கே.தொட்டியப்பட்டியில் ஜாதி வெறியர்களால் தாக்குதலுக்கு உள்ளாக்கப்பட்டவர்களை சந்தித்து கழகம் ஆறுதல் 04042017

பாதிக்கப்பட்ட சமூகமான அருந்ததியின மக்களுக்கான நீதி வேண்டிய போராட்டத்திலும்,தொடர்ச்சியாக அம்மக்களின் உரிமைப்போராட்டங்களிலும் திராவிடர் விடுதலைக் கழகம் என்றென்றும் அம்மக்களோடு துணை நிற்கும் என உறுதியளித்தனர்.

மேலும் இத்தாக்குதல் சம்பவத்தில் ஈடுபட்ட அனைவரையும் வன்கொடுமைச்சட்டத்தின் கீழ் கைது செய்யவும், கைது செய்யப்பட்டுள்ள குற்றவாளிகள் கடுமையாக தண்டிக்கப்படும் வகையில் வழக்கை நடத்திடவும்,உடமைகளை இழந்து நிற்கும் அம்மக்களுக்கு உடனடியாக தக்க நிவாரணம் வழங்க கோரியும் திராவிடர் விடுதலைக் கழகத்தின் சார்பில் விரைவில் போராட்டம் நடத்தப்படும் எனவும் அறிவித்தனர்.

ராஜபாளையம் சுற்றுப்பகுதிகளில்தொடர்ந்து நிலவிவரும் ஆதிக்க ஜாதியினரின் ஜாதிய வன்கொடுமை தாக்குதல்களுக்கு முற்றுப்புள்ளி வைக்கும் வகையில் திராவிடர் விடுதலைக் கழகத்தின் சார்பில் அப்பகுதிகளில் பிரச்சாரப்பயணம் நடத்த ஆவண செய்ய உள்ளதாகவும் கூறினார்கள்.