வினா விடை

• எனக்கும் தமிழ்நாட்டுக்கும் உள்ள உறவு மிகப் பழமையானது. – மோடி
ஆமாம், கீழடி அகழ்வாராய்ச்சியிலேயே அதற்கு ஆதாரம் இருக்குன்னு சொல்லுவிங்களோ, உங்கள் பெயரே பத்தாண்டுகளாகத்தான் எங்களுக்கு தெரியும். அண்டப் புளுகு, ஆகாசப் புளுகு.
• சென்னைக்கு வரும் போது தமிழர்களால் எனக்கு சக்தி கிடைக்கிறது – மோடி
அதனால் தான் கல்பாக்கத்தில் ஈனுலை அழிவு சக்தியை எங்கள் தலையில் கட்டியிருக்கிங்களா?
• பாஜக தேர்தல் சுவரொட்டியில் எம்.ஜி.ஆர், ஜெயலலிதா படங்கள் – செய்தி
விட்டா… முனுசாமி, சி.வி. சண்முகம் படத்தை கூட போட்டுப்பாங்க.
• புதுக்கோட்டை கோயில் கர்ப்பகிரகத்தில் அரிவாளுடன் நுழைந்த நபரை காவல்துறை தண்ணீரை பீய்ச்சி அடித்து வெளியேற்றியது. – செய்தி
அய்யயோ ஆகமம் அனுமதிக்குமா? ஏன், வேத மந்திரங்களை வைத்து வெளியேற்ற முடியாதா?
• ஆன்மீகம் தழைக்கும் நாடு நன்றாக மலரும்
– ஆளுநர் தமிழிசை
ஆனால், ஆன்மீக ஆளுநர்களை கொண்ட மாநிலங்கள் நன்றாக வதைபடும்.
• தேர்தல் பத்திர விவரங்களை வெளியிட மூன்று மாதம் அவகாசம் கேட்கிறது பாரத ஸ்டேட் வங்கி – செய்தி
அதற்குள் மோடி உச்சநீதிமன்ற உத்தரவுகளை வங்கிகள் செயல்படுத்த வேண்டாம் என்று அவசர சட்டம் ஒன்றை கொண்டுவந்துவிடுவார்.

பெரியார் முழக்கம் 07032024 இதழ்