வினா விடை
• காங்கிரஸ் கட்சி தேர்தல் அறிக்கை முஸ்லீம் லீக் தேர்தல் அறிக்கைப் போல் உள்ளது – மோடி
சமூகநீதி – பெண்ணுரிமை – மாநில உரிமைகள் எல்லாம் இஸ்லாமியர்களுக்கானது. பெட்ரோல், டீசல், சிலிண்டர், டோல்கேட் கட்டண உயர்வுதான் இந்துக்களுக்கானது.
• பாமக வேட்பாளர் தங்கர்பச்சான் கிளி ஜோசியம் பார்த்து தனது வெற்றியை உறுதிப்படுத்திக்கொண்டார் – செய்தி
தாமதிக்காதிங்க… உடனே தேர்தல் ஆணையத்துக்கு தகவல் சொல்லி வெற்றியை அறிவிக்க சொல்லுங்க..
• திமுக சீரழித்த தமிழர் பண்பாட்டை நாங்கள் மீட்க வந்திருக்கிறோம்
– ஜெ.பி.நட்டா
யாரது, மதுரையில் எய்ம்ஸ் கட்டடப் பணிகள் 90 சதவீதம் முடிந்து விட்டது என்ற சொன்ன அந்த நட்டா தானே. அடுத்தமுறை தமிழ்நாட்டுக்கு வரும்போது சமஸ்கிருதத்தில் பேசி தமிழர் பண்பாட்டை மீட்க போராடுங்க ஜீ..
• உடல்நிலை காரணமாக பாஜகவுக்கு பிரச்சாரம் செய்ய முடியாது, நட்டாவுக்கு குஷ்பு கடிதம்
இதுக்கு போய் கடிதம் எழுதி பத்திரிகையிலும் செய்தியாக்கிட்டிங்க.. நம்புரோம் நீங்க கட்சியில் சுமூகமான உறவில் தான் இருக்கீங்க..
• ரூ,4 கோடி பறிமுதல் செய்யப்பட்ட பிறகும் நயினார் நாகேந்திரன் மீது அமலாக்கத்துறை ஏன் நடவடிக்கை எடுக்கவில்லை
– தமிழ்நாடு காங்கிரஸ் கமிட்டி தலைவர் செல்வப்பெருந்தகை
இப்படியெல்லாம் கேட்காதிங்க.. பணத்தை எனக்கு அனுப்பியதே செல்வப்பெருந்தகை தான் என்று நயினாரிடம் ஒப்புதல் வாக்குமூலம் வாங்கி அமலாக்கத்துறை உங்களையே புடிச்சு உள்ள தள்ளிடும். எச்சரிக்கை!
• பாஜகவோடு கூட்டணி வைத்து எந்த பயனும் இல்லை
– எடப்பாடி பழனிச்சாமி
நியாயம் தான்.. உங்களுக்குத்தான் இப்போது ஆட்சியைக் காப்பாற்றிக்கொள்ள வேண்டிய அவசியம் இல்லையே!
• இந்தியா கூட்டணிக்கு பிரதமர் யார் என்பதை இதுவரை கூறவில்லை
– எடப்பாடி பழனிச்சாமி
எங்களது அதிமுக கூட்டணியின் பிரதமர் வேட்பாளர் யார் என்பதில் தெளிவாக இருக்கிறோம். அதை இப்போதே சொல்ல வேண்டும் என்று மிரட்டிப் பார்க்காதீர். ஒற்றை விரலால் ஓங்கி அடித்தப் பிறகு கூறுவோம்.
பெரியார் முழக்கம் 11.04.2024 இதழ்
