வினா – விடை
- வன்னியர்களை அவமதித்து படமெடுத்த சூர்யாவுக்கு 5 கோடி இழப்பீடு கேட்டு பா.ம.க நோட்டீஸ்.
– செய்தி
பா.ம.க. நிறுத்திய வன்னியர் வேட்பாளர்களைத் தோற்கடித்து அவமானப்படுத்திய வாக்காளர் களுக்கும் நோட்டீஸ் அனுப்புங்க. அப்பதான் புத்தி வரும்.
- இராம பக்தர்களுக்கான சிறப்பு இரயிலில் பணியாளர்கள் காவி உடை, உத்திராட்சை மாலை அணிவது எங்களை புண்படுத்துகிறது. – சாதுக்கள் எதிர்ப்பு
அப்ப, ‘அனுமான்’ வேடம் தான் போட வேண்டும்.
- சைவ உணர்வாளர்களின் மனம் புண்படுவதால் மீன், இறைச்சியை வெளிப்படையாக உண்பதற்கு குஜராத்தில் அரசு தடை. – செய்தி
இது அநியாயம் ! சிறுபான்மை சைவ இந்துக்களை அசைவத்துக்கு மாறச் சொல்லுங்க. பெரும்பான்மை தான் ‘இந்து’ க்களுக்கு முக்கியம்.
- விவசாய சட்டங்களில் ‘ஒரு கமா, புள்ளி’ யைக் கூட மாற்ற மாட்டோம்.
– பாஜக அண்ணாமலை.
சொன்னதை அப்படியே நிரூபிச்சுட்டீங்க… கமா, புள்ளியை மாற்றாமல் சட்டத்தையே ஓரங்கட்டிட்டீங்க…
- மும்மொழித் திட்டத்தை எதிர்க்கும் சூர்யா தனது படத்தை 5 மொழிகளில் எடுக்கலாமா ?
– எச். இராஜா
எடுக்கவே கூடாது ; அதோடு – இந்தி பேசும் மாநிலங்களுக்குக் கூட பயணம் போக கூடாது. நல்ல அறிவுக் கொழுந்து சார் நீங்க…
பெரியார் முழக்கம் 25112021 இதழ்
