மாட்டார். ஒலி பெருக்கி முன் குமுறி குமுறி அழுது கொண்டே இருப்பார். பத்திரிகை யாளர்கள் கண்களில் கண்ணீரை துடைத்துக்  கொண்டே கேள்வி கேட்பார்கள். இயக்குநர் : அய்யோ, என் மகள் ஒருவனை காதலிக்கிறாள். அந்தக் காதலன் நல்லவனே அல்ல. பத்திரிகையாளர் : அப்படியா? இயக்குனர் : ஆமாம்! ஆமாம். அந்த காதலன் குடும்பமே மோசடிக் குடும்பம். காதலித்து ஏமாற்றும் குடும்பம்! பத்திரிகையாளர் : அதற்கு ஆதாரங்கள் உண்டா? இயக்குனர் : இனிமேல் தான் சேகரிக்கப் போகிறேன். பத்திரிகையாளர் : இது உங்கள்...

ட           இந்தியாவில் 90 சதவீதம் பேர் முட்டாள்கள் என்று கூறியதற்காக சிலரின் மனம் புண்பட்டிருப்பதால், மன்னிப்புக் கோருகிறேன்.                                                       – நீதிபதி கட்ஜு இந்தியாவில் 10 சதவீதம் பேர் அறிவாளிகளாக இருக்கிறார்கள் என்று கூறியிருந்தால் கைதட்டி பாராட்டிருப்பார்கள். ட           தமிழகத்தில் 35 தீவிரவாதிகள் ஊடுருவியிருப்பதாக மணியாச்சி காவல்துறை அதிகாரிக்கு இலங்கையி லிருந்து ‘மர்ம நபர்’ தமிழில் பேசினார்.                – போலீசார் எச்சரிக்கை தொலைபேசியில் பேசிய மர்ம நபர் யார் என்பதைக் கண்டுபிடிக்க காவல் துறை எந்த முயற்சியும் எடுக்காதது ஏன்? அந்த மர்மத்தை காவல் துறை விளக்குமா? ட           தர்மபுரியில் அதிக மதிப் பெண் பெற்ற பள்ளி மாணவ மாணவிகளுக்கு பரிசுகள் வழங்க திருமண மண்டபத்தில் நடக்கவிருந்த விழாவுக்கு 144 தடை உத்தரவை காரணம் காட்டி, காவல் துறை அனுமதி மறுத்து, மாணவ மாணவிகளை வெளியேற்றியது.                 – செய்தி திருமண மண்டபங்களில் திருமணங் களாவது நடத்தலாமா? ட          ...

சோஷலிசமோ, மதச்சார்பின்மையோ நாட்டில் இருக்கிறதா? மயிலாடுதுறையில் திராவிடர் விடுதலைக் கழகத் தலைவர் கொளத்தூர் மணி, ஜூலை 24 அன்று சுயமரியாதை சமதர்ம பரப்புரைப் பயணத்தை தொடங்கி வைத்து ஆற்றிய உரையின் சென்ற இதழ் தொடர்ச்சி : இந்த நாட்டை சோஷலிச நாடு என்று இன்றைக்கும் அரசியல் சட்டத்தில் வைத்திருக் கிறார்கள். பேர் என்னவோ பெரிய பேரு ‘சாவரின் செக்யூலர் சோஷலிஸ்ட் டெமாக்டரிக் ரிபப்ளிக்’ (ளுடிஎநசநபைn ளுடிஉயைடளைவ ளுநஉரடயச னுநஅடிஉசயவiஉ சுநயீரடெiஉ) தான் நம்முடையது, இதுல ஒன்று கூட இங்கே இல்லை என்பது வேறு.  உலக வங்கித்தான் ஆணையிடு கிறது. சேவை துறைகளுக்கு செலவு செய்யாதே, மருத்துவம் வேண்டாம், கல்வி வேண்டாம், அதுக்கு எல்லாம் செலவு செய்யாதே, சாவரின் எங்கு இருக்கு? எவனோ முடிவு செய்கிறான். மதச் சார்பின்மை பற்றி பேசவேண்டியதே இல்லை. செக்யூலர் நாடா இது?சேது சமுத்திர திட்டத்தில் ஒரு வழக்கு வந்தது, வழக்கில் உச்சநீதிமன்றம் கருத்து கேட்கிறது. ஏதோ ராமர்,...