மேட்டுப்பாளையத்தில் பெரியாரின் 146வது பிறந்த நாள் விழா பொதுக்கூட்டம்; திருப்பூர் துரைசாமி, சிற்பி இராசன் பங்கேற்பு

மேட்டுப்பாளையம்: பெரியார் 146வது பிறந்த நாள் விழா 29.09.2024 அன்று மேட்டுப்பாளையம் பேருந்து நிலையம் அருகில் நடைபெற்றது. இதற்குக் கோவை மாவட்டக் கழகத் தலைவர் மேட்டுப்பாளையம் இராமசந்திரன் தலைமை தாங்கினார்.
முன்னதாக சிவரஞ்சனி திரையரங்கம் முன்பு திராவிடர் விடுதலைக் கழகத்தின் மேட்டுப்பாளையம் நகரப் பொறுப்பாளர் அமுல்ராஜ் கழகக் கொடியை ஏற்றி வைத்தார்.
முதல் நிகழ்வாகப் பெரியாரியலாளர் சிற்பி ராசனின் மந்திரமல்ல! தந்திரமே! அறிவியல் விளக்க நிகழ்ச்சி நடைபெற்றது. நிகழ்ச்சியின் மூலம் சாமியார்களின் பித்தலாட்டங்களைத் தோலுரித்துக் காட்டினார்.
பொதுக்கூட்டத்தில் கோவை மாவட்ட அமைப்பாளர் தமிழ்ச்செல்வி, மாவட்ட தமிழ்நாடு மாணவர் கழக அமைப்பாளர் நவீன் குமார், திருப்பூர் மாவட்டத் தலைவர் முகில்ராசு, கோவை மாநகரத் தலைவர் நிர்மல் குமார் ஆகியோர் உரையாற்றினர்.
நிறைவாகக் கழகப் பொருளாளர் திருப்பூர் சு.துரைசாமி சிறப்புரையாற்றினார். மேட்டுப்பாளையம் நகரப் பொறுப்பாளர் அமுல்ராஜ் நன்றி கூறினார்.
நிகழ்வில் கோவை மாவட்டச் செயலாளர் சூலூர் பன்னீர் செல்வம்,திருப்பூர் மாநகரத் துணைத் தலைவர் மாரிமுத்து, திருப்பூர் மாநகர அமைப்பாளர் முத்து, திருப்பூர் மாவட்டப் பொருளாளர் ரவிச்சந்திரன், திருப்பூர் வடக்கு ஒன்றிய அமைப்பாளர் அய்யப்பன், காரமடை செகதீஸ், திமுக தோழர்கள் இங்கர்சால், ரங்கராஜ், தி.க மாவட்ட தலைவர் மேட்டுப்பாளையம் வேலுசாமி ஆகியோர் பங்கேற்றனர்.

பெரியார் முழக்கம் 03.10.2024 இதழ்