வினா – விடை

• சென்னையில் ராமர்கோயில் இருக்கும் அயோத்தி மண்டபத்தை பூட்டு போட்டு பா.ஜ.க.வினர் அதிகாரிகளைத் தடுத்து போராட்டம். – செய்தி

ரொம்ப நல்ல சேதி; அப்படியே அயோத்திக்குப் போய் அந்த ராமன் கோயிலுக்கும் பூட்டு போடுங்க; நல்ல சேவை.

• பெண் பத்திரிகையாளர்களை இழிவுபடுத்திய எஸ்.வி. சேகர், நீதிமன்றத்தில் நிபந்தனையற்ற மன்னிப்பு கேட்டார். – செய்தி

அது என்ன நிபந்தனையற்ற மன்னிப்பு? அதாவது, ஸ்டாலின் முதல்வராக வரவே முடியாது என்று அவரது  ஜாதகத்தில் இருக்குன்னு திமிரில் பேசினார் அல்லவா? அப்படி ஜாதகத்தை நம்பியதற்கும் சேர்த்து கேட்பதுதான் நிபந்தனையற்ற மன்னிப்பு; இப்ப புரியுதா?

• உ.பி. சிறையில் கைதிகளுக்கு காயத்ரி மந்திரம் ஓத பா.ஜ.க. அரசு திட்டம்.

-செய்தி

ஆர்.எஸ்.எஸ்.க்கு ‘தேச பக்தர்’களை பிடிக்க இப்படி ஒரு ‘ரூட்’ இருக்கா?

• குஜராத் பள்ளிகளில் ‘பகவத் கீதை’ கட்டாயப் பாடம். – செய்தி

‘பாஸ் மார்க்’ வாங்காவிட்டால், தேச விரோதி என்று கூறி பள்ளியிலிருந்து ‘டிஸ்மிஸ்’ என்று, ஒரு உத்தரவையும் சேர்த்துப் போடுங்க.

• ‘ராம நவமி’ நாட்களில் டெல்லி ஜெ.என்.யூ. மாணவர் விடுதியில் அசைவ உணவுக்குத் தடை. – செய்தி

ராமனே ‘பீஃப் பிரியர்’ என்று வால்மீகி இராமாயணமே கூறுகிறதே; ஏனப்பா, இராமனை இழிவுபடுத்துறீங்க…

• ஆங்கிலத்தை அகற்றிவிட்டு இந்தியை தொடர்பு மொழியாக்க வேண்டும்.

– அமித்ஷா

“இந்தி வேண்டாம் போடா” ஸ்டிக்கர்களைக் கோடிக்கணக்கில அச்சடிக்க தமிழ்நாட்டில் ஸ்டிக்கர் கம்பெனிகள் தயாராகி வருகின்றன. நல்ல தொழில் வாய்ப்பை உருவாக்கிய அமித்ஷாவுக்கு நன்றி.

பெரியார் முழக்கம் 14042022 இதழ்